مؤمنة بالله

السلام عليكم ورحمة الله وبركاته بصي الحب ده مش مش كلمه. سهله يعني كلمه بحبه دي مش من 10 شهور اتكلمت فيهم كل يوم عن حاجات مشتركه بينكم كلمه بحبك لدرجة إن أنا ارفض انسان اتقدم من الباب ودخل البيت واتكلم بطريقه رسميه معايا ده ما ينفعش ده ما بيتحسش باحبه بالحاجات المشتركه ما بيننا طبيعي جدا جدا ان انت تشوفي ان هو الشخص المناسب حاجات مشتركه ودائما كل يوم. كلام واكيد الكلام ده كذا مره في اليوم يعني تقريبا واخد معظم وقتك هو شاغل معظم فطبيعي ان انت هتحسي انجذاب ناحيته بس صدقيني عن تجربه اي حاجه بعيده عن علاقه رسميه. 80% ان مكنش 90% ما بتبقاش حب لا من طرفك ولا من طرفه تمام كلمه بحبه. وابني مستقبلي عليه، وما اشوفش مستقبلي من غيره تتقال لما يبقى هو فعلا المستقبل ده تمام لما يجي يتقدم رسمي لما يقول لك صريحه ثانيه يا بنت الناس، انا بحبك وهاجي أتقدم حتى لو ما معيش فلوس حتى لو لسه بندرس حتى لو انا لسه في سنه ثانيه على الاقل هعرف اهلك علشان خاطر تبقي محجوزه ليا عشاني ساعتها باجي اقول لك اقعدي استني براحتك. لكن ده ما حصلش تمام فده ممكن يكون مجرد اعجاب من ناحيتك وهو عادي هو ملمحش هو مجبهاش صريحه وفي ظل الجيل بتاعنا ده انا اعتبر من سنك اولا انا مش كبيره انا 22 سنه يعني اكبر منك بثلاث سنين بس في نفس جيلك يعني الموضوع ده عباره عن حرفيا ومن غير والله العظيم ما ابص لك على ان انت اصغر او كده ولا اهون الموضوع ده لعب عيال لعب عيال. عباره عن ان احنا عايزين كبنات ان احنا عايزين حد يهتم بينا حاجات مشتركه بيننا وبينه ونقدر نتكلم كل يوم وهو من الناحيه الثانيه لحتى لو في حاجه هيبقى نفس الكلام. آه وبالمناسبه كلامك معاه كل يوم ده اولا حرام. انجذابك ليه في غير اطار رسمي مش هنقول حرام لان احنا مالوش سلطه على قلبنا ولكن غلط. تمام فاهم حاجه تعمليها ان انت هو نفسك وان انت تبعدي عن الحرام اولا. الشخص اللي اهل جابوه. اقعدي معه. تمام انت كل يوم بتتكلم تمام قولي للشخص اللي انت عارفاه ده وقولي له ان في عريس متقدم لك وشوفي رد فعله هيكون ايه عشان خاطر تطلعي من قلبك ولو انك نصيحه فعليه اقول لك عليها ولازم يعني بقدر طاقتك كلها اعمليها اقطعي كلامك معاه نهائي ان ده غلط وحرام قبل ما يكون غلط وسواء اهلك يعرفوا او ما يعرفوش بس غالبا اهلك ما يعرفوش هيبقى منظرك وحش جدا جدا جدا قدامهم وقدام نفسك لو الشخص اللي انت تعرفيه ده مش نصيبك وانت تحطي شخص دخل من الباب وقال عايزك بالحلال وانت رفضتيه علشان خاطر واحد حتى هو ما قالش انه حتى بيحبك عشان نقول قاعده مستنيه. دي حاجه تاني حاجه 10 شهور دي فتره قليله جدا جدا جدا جدا وعشان كده انا بقول لك ده لعب عيال ما تضيعيش فرصه ممكن تكون هي حلالك ممكن يكون الشخص ده نصيبك يعيشك اللي عمرك ما كنت تتخيل ان انت هتلاقيه يعيشه لك وتلاقوا برضه حاجات مشتركه بينكم وبين بعض. نصيحتي ليكي. اقطعي اي كلام محرم بينك وبين اي شاب عشان والله العظيم هتندم والله هتندمي والله كمان مره هتندمي وعن تجربه الموضوع بعد كده هيبقى ان انت. بتندمي على كل لحظه فرطت فيها في نقطه واحده من مشاعرك للشخص اللي مش حلالك ومش بتاعك تمام؟ فعلشان خاطر. ما تندميش انت شخصيا؟ على على كل كلمه قلتيها في غير موضعها. خليكي في الحلال خليكي الحلال احسن لدينك اولا وصورتك قدام ربنا واحسن بقلبك ثانيا واحسن لنفسك ثالثا واحسن لعيلتك رابعا واحسن من كل ناحيه وبعدين انت ايش عرفك ممكن يكون الشخص اللي متقدم ده برده في حاجات مشتركه بينك وبينه وبرضه ينسيكي اللي انت بتكلميه ده وينسيكي اسمه حتى تمام روحي قولي له ان انت متقدم لك عريس بس قبل ما بتقدم لي عريس دي قوليله الموضوع حرام بصي ما تسيبيهوش عشان خاطر انت بيتقدم لك عريس لان انت ممكن العريس ده ما يعجبكيش ما يحصلش نصيب وما تتجوزهوش هنرجع بقى نقول لا خلاص العريس مشي انت سيبيه عشان حرام عشان غلط عشان هتستنزفي والله هتستنزفي مشاعرك في الاتجاه الغلط هتستنزفي حياتك في الاتجاه الغلط وحتى لو كنت نصيب بعض واتجوزتوا بعض هيحصل مشاكل تكرهكم في اليوم اللي اتكلمتوا فيه قبل ما في علاقه رسميه ما نبدأه غير رضا ربنا بينتهي باللي ما يرضيناش تمام ربنا ما يتعاندش ربنا قال لنا حرام يبقى حرام مش حرام علشان خاطر وخلاص لا والله العظيم ده حرام عشان قلبنا. اي علاقه اقسم بالله اي علاقه بين ولد وبنت غير رسميه غير شرعيه اقسم بالله العلي العظيم ما حد بيخسر فيها قدهم اقسم بالله ما صح ولا حلال. انهي العلاقه. اللي بينك وبينه عشان رضا ربنا اولا ومن ثم ثقه اهلك فيكي ومن ثم علشان خاطر نفسك اولا وبعد كده عشان ثقة اهلك بس اولا اولا اولا عشان خاطر ربنا سبحانه وتعالى يرضى عنك ويكتب لك اللي فيه الخير ومن ثم استخيري الله واقعدي مع الشاب اللي اهلك عارضين عارضين عليك اقعدي وانت خاليه الزهد اقعدي وانت عايزه من الشخص اللي بتحلمي بيه مش قاعده معاه مثلا عشان تتصيدى له الاخطاء. تمام اللي هو انت بتدوري على حاجه ترفضيه بيها عشان خاطر انت لسه متعلقه بالاولاني وهو قدامك شهر و صدقيني شهر ده لو حاولت ان انت تنسي فيه والله هتنسيه لو استعنت بالله ان انت تنسيه فيه هتلاقي نفسك من نسياه يومين لانها كانت لعب عيال انت خلاص انت بس مجرد انك عرفتي ان اللعبه غلط فسبتيها خلاص تمام ولما تقعدي معاه ان شاء الله يكون فيه الخير والصلاح. لو نصيبك هتنسي اي حاجه هو هينسيكي بحلاوه الحلال وينصيكي كل حاجه للناس بتقول ازاي انا كنت في الطريق ده تمام ولو ما حصلش نصيب ما ترجعيش تكلم الشاب ده ثاني وهو لو هو عايزك تمام بمجرد ما انت هتقولي له هننفصل هتلاقيه هو مش عارف وهيحاول يتواصل معاكي فلو كان نصيبك هيتقدم لك وساعتها بقى هيظهر الشكل الرسمي هيظهر الشكل الحقيقي لكن اي علاقه خارج اطار رسمي لا بتبقى جد ولا بيظهر فيها الحقيقه ولا بيظهر فيها الشكل الصحيح للانسان اللي قدامنا لا منك ولا منك. حافظي على نفسك انت جوهره محدش ليه اي حد ان هو يبصلها غير من ورا لوح قزاز تخين. من ورا حراسه تمام ربنا صانك وحطك جوه فاترينه قزاز عليها حراسه جد كده اهلك والشرع والحجاب والبيت والاسره والقواعد ما تجيش انت في لحظه ان انت عايزه عايزه حب ولا اهتمام ولا حنيه بتيجي في لحظه وتضيعي كل الحراسه دي هتندمي والله العظيم هتندم. اعرفي قيمه نفسك يا جوهره وعززي بنفس. وحطي رجل على رجل واقعدي كده واللي عايز يقدم فروض الولاء والطاعة ولاء بس بلاش الطاعه الطاعه لله وحده ويجيلك لحد عندك. تمام. وخير ان شاء الله وفي فتره الشهر دي يا ريت يعني لو في فتره اطول شويه لو مقدرتيش تنسي الراجل بس خديها اولا ان انت تنهي العلاقه الغلط وتهدي كده صلاه استخاره وادعي ربنا يختار لك الاحسن وربنا والله هيختار لك الاحسن هو الاحسن لما تقدم لك لو الاحسن في اللي انت تعرفيه بالحلال ان انت بكده هتقولي لربنا انا اخترت حلالك حتى لو ضد قلبي حتى لو ضد مشاعري وغلبت شيطاني وغلبت هوايا عشان خاطرك انت يا رب وساعتها ربنا هيختار لك الاحسن ولو الخير في واحد غير الاثنين هيجيبوه لك بس الحلو في ده كله انت تبقي جاهده كده روحك. خفيفه وحاسه ان انت عامله اللي عليك عشان انت رجعت عن طريق. مكانش هيرضي ربنا ورجعت لربنا في الاخر. تمام يا رب يا رب يا ربنا يرزقك بالخير وبالاحسن ولو ورزقك في اقصى الارض او ادناها رب ربنا يجمع بيه ويحقق لك اللي نفسك فيه.

