Noor Star

السلام عليكم ورحمة الله وبركاته اول حاجه انت لسه صغيرة قدامك حياه ودراسه على الاقل لما تخلصي ثانوي يكون سنك مناسب وكدا وانت لسه بتنضجي وعقلك وانت ذات نفسك محتاجه وقت عشان تقدري تستوعبي خطوبه وجواز ومسؤوليه والخ الموضوع مش زي ما متخيله لازم يكون في نضج وقدرة على اتخاذ قرارت صح لان موضوع الجواز دا بالذات لازم نستخير ربنا اولا به وبعدها نشوف هل الشخص دا مناسب ليا من ناحية ايه مثلا من ناحية دينه هل بيصلي ويصوم ويعرف ربنا هل أخلاقه كويسه وشبهي أو احسن مني طيب هل بار بأهله هل قادر على تحمل المسؤليه وهيراعيني ويعاملني بما يرضي الله هل اقدر اديه ثقتي وغيره بقا كل واحد بيشوف إيه المناسب ليه اكتر وطبعا الخيرة فيما اختاره الله فنتكل عليه وندعيه انه يرزقنا بالزوج الصالح ، أما بقا بالنسبه لقريبك فطالما انت مش مرتاحه معاه ومش قادرة تستحملي فدا مش عيب ولا غلط ولو رفضتي معاكي كامل الحق بل وكمان انت كدا لا بتظلميه ولا بتظلمي نفسك حاولي تفاهمي مع اهلك بهدوء وصلي ليهم ان الوضع لو استمر كدا هنتظلم احنا الاتنين وهيكون الوضع مش زي مانتوا فاكرين وانا لسه صغيرة مش هقدر اتكلمي معاهم اشرحي ليهم الوضع وقولي الي مخليكي مش مرتاحه انت متضغطيش على نفسك ابدا وإن شاء الله خير

عندك خبرة في ايه ابدأ من هنا ودور ع شغل وربنا هيكرمك بإذن الله طور من نفسك انت لسه صغير ومعاك وقت اتعلم وهتلاقي نفسك بقيت معاك خبرات وهتمر بتجارب تعلمك برضو وأنصحك قبل ما تخوض اي تجربه في اي مشروع ادرسه كويس أوي من كل الجهات وقيس هل هينفع فاكمل ولا في مخاطرة فهاخد حظري فلازم تفكر كويس أوي وتكون راسم مخطط لكل شئ من اول الفكرة ورأس المال والتسويق الصح ونسبة الأرباح وتحط احتمالات خساير كل دا لازم توزنه كويس اوي وربنا يوفقك في الي جاي يا بطل انت قدها

الكلام بيجيب بعضه يعني مرة في مرة هتلاقي نفسك بتتكلم وتضحك والخ انا زيك يعتبر بس في شوية اختلافات بسيطه ومحلوله ان شاء الله انا في الطبيعي بروح الكلية لوحدي مش معايا حد قريب مني اصلا وكل مرة سبحان الله بدخل اروح مثلا سأله حد ع حاجه مثلا اقول ايه هي المحاضرة بدأت ولا لسه هو الدكتور الفلاني جه يعني اي سؤال حرفيا ليه علاقه بالمكان الي احنا فيه وبعدها بلاقي نفسي قاعده معاهم وبتكلم ونطلع سوا وندخل المحاضرة ونعرف اسامي بعض وهكذا ، جوا المحاضرة بقا اقعد قدام لكذا سبب اولا تفهم كويس أوي الدكتور قدامك تتناقش معاه وكمان أغلب الدكاتره بيبدأوا بدردشه في الأول ف حاول تدخل في الكلام ولو بتعليق بسيط جدا لما الدكتور يشرح خليك معاه ومركز لما يسأل جاوب واتفاعل وهكذا وكل الي بقولك عليه دا حاجه عاديه جدا والله يمكن صعب التنفيذ في الأول بس واحده واحدة مع التطبيق الصح والتجربه هتلاقي نفسك طلعت من دوامه الي انت فيها وللعلم انا كنت انيل منك بمراحل بس الحمدلله مع التفاعل بالي حوليك وانك تلاقي نفسك في مواقف لازم ولابد انك ترد وتعبر وتدي رأي ويكون ليك بصمه ، مش هينفع تستنى الناس هي إلي تبدأ لان كدا عمر ما حاجه هتتغير ف الصح ابدأ بنفسك انت وتدي نفسك دفعه بسيطه وهوب تخرج من الي انت فيه وبالتوفيق

وعليكم السلام ورحمة الله وبركاته اختي العزيزة يمكنك أن تجربي هذا وادعو الله عز وجل أن يكون خير دواء لكي بإذن الله:- جربي انك ما تمسكي جوالك أو أنك تتعرضي للأجهزة كثير واشغلي حالك باعمال ومساعدة الغير مثلا اطبخي طبخه اعملي حلو بقصد يعني فيكي تشغلي حالك وتتحركي بحيس مخك يدي أوامر بالانتباه وانك تكوني مصحصحه غيري مكان جلوسك المعتاد او حاولي تغيري عاداتك الي بتسويها باليوم بحيس ما يكون في روتين نحنا بدنا نكسر ها الروتين حلو وجربي انك تدخلي اكل صحي سلطات واكلات خفيفه وصحيه وغنيه بالمعادن والبروتين بتحسي هيك انك خفيفه ونشيطه وأهم نصيحه اشربي ماي لان اوقات بيصير في عنا جفاف وبنحس بهيك شعور ف ل نتفادا هاد الشي بتركزي في شرب الماي يعني من ٣ ل ٣ ونص لتر في اليوم فيكي تقسميه بين كل وجبه والتانيه تشربي كاستين ماي بس قبل الأكل بنص ساعه يعني ، وما تشربي أثناء الأكل الا اذا احتاجتي ضروري فيكي تشربي شوي اذا بدك لان هيك او هيك بتشربي بعد الأكل بشوي المهم انك تشربي ماي وخلاص قسميها متل ما بدك فيكي تجربي كمان انك تجيبي دارك شوكليت بتكون رائعه في تغير المزاج وخصوصي ألنا نحنا البنات ونامي نوم كافي لجسمك ما بنصحك بالاكثار من الكافيين والظاهر أن حتى جسمك صار متعود عليه ف ماعاد يأثر ف بالتالي بلاه احسن الك ، فيكي تجربي مشروبات متل الشاي الأخضر البابونج او اليانسون وفي النعناع وفي كثير مشروبات بس يلي بحسها بتريح اليانسون او النعناع كتير بريحني شخصيا يعني فيكي تجربي يلي تبيه وبترتاحي اله وبالتوفيق

السلام عليكم ورحمة الله وبركاته اختي الفاضله في كذا نوع بس Samsung و LG كويسين الاتنين دول ممكن تشتري واحدة منهم وان شاء الله تنال اعجابك وتقدري تجيبي الحجم الي مناسب لحضرتك وتتهنو بيها ان شاء الله وعفكرة حطيت الاتنين يلي الي تجربه بيهم