Flower e

هو كلام الإجابة الاولي صح..انتي ال حاولتي تختبريه عن طريق صاحبتك وهو غلط وكلمها صح ال فهمته؟

لو في فرصة حولي تاني عام لأن الأزهر صعب للغاية وواضح انه مش مناسب ليكي، ثانيًا سبب اكل شفايفك وتوترك دا ضغط نفسي وتوتر مش بعيد يكون عندك اضطراب توتر ولكن عشان تتشخصي صح محتاجة تروحي لدكتور نفسي وتتعالجي لأن دا مؤشر ع توتر حاد اكل الشفايف لدرجة النزيف متسبيش نفس كدا يا قمر، واقنعي أهلك انك تروحي للدكتور النفسي وتتعالجي وحتي السبب في درجاتك ال نقصت احتمال كبير المشاكل النفسية والضغط النفسي..اقنعي أهلك تروحي وتتعالجي وكل حاجة هترجع لمسارها وتبقي أفضل بإذن الله، والف سلامة عليكي يا قمر❤️❤️

بصي من الطبيعي جدًا تخافي من التيجة تخافي من اللوم..من المقارنة، تخافي من الشماتة..طبيعي جددًا بس اسمعي كلامي كإنسان عدي من كل المراحل دي هي عبارة واحدة: درجاتك مبتحددش انتي مين..مبتحددش قيمتك كإنسان، ولا قيمتك ف عيون الناس..ومش معني أن درجاتي نقصت ف انا نقصت ف عيون الناس، احنا بشر والأداء الدراسي دا بيتوقف ع حاجات كتير تعرفي أولها إيه؟ الراحة النفسية..ال انتي فقدتيها من زمن، من اول ما بدأوا يلوموكي ويقارنوكي..عارفة انتي محتاجة إيه، محتاجة تعرفي قيمة نفسك وانه انا مش عبارة عن درجة اولًا..ثانيًا ثقي في نفسك ثقي اني بعمل ال عليا في مذاكرتي وبدخل الإمتحان والباقي مش عليا..مهما الناس لامتك وشمتت فيك افتكري دا: انا مش درجتي..الدرجة مش هتحدد الناس هيبصولي ازاي، ولو بتحدد يبقا الناس دوا أغبيا مش انا "مدام عملت ال عليا طبعًا" ومتتحامليش وتضغطي ع نفسك اوي كدا..انا شوفت ناس جالها مشاكل نفسية صعبة بسبب الدرجات، درجات إيه ال تبوظ حياة إنسان..أهم حاجة هي انتي ونفسيتك ال مش هتتعوض يا قمرر❤️❤️

اختك مريضة نفسيًا عندها اضطراب نفسي او مشاكل نفسية ولازم تُعالج عند طبيب نفسي، دا الحل مهما الناس هنا ادوكي آراء وقالولك كلميها كذا واعمليلها كذا مشكلتها دي مش هتتحل ولا سلوكها هيتغير..عشان ال هيغيره بس هو العلاج النفسي عند طبيب مختص، ال عليكي كأختها انك تقنعي والدتكم انها محتاجة للدكتور ف أسرع وقت وتبلغي وتفهمي والدتك ان حالتها تستدعي دكتور بشكل عاجل عشان تكوني عملتي الي عليكي أمام ربنا

ربنا يشفيك..ولو حضرتك مريض نفسي مع العلاج هيبقا مهم لو شغلت نفسك بحاجة شغل او دراسة لأنه الأفكار دي بتيجي للإنسان اما بيكون عنده اوقات فراغ كتير او بيقعد لوحده كتير وهو تعبان نفسيًا اصلًا

انا فهمتك من التعليقات، وجوابي اتطلقي منه هو محتاج يفهم انه مش بيربي حيوان أليف..انه جايب بني آدمة ليها مشاعر واحتياجات وحقوق عليه، ولو مش عندك مصدر دخل اقعدي عند أهلك واشتغلي انتي لسا صغيرة ، انا اتصدمت اصلًا اما عرفت انك متجوزة وانتي عندك 15 يعني تحت السن القانوني غلط جدًا وكمان كنتي بتحبيه 3 سنين قبلها..دا وانتي عندك 12 سنة بقا، دا سن حد فيه يقرر هيعمل إيه في حياته ال هتكمل عمر قدام بذمتك

