هيثم نادي

نصيحة ليك لو انت فسخت خطوبتك مع البنت اللي ال16 سنة عشان خاطر اللي انت خاطبها حاليا يبقى كدة ظلمت البنت اللي فسخت خطوبتك معاها وظلمت الللي انت خاطبها حاليا وبتظلم نفسك... لكن لو كنت فسخت معاها لأسباب أخرى مالهاش علاقة باللي انت خاطبها حاليا يبقى اتوكل على الله وكمل معاها واكتب عليها... نظرة المجتمع ليكم انت وهي ما هي إلا نظرة حمقاء لا وجود لها في الدين او في السنة... ولعلمك هذا أفضل بكتير من انكم تعرفو بعض في الخفاء... من كان الحلال مراده أعطاه الله من خيراته

مهما حاولنا وسعينا مش هنعجب الناس كلها لأن ربنا خلقنا مختلفين عن بعض... فمستحيل تلاقي كل أراء الناس عنك حلوة ومستحيل تلاقيها كلها وحشة في نفس الوقت وده عشان اغلب الناس مش بيكون وراها غير القيل والقال.. ملحوظة:اللي بيشغل نفسه باللي عمل واللي سوا بيكون إنسان بلا هدف او فاشل

جرب شوب كوب شاي بالليمون وبعد عصر الليمونة قم بوضعها في الكوب وغطيها لمدة 5 دقايق وبعدها استشنق البخار من الكوب واشربها فورا

احنا صعب نحكم من موقف واحد اذا كانت هي كويسة ولا لأ... بس في حاجات لازم تعرفها عنها عشان تقدر تقرر تكمل معاها ولا متكملش... شوف مثلا لو هي من الشخصيات اللي بتكذب باستمرار ودي أهم حاجة لازم تعرفها... شوف من بداية علاقتكم دي هي كذبت عليك في حاجات مينفعش فيها الكذب ولا كانت صادقة.. ساعتها انت تقدر تحكم وتقرر اذا كنت تكمل معاها ولا لأ... بس برضو مهما حصل منها اوعي حد يعرف عنها اللي كانت بتعمله.. ايا كان اللي حصل منها... هي في الأول وفي الاخر بنت وواجب عليك تسترها قدام الناس

انا في رقم لجمعية فيها أخصائيين نفسيين بس الفكرة مش عارف فين... بس بصي هنا في استشاريين ممكن يفيدوكي... عموما لو انتي قريبة من القاهرة هوصفلك مكان كويس وبأسعار كويسة تروحيه وان شاء الله خير

لو انتي من القاهرة ابعتيلي وان شاء الله هنلاقي حل وعلاج للموضوع ده... بس انتي كويسة طالما عندك تأنيب الضمير بأن اللي بيحصل منك ده حرام وغلط... اول خطوة في طريق العلاج هي الاعتراف بالخطأ وتأنيب الضمير.. وربنا يهديكي ويصلح حالك وحالنا جميعا بإذن الله

لا مافيش خطر كبير ولا حاجة بس يفضل قرص يوميا، خصوصا انك لسه صغير

ضروري تروحي لاسشتاري نفسي، وهنا في دكاترة ممكن يساعدوكي بإذن الله

التوبه مقبولة بإذن الله طالما لم تأتي الشمس من المغرب للمشرق ولم يحدث سبب من اسباب قيام الساعة حتى الآن، وربنا سبحانه وتعالى قال_قل يا عبادي الذين اصرفوا على أنفسهم لا تقنطوا من رحمة الله، ان الله يغفر الذنوب جميعا.... والآية دي دليل على رحمة ربنا وغفرانه لنا أن شاء الله مهما بلغت كانت ذنوبنا

لو الانتحار كان حل كنا عملنا كدة من زمان ولكن اصبري لعل الله يحدث بعد ذلك أمرا ودايما بتلاقي مع العسر يسر وربنا احن علينا من أهالينا... قربي من ربنا هيقرب منك كل ما هو جميل

https://youtu.be/8m8QAkFvI6s?si=lxEdUgO1a_SI-vj8

اسمها كيفن تيك تقريبا

اول مره اعرف الطريقة دي... انا كنت اسمع عن الحلاوة الطحينية بتعمل كده

كلنا هنا اصحابك وقريبين ليكي وتقدري تعتبرينا اخواتك وتحكي اي حاجة مديقاكي

لو انتحرتي... الانتحار اكبر من الغلط اللي انتي عملتي... تفتكري بقاا في حاجة تستاهل انك تنتحري؟! قربي من ربنا اكتر واكتر... انتي ممكن بالغلط او الذنب اللي عملتي ومعيشك في حالة الاكتئاب دي يكون عند ربنا مغفور اصلا بس المسألة ان ربنا شايف ان كل اللي بتمري به ده مجرد تجارب عشان يدربك ويخليكي جاهزة للي جاي.. يعني ممكن ده يكون زي تدريب كدة مثلا عشان تكوني جاهزة ومستعده لوظيفة كبيرة بمرتب كبير انتي هتقدمي فيها... خلي يقينك في ربنا كبير وهتلاقي الفرج قريب جدا بإذن الله... اطمني وما ضاقت إلا وفرجت

