amaal bakr

قربى من ربنا واعملى كل حاجه تقربك منه وادعيه كتير وصلى قيام الليل وادعى من قلبك وابكى وانتى ساجده خلى ربنا قدامك وكأنك بتكلميه وقولى كل حاجه وجعاكى وخليكى ديما فاكرة ان نصيبك ربنا كاتبهولك من قبل متيجى الدنيا وان نصيبك لسه مجاش وابعدى عن الحاجات اللي ربنا حرمها ودى مش نهاية الكون

مفيش انسان مش بيخطأ بس المهم ان الخطأ ميتكررش ودا اللي والدك عمله ملكيش حق تحاسبيه على حاجه ف ماضيه طالما حضرتك مكنتيش فيه وكان بيعاملك كويس ف من حقه عليكى انك متفكريش ف كدا وتحطى ف اعتبارك ان كل انسان بيخطأ

بصى افتكرى ان ف الاساس ربنا خلق الانسان عشان يعمر الارض و دا السبب اللى احنا موجودين عشانه يعني انتى دلوقتي عايشه ف مرحله ف حياتك اللى هى الدنيا هدف المرحله دى انك تعمرى وتسعى الرسول صلى الله عليه وسلم قال اعمل لدنياك كأنك تعيش ابدا يبقى في توصيه كمان من الرسول عن العمل والسعى اللى انتى فيه دا احباط ممكن يكون بيبقا نفسك في حاجات ومحصلتش وصلك لكدا ف عشان تبدأى حطى لنفسك اهداف صغيره على قد طاقتك واشتغلى عليها ولما توصلى هدف ورا التاني وهكذا هتلاقى نفسك انجزتى حاجات كتير و دا المطلوب منك وهنا ربنا بيكافئك بيوفقك لاحلامك وبرضو طول م انتى بتعملى بتاخدى ثواب وحسنات تؤجرى عليها

لأ انت سعيك الدافع الأساسي منه ارضاء الله عشان خلقك لكدا بعد كدا بيجى دوافع كتير اولها انتى ازاى بقا هو لما تشتغلى وتسعى هتنجحى ولما تنجحى هيبقا ليكي مكانه ساعتها الناس دى هتقرب منك وهم اللى هيخدموكى لان الناس بتحب الشخص الناجح وبتبعد عن الفاشل بعد كدا بيجى دافع اهلك انهم بيحبوكى وانتى لما تكوني ناجحه هتبقى سبب فرحتهم

كل اللى اتقال جميل جدا بس اهم حاجه تلتزمى بيه وعشان تقدرى تعملى دا لازم تقربى من ربنا جدا مش عشان كدا بس عشان تبقا كل جوانب حياتك ناجحه لان ديما الشيطان مش عايز الإنسان ناجح ف بيدخله من نقاط ضعفه وهو عن طريق التفكير و بيشتتك عشان متوصليش عشان كدا التزمى بالفروض ف وقتها والتزمى بالاذكار كل يوم بس اهم حاجه استشعرى علاقتك بربنا وحسيها وانتى بتعملى شغل البيت اقعدى استغفرى ربنا عشان متديش فرصه لنفسك بالتفكير دا وف نفس الوقت الاستغفار هتاخدى حسنات وبرضو الاستغفار بيحقق الاحلام التزمى بالكلام دا شهر وتعالى على نفسك ف الاول ممكن يكون صعب بس بعد شهر الموضوع هيبقا سهل وبتعمليه بتلقائية معلش طولت عليكي

مش بيخليكى تلجأى لحاجة زى البرشام غير ان فيه مشكله نفسيه عندك مسببالك قلق ووصلك للاكتئاب من وجهه نظري تروحى لدكتور نفسي افضل