Ibrahim Abdelrahman

بالنسبة لمحلات الملابس ف يفضل انك متغيريش ف البروفة لان ممكن الكاميرا تكون ف اللمبة ومش بتبان ف يفضل انك تاخدي بالك من الحته دي

اول حاجة هي تغيير العادات بمعني أن يبقي فيه جديد ف يومك تغيير الروتين دا من أهم الأساليب لاسترداد النشاط الي هو بقوم الصبح عايز اشوف اي الجديد ثانيا بالنسبة لأصحاب حاولي ترجعي تكلميهم وتخرجو سوا خليكي وسط الناس الي بتحبك لأن دا ليه ثأثير جامد ع نفسيتك تالت حاجة والأخيرة بالنسبة للشغل اعملي لنفسك انتي تارجت وبعد التارجت دا لو صلتيلو هتكافأي نفسك بالخروج أو بأنك تعملي حاجة تحبيها هيفرق معاكي الاهم انك تغيري روتين كل يوم

هحكيلك تجربتي الشخصية مش هقولك حد زميلي انا طول فترتي الدراسية كنت برتب ع الدفعة وكنت متفوق جدا ومعروف بين المدرسين جيت ف تالتة ثانوي عملت الي عليا وذاكرت وكنت بتعب جدا وكنت بطلع دروس برا بلدي ولكن النصيب كان أكبر من جهدي وجبت 60ف المئة طبعا دا ميدخلش حاجة حكومي كنت مسافر برا وتعبت جدا لحد ما خلصت الورق وبعد كدا حصل ظرف مقدرتش اسافر جيت بعد كدا اقدم ع جامعة لقيت أن معظم الجامعات قفلت التقديم قدمت ف جامعة خاصة واتقبلت الحمد لله بقيت ف مستوي احسن من اصحابي الي جابو قمة وتعبت جدا علشان اقدم اصلا ف الجامعة والحمد لله برتب ع الدفعة كل سنة انا ف bis ف عايز اقول ان النجاح مقياسة مش الرقم بتاع الشهادة البني ادم نفسه هو مقياس النجاح انت الي ف ايدك تعمل كل حاجة مدام انت عارف قدرتك وبتقنع نفسك انك تقدر حاول لحد ما تنجح ماتيأسش وبالتوفيق

فيه كورس اسمه مهارات من جوجل سجل فيه بتاخد الدورة وبعد ما بتخلص بتاخد شهادة معتمدة من جوجل

التقرب الي ربنا سبحانه وتعالي لأن دا ضعف ايمان أن شهوتك دايما الغالبة ف انت محتاجة جدا انك تقربي من ربنا دا اولا ثانيا يفضل انك متبقيش لوحدك ومتتعزليش لأن دا اسهل طريق يوديكي لكدا وخلي لسانك دايما عامر بالذكر وكل ما يراوضك الفكر قومي اتوضي وصلي ركعتين لله واسأل الله الهداية