الف سلامة عليكي يا قمر🥺❤️، اقولك حاجة انا تعرضت للعنف الأسري من كل أهلي في مراحل مختلفة من حياتي حتي لو مش بأستمرار ف كان فترات، المهم اكتر حاجة الإنسان ال بيتعرض للعنف دا محتاج يسمعها..انتا متستحقش كدا❤️❤️، انتا افضل من كدا وأجمل من كدا وتستحق حد يحبك ويحترمك..وتستحق الحلو كلله الي ف الحياة❤️، دا الي هيرجعك عن طريق الأنتحار انك تسمعي الكلام دا من جواكي❤️، بصي المشكلة حلها كالآتي اصبري شوية وكملي دراستك وبعدها شوفي حد كويس تتجوزيه يخرجك من الدايرة دي، مش بقولك اهربي بالجواز..بس بقولك خلي هدفك انك تتعلمي وتختاري الشخص الصح ال هيعاملك المعاملة ال تستحقيها، وفي نفس الوقت ابعدي عنهم قدر الإمكان خليكي في السكن مثلًا في وقت الدراسة وانتي ف الإجازة تجنبي أهلك وربنا يعينك، ولو سمحتي متأذيش نفسك ❤️..انا بكلمك كإنسان كان بيأذي نفسه بردو جسديًا ومريت بكل المشاعر دي لو سمحتي متطلعيش غضبك منهم فيكي❤️..غضبك منهم طلعيه في هواياتك، طلعيه في شوية موسيقي، طلعيه بالقعدة في الزرع والخضرة، اخرجي مع واحدة جميلة زيك اتمشوا، انتي جميلة وصغيرة❤️ الحياة قدامك طويلة ارجوكي متضيعهاش وتضيعي اخرتك بالأنتحار..وافتكري ان مُعذبك في الدنيا هيتعذب في الآخرة وانا كإنسان تعرض للتعنيف والكره من طرف أهله صدقيني اوقات كتير بعيش بقول انا عايشة عشان اشوف عذابهم جزاءهم، زي ما عذبوني عايشة عشان اشوف الحقوق بتترد وربنا بيخلص، عيشي عشان دا❤️ انتي أجمل من انك تنتحري وتفرطي في روحك بينما في قصة تانية انتي إنسانة ناجحة وجميلة بتبني حياة بتاعتها هي وبس ويمكن بتتجوز وبتخلف وبتكون أحسن أم كمان❤️ انا كتبت كتيرر اووي انا آسفة بس صدقيني حاسة اني شوفت نفسي قدامي وانا في نفس الموقف، بقولك كل حاجة كنت بقولها او كان نفسي اقولها لنفسي ساعتها

ال انتي شرحتيه من أعراض زي الضلالات والهلاوس والوسواس القهري الشديد دا دليل ع اضطراب نفسي او ممكن عقلي، انتي محتاجة تروحي لدكتور نفسي مختص في أسرع وتحكيله عن حالتك بالتفصيل عسان تتعالجي لأن لو استمريتي كدا بدون تشخيص او علاج حالتك هتسوأ، ارجو انك تاخدي نصيحتي في عين الأعتبار لأن انا اعرف حد من قرايبي عنده نفس الأعراض ولما المرض متعالجش تفاقم..وعمومًا لو مش عارفة تقولي لأهلك ازاي انك عاوزة تروحي وتكشفي نفسي احكيلهم عن حالتك انك قد ايه تعبانة وقد ايه بتعاني وفي نفس الوقت لو أهلك مقتنعوش انتي عارفاهم كويس دوري ع طرق لإقناعهم وروحي لأنك ضروري تاخدي تشخيص ال عندك دا مش حاجة عادية هتتعالج بكلمتين، وربنا يشفيكي يا قمر❤️🥰

بني آدم سلبي وكاره الخير لغيره وعايز يحطمك ويخليك زيه عشان ميبقاش حد أفضل منه، ابعد عنه نهائي وبالنسبة للوحدة ف انتا مش مضطر تكون وحيد خالص، لو لقيت ناس مش شبهك دور بأستمرار وكلم كل الناس بأستثناء ال مش كويسين حاول تتعرف معاهم سطحيًا كدا ولو حد شبهك صاحبه من قريب، وحتي دلوقتي ف وقتنا هذا متسبش نفسك من غير صحاب اتعود تصاحب الناس سطحيًا مثلًا انا كان عندي كذا صاحبة في اعدادي وثانوي في الدورس بقابلهم في الدرس او ممكن نتفق نروح الدرس سوا وبس علاقتنا ببعض مقتصرة ع الدرس وشوية كلام جانبي وخلاص، اتعود تسطح علاقاتك لأنه فعلًا مش كله ينفع يقرب منك واتعود تخلي كل مكان ليه علاقاته زي ما شرحتلك كدا

راجعي دكتور باطنة ممكن ال عندك ضغط دم واطي او نقص ڤيتامين او او مش هتعرفي إلا اما تكشفي، وربنا يشفيكي ❤️ إنما لو كان اول ما تشوفي الكتاب بتحسي بنوم بسبب إجهاد او ملل او عدم حب للمذاكرة دي حاجة تانية، انا بقولك بس اكشفي لو كنتي بتحسي بتعب ودوخة لأنه اكيد حاجة جسدية

