جوايا دايما احساس بالثقه و انى أستاهل و استحق كل حاجه كويسه بس بمجرد ما شخص ييجي يقول كلمه او أحس أنه متغير معايا أو مش بيعاملني زى الاول بشك ف نفسي و كمان لما ببقى في تجمعات ناس كتير سواء اعرفهم أو لا بحس اني عايزة أعجب و بالاخص لو أشخاص اعرفهم يعني من العائله و الاصدقاء اصدقائي كلهم بعدوا عني مرة واحدة ولما براجع مواقفي و أسلوبي محسيتش أنه فيه من عندى اى حاجه غلط هي فترة كدراسيا علينا كلنا ضغط و صعبه بس ساعات بشوفهم بينزلو مع بعض و بيتكلمو و في بينهم تواصل و أعز صديقه ليا بقيت كمان علاقتنا سطحيه جدا و مش زي الاول مبقيتش تحكيلي لما وقفت اتصالات و نزولات معاها هي كمان وقفت و مبقتش تتصل ابدا ونسيت اليوم اللى كنا متفقين ننزل فيه مشكلتي اني بحس اني بدي للشخص اللى قدامي كتير اوى و مش بلاقي منه مقابل و بقيت مش عارفه المفروض اتعامل مع الناس ازاي و مين اللى اخليه ف حياتي و مين اللى لا و ليه دايما ببقي في تناقض جوايا ف اوقات ابقي واثقه من نفسي جدا و بتوتر اوقات تانيه لما تبقي وسط مجموعه كبيرة
تم النشر الاثنين، ١٢ مايو ٢٠٢٥
لعرض الملف الشخصي في فدني اضغط هنا