islam issa

الإجابة تاتي من نفسك انك تكوني عارفه ومحدده عاوزه ايه بالظبط زى مثلا ايه العيوب الي متقدريش تستحمليها ابدا او العادات الي بالنسبه ليكي خط احمر وفى كمان معيار المسؤليه وتعامله مع الناس وخصوصا عند الغضب والتوافق المادى والاجتماعى بينكم وكمان فرق السن اد ايه وقبلهم طبعا التواصل بينكم جيد ولا لاء لازم تشوفي الصوره كامله وتحددى ايه هى الاولويات بالنسبه ليكي وايه الي ممكن تتغاضي عنه مع التأكيد ان الخطوبه هى فتره للتعارف يعني لو حسيت ان مش هو الشخص المناسب ليكي ده شيء لا يعيبه علي الاطلاق ومفيش فيها اي تأنيب ضمير وهو مجرد تعارف تشوفو حتكونوا مناسبين لبعض ولا لاء

بما انه بينفق امواله وبسخاء علي ناس اخرين فهذا ينفي عنه صفة البخل اولا يجب ان تتقبلي زوجك عن طريق نسف الاحكام الي انت حاطاها عليه ثانيا اسالي نفسك ليه هو بيصرف فلوسه علي ناس تانيه وانتم لاء ايه الاحساس او الاحتياج الي بياخده منهم ومش موجود عندك

طريق التخلص من الالم يكون بذكر الله كما قال الله تعالي الا بذكر الله تطمئن القلوب واعرفي ان اى علاقه بدايتها لا ترضي الله تاكدى ان نهايتها لن ترضيكي انصحك بالاتي اولا تقبلي الالم ولا ترفضيه ثانيا قومي بحذف اى شىء متعلق بيه رقم شات صور لان كل هذه الاشياء تحفز شعور الالم داخلك ثالثا اكتبي فى ورقه كل العيوب والالم النفسي الذي تسبب فيه لك فهذا يحفزك علي الابتعاد عنه ورابعا واهم شىء اعملي تمارين نفس شهيق وزفير مع التسبيح بالله فهذا يساعدك علي اخراج الطاقاقات السلبيه الي جواكي من كره وحزن

اعتقد ان من الاسباب الرئيسيه لسلوكه دافع الشك والغيره حاولي تقللي قد ما تقدرى من الاشياء الي بتثير غيرته وشكوكه فى نفس الوقت عززى فيه ثقته فى نفسه ووريه اد ايه انت حاسه بقيمته وحبك ليه وانصحك بتمرين اخر انك بينك وبين نفسك اقعدى واكتبي مميزاته بالتفصيل الي انت شايفاها فيه

اولا احب ابشرك بقول الله تعالى "قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم" كما ان الله ايضا وعد بتبديل السيئات لحسنات عند التوبه النصوحه وكمان الآية الي بتقول "الحسنات يذهبن السيئات" فانصحك بتقديم صدقه جاريه وانك توهبي حسناتها لهذه الزوجه فده حل عملي يرتاح بيه قلبك واوعى تنسي انك بتتعاملي مع الله ارحم الراحمين

معرفة دورك الريئسي فى العلاقه كابنه ان تقومي ببرهم وحسن معاملتهم وده الى ربنا بيحاسبك عليه وافصلي تماما عقلك عن خلافاتهم وانوى ان يكون نجاحك هديه ليهم تساعدهم فى تقريب وجهات النظر واستعيني بالله وبالدعاء الدائم ولا تنسي الايه التي تقول واستعينو بالصبر والصلاه

مع رفضي التام لاسلوب الضرب ولكن يجب ان تعرفي ما هى الدوافع الرئيسية وراء هذا السلوك أنصحك بتمرين تجيبي ورقه وتخطى نفسك مكان زوجك وتكتبي من وجهة نظره هو ايه المشاكل الي فى العلاقه وايه هي احتياجاته غير الملباه معرفة السبب الرئيسي للمشكله وحلها من جذورها هو الطريق الامثل