اها.. عشان زي ما قولتلك الموضوع كبر، حاولي تبعدي عن اسباب التوتر وتعزلي نفسك عنها وتخلقي لنفسك عالم صغير لوحدك..اما تتوتري من حاجة او تتعبك اعملي escape معين تروحيله..هواية او حاجة تعمليها او تنزلي تتمشي، لو منفعش الحل دا من الأفضل تشوفي دكتور نفسي لأن موضوع التوتر هيكون مزمن كدا والف سلامة عليكي يا قمر وإن شاء الله تتحل مشكلتك ف اقرب وقت..انا دعيتلك❤️❤️

ما هي صدقيني مهما عملتي مش هتتحل المشكلة..هي محتاجة دكتور نفسي لأنها مضطربة نفسيًا نفيس حد طبيعي يعمل ال هي بتعمله ، وطالما سلوك مش طبيعي يبقا محتاج علاج وتقويم ومفيش حل غير انها تتعالج عند طبيب نفسي وال هيقولك غير كدا وكلميها واقنعيها بيخدعك، مش هتتحسن صدقيني هتفضل زي ماهي

الف سلامة عليكي يا قمرر🥺🥺

لا اطلبيه بعد الي حصل دا انتي اكيد محتاجة علاج نفسي ولو كملتي وانتي كدا هتكوني انتي مش كويسة كبنيآدم ولا حياتك كويسة لأن أُسس الحياة الكويسة هي الصحة النفسية، وال انتي شرحتيه عن نفسك انك تايهة وخايفة من كل حاجة دا اكبر دليل انك لازم تتلقي علاج ومساعدة نفسية، وربنا يشفيكي يا قمر❤️

ملكيش دعوة بكلام الناس..اكتر حد عارفك هو نفسك❤️

الف سلامة ليهم وليكي ياقمر🥺..ربنا يعينك

الف سلامة عليكي يا حبيبتي ❤️ والله انتي عانيتي كتير، وربنا هيعوضك بإذن الله لأنك قمر وجميلة ومش ذنبك كل ال الناس بتعمله دا خالص🥺❤️..هسألك سؤال،لو طلبتي تروحي لدكتور نفسي اهلك او خالتك هيوافقوا ولا لا..يعني اكيد متعرفيش، بس توقعًا ردهم هيكون إيه؟

بالظبط وانا قصدت دا..انه ماشي بعضهم دكاترة لكن مش كلهم..ف انتقي ال هتاخدي منه النصيحة او العلاج

انصحك متاخديش أي ڤيتامين بتوصية شخص غير مختص وعلي غير دراية كامل بحالتك وبدون استشارة الطبيب لأنه غلط

وضحي ايه السبب ال خلاه يبطل شغل عشان نعرف هو سبب وجيه ولا لا

محتاجين نفهم حاجتين اولًا انتي اما بتقوليله هخرج بيقول لا ولا بيقول ايه ولا بيطلع اعذار مثلًا عشان متخرجيش..ثانيًا هل سألتيه بشكل مباشر مش عاوزني اخرج ليه ولو سألتيه ايه احابته

الف سلامة عليكي❤️

سلامتك يا قمرر❤️❤️🥺🥺

هو بصراحة معرفش بس جربت تغسل ايديك بلمون، حد قالي عليها قبل كدا بس معرفش صحتها إيه، انك تقعد تفرك الليمون ع ايديك عشان يضيع الريحة

والدك Toxic من كلامك..ولو هو مش بيتصل ويسأل عنك او مهتم بيكي يبقا متعشميش نفسك انه هيكون كويس لأن الأمل صعب ع الإنسان، كملي في حياتك ودراستك وشوفي حياتك بعيد عن الي مش حاطك في حساباته

في فرق بين دا وبين انه بيكون حواليكي دوشة حتي ف الأوقات ال مش بتكوني فيها بتفكري زي وقت النوم او المذاكرة ف اطلب منهم بهدوء يبطلوا دوشة يطفوا النور لو مش هيستجيبوا شوفي حلول تانية، اشتري ال eye mask بتاع النوم ال هو بيغطي العين ، حطي سدادت اذن بس دا لو مسمعوش الكلام...انا بردو كنت زيك ومعنديش اوضة🥲 لحد ما اختي الكبيرة اتجوزت ، ف حاسة بيكي جدًا 💙

بصي هو في فرق بين انك تكون عاوز تفضي عقلك وتفكر شوية مع نفسك وتفصل اما تكوني حابة تعملي كدا يا اما اخرجي اتمشي شوية كدا وفكري لو دا مش متاح استني اما كله ينام واقعدي فكري مع نفسك...