butterfly nur

حاولي تتعلمي حاجات جديده رياضات او لغات او تقرأي في مواضيع مختلفه وتتعمقي فيها تملي دماغك ويبقا عندك قدر من الثقافه والحكمه تحاولي تشغلي نفسك بانك تهتمي ببشرتك وصحتك اكلك والجيم والحاجات اللي بتحبيها يبقا عندك شخصيتك واراءك وافكارك ومواهبك كل ده هيعزز ثقتك بنفسك وديما بصي للنعم اللي ربنا مديهالك

المفروض ان صاحبتك تخاف عليكي وتحافظ عليكي مش تشجعك علي حاجه حرام خدي بالك منها ومن تصرفاتها ومتسمعيش كلامها في اي حاجه غير لما تراجعي نفسك الاول واحسبيها حلال وحرام انتي واضح انك متربيه ومحترمه بلاش تضيعي كل ده واللي عايزك هيستني الوقت المناسب ويجي يتقدملك ولو بعد عشرين سنه ولازم يحس بقيمه انه يبقا معاكي مش يكلمك من ورا اهلك والهبل ده انتي صح انك عملتي بلوك وصاحبتك لو ضغطت عليكي تاني انك تكلميه فهميها انك مش متقبله الوضع ده وانك مش بتكلمي حد وان سنك صغير ولو فتحت الموضوع تاني اعمليلها بلوك وازعلي منها وقوليلها انك هتقولي لاهلها هتقفل عالحوار خالص

عشان كده ربنا حرم العلاقات دي اقطعي علاقتك بالاتنين واستني نصيبك الحلال واتقي الله في نفسك انتي طالما عارفه انك بتحبي شخص وهو بيحبك ومستنيين الحلال سمحتي لنفسك تقربي من شخص تاني ليه هي لعبه ولا تسليه انضجي واكبري وقربي من ربنا واعرفي دينك وافهمي ليه ربنا حرم العلاقات دي وتوبي توبه نصوحه عشان الشخص اللي علقتيه بيكي ده ربنا هيحاسبك علي كسره قلبه

واضح ان فيه فروق في التفكير والنشأه يعني انت متضايق انها منفتحه في تعاملها وهي اكيد شايفه ان دي حاجه عاديه وطبيعيه جدا لو كنتوا سوا في علاقه رسميه هل هتقبل انها تسلم وتتعامل زي كده ولا لا وهل هتقبل انها تتعامل باريحيه وتتناقش مع ده ومع ده وانت شايف مستقبلك معاها ازاي لو مش متأكد من كل ده ياريت تشغل نفسك بشغلك وتنسي

من ترك شيئا لله عوضه الله خيراً منه دي علاقه غير شرعيه حرام كلامكم سواء اكونت فيك او مش فيك ياريت تبعدي عنه وتدعي ربنا لو فيه الخير يجعله من نصيبك

المده لو زادت عن اسبوعين تقلقي وتكشفي لكن اقل من ذلك غالبا اسباب نفسيه او انتي غيرتي نظام اكلك مثلا او نظام نومك او عندك حدث مهم مسببلك قلق كل دي اسباب لازم تاخدي بالك منها

التركيز علي اللغات هيفيد جداً لانها تراكميه ومستمره وبلاش تطنشي الفرنساوي ولو محدده هتختاري علمي او ادبي ركزي علي المواد اللي هتفيدك بعدين واتأسسي فيها كويس والباقي درجه النجاح كافيه

فكر في الأسباب اللي خلت الشخص ده مش موجود في حياتك

من شخص مر بالحاله دي وهو ١٤ سنه أنصحك تقرب من ربنا وتنشغل باي حاجه وتفكر نفسك ديما ان ده ابتلاء وهيعدي وربنا بيختبر صبرك وقوتك وتدعي كتير ربنا يصلح احوالكم ولو تقدر تتدخل وتحاول تحل مع اهلك المشاكل دي ياريت لان كلامك هيفرق معاهم جدا وتفهمهم الحاله اللي انت بقيت فيها

حاول تبحث عن النفس الاماره بالسوء وازاي انك تقاومها اعتقد هيفيدك جدا