لا مش كلنا كنا كدة اكيد.. لأن كل واحد فينا له ظروفه الخاصة به وكل واحد عنده قدرة تحمل مختلفة عن غيره... بس انتي حاولي تدعمي نفسك بنفس وكل لما تعملي حاجة حلوة في يومك اشتري هدية لنفسك كنوع من المكافأة ليكي وحطي في بالك ان دايما اول خطوة في النجاح بتكون صعبة وفيها ضغوطات وطالما حسيتي بالاحساس ده يبقى انتي كدة على أول طريق النجاح ان شاء الله

طب هي راضية بكدة والدنيا تمام معاها ولا الموضوع في غصب من أهلها مثلا؟

ايه سبب تأكيدك على احساسها ده؟ تقصدي انها عارفه ان خطيبها بيكلم حد غيرها؟

تمام شعور نبيل منك... طب فكري كدة شوية وحطي نفسك مكان خطيبته... ايه رايك في الوضع ده؟

قشعرة الجسم اللي بتيجي من الخوف من حساب ربنا لينا دي بتعالج نفسيا وده كلام علماء دين... انتي فعلا على الطريق الصح بس محتاجة شوية يقين صغنين في ان رحمة ربنا وسعت كل شيء وان ربنا مش بيسيب العبد اللي عند حسن ظنه فيه... استمري على الصلاة وواظبي عليها وهتلاقي كل خير جايلك ان شاء الله وربنا يثبتك ويثبتنا على طاعة الله

للأسف ده بيحصل.. ساعات كتير ممكن نأذي حد ونفكر ان ده صح... بس خلي بالك من حاجة مهمة انتي لو الحاجة اللي بتعمليها مع الأشخاص دي حاجة بتتعمل معاكي يبقى خلاص الموضوع بيكون مجرد رد فعل..لكن لو انتي اللي بدأتي بالأذي هنا بقاا تكمن المشكلة والسلوك او العادة دي لازم تتغير عشان مبطل نأذي حد... احنا مش ملايكة ووارد نغلط في حق غيرنا بس الأهم من الغلط نفسه اننا نستوعب ان ده غلط ونعتذر للناس دي على الأذى اللي اتأذوه مننا... وربنا يجعلنا وإياكي من الخفاف على قلوب الناس

لازم تبعدي وكفاية لحد كدة كلام وتعلق عشان كل ما الفترة بتطول كل ما بيكون الفراق أصعب والمشاكل بتكتر طبعا ده بجانب المصيبة الأكبر وهي ان الشاب اللي بتكلمي ده بيخون خطيبته بكلامه معاكي... خلي بالك الموضوع مش سهل وربنا يعوض عليكي باللي أحسن منه.. ويكفي انك هتفوضي امرك لله وهو كفيل بجبر خاطرك وتعويضك باللي اسحن منه.

خد الخطوة وربنا هيكرمك متقلقش... اللي بينوي الحلال ربنا بيكرمه مهما كانت ظروفه

نفس المشكلة معايا برضو... بدأت دراسة لغة جديدة غير الانجلش وكنت حابب الموضوع جداا جداا وبعد كدة الموضوع واحدة حسيته ممل... بس نصيحة مني استمر حتى لو حسيت بملل... اهو على الاقل انشغالنا في التعلم ده برغم ان السن ممكن يكون كبير، لكنه افضل بكتييير من انشغالنا في أمور بلا جدوة وتذكر الماضي وأخطاءه وجلد الذات على ذنوب عملناها في حياتنا

'' واستعينوا بالصبر والصلاة '' '' كل ابن آدم خطاء وخير الخطائين التوابين'' '' ان النفس لأمارة بالسوء'' في آيات قرآنية وإرشادات دينية كتيرة بتطمنا وبتخلينا منستسلمش الذنوب والخطايا... حاولي واحدة واحدة وربنا يعينا جمعيا ويقينا شر الفتن ما ظهر منها وما بطن

بتعاني من مشاكل في القولون؟

اهم 3 حاجات لازم تعمليها عشان تحققي ده هما... رقم واحد:خلي ربنا في بالك دايما وانتي بتعملي اي حاجة في حياتك ايا كانت الحاجة دي صغيرة احسبيها دايما من مبدأ الحلال والحرام... رقم اتنين: أسعى لإرضاء والديك سواء كانوا أحياء او اموات... لو أحياء بتلبي احتياجاتهم واوامرهم ولو اموات بتطلعي ذكاه على روحهم... رقم تلاته :أسعى لإرضاء نفسك وعدم لومها حتى لو أخطأتي ومش نهاية الدنيا لو أخطأتي المهم انك تتعلمي من الخطأ ده... ربنا غفور رحيم وكل بني آدم خطاء وخير الخطائين التوابين