yasmin Elshazly

انتي انا بس ف حياه تانيه 😂 انا شبهك ف كل حاجه قولتيها ولحد دلوقتي بتوتر ولو ف تجمع بحاول انسحب وبجلد نفسي ع جمل عاديه جدا بس بفضل اقول كان لازم اقول كذا واعمل كذا ... والحل الوحيد اللي نفع معايا هو تقبل توتري دا وبجبر نفسي اني اقعد ف التجمعات واتكلم واشترك ف نوادي واماكن واحاول امشي امور حياتي لوحدي بدل م بستخبى ف اهلي وواحده واحده هتلاقي الموضوع عادي والردود هتطلع صح لان حتى لو قعدتي ف تجمع ومتكلمتيش مره مره هترتاحي وتبدأي تشاركي رأيك براحه واختاري الناس اللي تقعدي معاهم لان الراحه النفسيه هي العامل الاساسي ف التوتر والتخبط ف الكلام

غيري السبب يعني لو شخص دخل حياتك غيرها للاسوء اطرديه منها .. لو عادات ابعدي عنها وحاربيها واحده واحده .. لو شعور حاولي تتخلصي منه مثلا لو غضب من حاجه حاولي تفرغيه ف اي حاجه ومتراكميهوش عليكي وهكذا

هترتاحي لما تعرفي ان الناس مش مهتمه .. مش مهتمين بمين احلى من مين ومين ملامحها جميله اكتر .. قرأت مره ان انت مش وحش انت بس متعود ع ملامحك .. يعني انتي شايفه نفسك مش حلوه بس غيرك هيشوفك قمر وما شاء الله اهتمي بنفسك واعملي سكين كير وهير كير روتين هتحسي بانتعاش و ب (ايه الحلاوه واللذاذه دي 🌸) واشغلي حياتك واتعلمي مواهب وانجحي صدقيني دي الحاجات اللي هتحسسك بالرضا عن حياتك كلها مش شكلك بس

اولا عاوزه بس اوضح ان حتى لو كلمت بنت ف حدود الزماله من غير رومانسيه ف دا حرام مش فكره نوع الكلام بس ثانيا حضرتك فعلا متضايق من الفكره لانك بتحبها ولا لأنك بتحب الكماليه وكاره او (مقروف ) انها حبت غيرك ؟ ثالثا هترجع لانك بتحبها ولا اتعودت ع وجودها ؟ دي كلها حاجات بتفرق تستاهل ترجعلها والا لا .. لان يمكن تكون هي تأقلمت ع عدم وجودك ف حرام ترجع وانت مش متأكد من قرارك

وايه اللي عرفك ان ربنا مش موفقك ؟ تعرفي ان السيده حليمه السعديه مرضعه الرسول كانت بتقول ع اشرف الخلق سيدنا محمد انها لولا انها ملقتش غيره مكنتش هتاخده ترضعه !! احنا نظرتنا للحياه ولامانينا محدوده اوي م يمكن ربنا مانع عنك اللي نفسك فيه لانه مش الافضل ليكي او مش مكانك الصح ف اصبري وارضي بقضاء ربنا وادعي انه يلهمك الرضا وراحه البال 🫶🏻

مرحله طبيعيه جدا انتي بس محتاجه تتعايشي معاها خليكي بارده واشغلي وقتك بأي حاجه والاهم تدعي بالرضا ادعي كتير اوي ان ربنا يراضي قلبك ويفرحك ف يوم زي دا واعرفي انها مش نهايه الدنيا وان الحياه ابسط بكتير من اسم كليه هتدخليها .. انا فاهمه احساسك وتفكيرك وهبان سخيفه بس مش مسأله حياه او موت هي 🤷‍♀️ ودي نصيحه من واحده كانت مفكره ان الثانويه حياه وموت واكتشفت غباء الفكره اول م رجلها عدت بوابه الكليه .. ربنا يوفقك ويراضيكي ❤️