الزواج هو عبارة عن سكن ومودة ورحمة حتى لو اتكلم بس او اتكلم عادى حتى لو دردش بس معا واحدة تانية دى خيانة لرابط الزواج الى ربنا قدسه وجعله من سنة النبى صلى الله عليه وسلم وسنته عز وجل اولا ،فلو متأكة فدا ولا حله انك تهزقيها ولا تسبيه ولا اى حاجة انا عارفة انه احساس بشع وصعب انك تحسى بخيانة زوجك لكن صدقينى لو هزقتيه هو والى بيخونك معاها ولا هتستفيدى اى حاجة بنسبة كبيرة انت الى هتخسرى ولا هتحسى برد كرامتك ولا اي حاجة الاحسن انك تندميه على اللحظة الى سابك فيها واتكلم بحرف حتى واحد مع واحدة غيرك بس اهم حاجة تعرفى سبب خيانته يعنى انتى مهملاه مثلا ولا مهملة فنفسك ثقافيا او شكليا او حتى انك مش تافهة شوية مش مدلعة كفاية مش بتدخليه فمسؤلياتك ولا العكس حطاه دايما فضغط بتشركيه اهتماماته وتشؤكيه فاهتماماتك ولا منعزلين عن بعض فكريا كدا يعنى وهل جوزك دا كان كويس وفجأة اتغير لدرجة انه يخون بسبب صديق مثلا او العيلة او حتى حد دخلتيه انت فحياتكوا ودى فترة مؤقتة ،لازم تبصى للامر بعقلك حااليا كتر من قلبك ومشاعرك لانهم حاليا مدمرين فمش هيفيدوكى وشاركى حد محترم وكويس من عيلته ويكون بيحترمه الاول وعلاقتك بيه كويسة وكمان من رأى تواجهيه وتعرفيه انك اكتشفتى خيانه ولكن وانت فموقف قوة زى انك متبينيش ابدا انك خسرتيه لا دا هو الى خسرجوهرة نادرة زيك ودا بانك تطورى من نفسك وتقوى عشان للاسف لو من النوعيه البجحة الى تقولك اه خنتك واعملى الى تعمليه يتمنى يضرب نفسه بالجزمة على انه ضيع جوهرة من ايده ولو محترم ودى ذنب وهيتوب منه يبقا ميفكرش حتى انه يكرره وبعد ما تتاكدى ان محدش هياخد ضعفك وحزنك دا نقط ضعف تقدرى تخرجى كل الى فيكى عيطى صرخى اعمل الى يريحك بس متبينيش ضعفك ارجوكى الا قدام الى يستحك دا ودا من رأى هو ربنا سبحانه وفقط ويارب ربنا يهون عليكى ويريح بالك

تانى حاجة الارتباط صدقينى دا شئ مش سهل انا عارفة لأنه والله اتفه من انك توقفى حياتك عشانه انتى في فترة لازم تركزى فى مذاكرتك وحياتك اما الارتباط هيجى لما تكونى فى السن والفترة المناسبة حاليا انت مش مستعدة لا لمسؤلية الارتباط ولا الاسرة ومفيش حاجة اسمها ارتباط بدون زواج دا حرام شرعا اولا ولانه ثانيا بيدمر النفسية والمشاعر وبيستهلكهم فلو سمحتى حافظى على مشاعرك وصونيها واهم حاجة حاليا قبك من ربنا ودا هيخليكى تقاومى وتقوى وبالنسبة للمذاكرة طول ما نفسيتك مشتتة بالمحرمات وعلى فكرة متزعليش من الكلمة بس هى دى الحقيقة انا عارفة انها صعبة على النفس لكن والله دى الكلمة المناسبة لو زوقتهالك او خففتها نفسك حتراوغ وتدلع ومش هتعرفى توقفى روحك عن الغلط والشيطان للاسف مزينلك المحرمات دى ولابس ماسك انا مكتئبة ومضطرية ودى الحاجة الوحيدة الى بتساعدنى غلط قربى من ربنا بالذكر بالصلاة بالقران بالدعاء ودا اهم شى كل ما تقعى قومى وقربى اكتر واستعيذى ودوسى على نفسك هتنجى، لو فى حاجة بتضايق من البيت جربى تذاكرى برة البيت في كافيه في بيت حد من قرايبك فوق السطوح اى مكان تبعدى فيه عن الى مضايقك واى مكان تكونى فيه قدام ناس كتير عشان متقدريشتمارسى العادة خليكى اطول وقت ممكن فى تجمعات حتى لو هتكونى مع نفسك بالتفكير او مش مندمجة معاهم فى النقاشات خليكى معاهم جسديا لحد ما تطلعى من إدمان العادة واهم اهم اهم حاجة ادعى كتير كل لحظة ان ربنا يساعدك وبيقين اهم حاجة انه سبحانه هيساعدك وصدقينى هتطلعى من اى حاجة مضيقاكى

السلام عليكم ورحمه الله وبركاته. بصي اول حاجه لازم تعمليها انك تقربي من ربنا. انك تقربي لربنا دي خطواتها سهله جدا وبسيطه. ولكن عايزه حاجه مهمه جدا وهي اليقين. وتهيئه النفس ان مفيش حد هيفهمك ولا هيساعدك ولا هيقدمك لقدام ولا هتنجحي ولا هتطلعي شبر ولا حتى طرفه عين لقدام من غير مساعده ربنا ليكي ايه هي المساعده ايه هي الخطوات دي اول حاجه العاده شرعا خطأ خطأ كبير جدا جدا ثاني حاجه مشاكلها الصحيه لا تعد ولا تحصى. ثالث حاجه دي مش حاجه كويسه جدا خالص خالص ولا هتطلعك من اكتئاب ولا هتريحك بالعكس دي هتزود اكتئابك اكثر فيما بعد لانك بعد كده هتدركي ان انت كنت بتدمري نفسك بنفسك وهتبقى وصلت فعلا لمرحله ان انا بعاقب نفسي بيها مش بطلع نفسي من الاكتئاب بيها. العاده ما هي الا ان انت فتره مراهقه؟ للاسف الفتره دي بتبقى هرمونات ضخمه جدا تقلبات رخمه بتخلي هرمون الانوثه يشتغل طبعا ما فيش شريك حياه فبتخليكي تتجهي ان انا عايزه يبقى في ارتباط يعني. كده يعني عافانا الله واياكي من منها. زي زي موسم الزواج بالنسبه للحيوانات طبعا عفاك الله من ذلك ولكن اللي هي انا مش قادره انا عايزه ارتبط انا عايزه حد شريك حياتي في نفس الوقت اللي جسمك او جهازك التناسلي عندك بيبقى خلاص انا محتاج الجنس وده طبعا طبعا مش معناه ان انا استسلم للهرمونات دي دي حاجه عامله زي الدوامه دوامه البحر هتسحبك ببطء ببطء ببطء لحد ما تلاقي نفسك خلاص غرقت ومش هتطلعي منها طبعا هتدمرك ممكن تجيب لك امراض مناعيه توديكي في حيطان تخبطك فيها. هتدمر نفسيتك مش هتريح ومش هتساعد لان غصب عنك جهازك التناسلي ربنا سبحانه وتعالى خلقه على ان هو يتكايف مع شريك حياتك اللي هو إن شاء الله ربنا هيبعته لك في الوقت المناسب على فكره فلما انت بتحاولي ان انت تضحكي عليه او بتحاولي انك تستفزيه بتحاولي ان انت تخليه عايز اكتر عارفه زي المدمن فعلا اللي بياخد جرعه معينه من ماده مخدره وخلاص بعد ما الجرعه دي كانت بتوصل المود اللي هو عايزه لا عايزه اكتر عايزه اكتر بعد كده مش هتعرفي ان انت توصلي جسمك للحاجه اللي هو عايزها فبالتالي يتطلب منك اكثر واكثر واكثر وساعتها حرفيا ممكن الشيطان يضحك عليك ويدخلك في حيطان ما يعلم بها الا ربنا .

انا كمان نفسى اساعدك وممكن جدا نكون اصحاب

قولى الى فقلبك وان شاء الله تلاقى الحل والاهم انك تكونى ارتحتى من الى جواكى ودا في حد ذاته نص الحل

اولا السلام عليكم ورحمه الله وبركاته بس هو ايه المقصود بالادمان الاول لانه مش فاهمه بالظبط اقامه علاقه مع بنت قصدك ؟!

خدى مامتك طيب

روحى لوحدك لو امكن