السلام عليكم ورحمه الله وبركاته أنا طالبه عندى 22 سنه وفضلت 4 سنين مش بدخل امتحانات ثانويه عامه بسبب ظروفى الماديه وكان عندى مشاكل صحيه ونفسيه أنا والدى ووالدتى منفصلين وحالتنا الماديه بسيطه ودخلت امتحانات السنه دى وف ناس من أهل الخير كانت بتدفعلى مصاريف الدروس ودروسى كانت اونلاين فجبولى موبايل قسط وكل شهر كان بيندفعله 400 جنيه ومتبقى الفين لسه قسط للموبايل وكمان كنت هعمل تصحيح نظر واستلفت فلوس من الناس اللي حواليا وقولت هدهلهم من الفلوس اللي الناس كانت بتدهلى كل شهر لانهم كانوا ساعات بيدونى فلوس زياده شويه عشان لو احتاجت اشترى حاجه لنفسى والنتيجه ظهرت وللأسف متوفقتش وشلت وجايبه مجموع ميدخلنيش غير خاص بس والناس طبعا لما سمعوا النتيجه معتش حد واقف جمبى دا غير ان كنت متابعه مع اخصائيه نفسيه وكان بيدفعولى الفلوس ودلوقتي أنا وقفت معها عشان معتش قادرة ادفعلها والدنيا قفلت معايا من كل ناحيه لا هقدر ادخل كليه ولا عارفه ادفع الأقساط اللى على الموبايل ازاى ولا الفلوس اللى استلفتها بتاعت العمليه والاكتئاب رجعلى تانى ومش قادرة اخد جلسات دا غير ان الفلوس اللى امى بتقبضها من معاش سيدى الله يرحمه مش بتكفينا لأخر الشهر وامى بتتعب كتير اوى وبتكون عاوزه علاج وعاوزه تكشف ومش عارفه اعمل ايه بجد أنا راضيه ومؤمنه بقضاء ربنا بس الناس وقفين ليا على الفلوس ومش عارفه اعمل ايه ولا ايه الحل
عليكم السلام ورحمة الله وبركاته أجلي موضوع تصحيح النظر، وراجعي ما هي الخيارات المتاحة أمامك بالنسبة للدراسة، هل يوجد معهد أو مثلًا كلية تربية نوعية؟ مع العلم كلية التربية النوعية تستلزم الكثير جدًا من الخامات المستخدمة في تنفيذ المشاريع. بالنسبة لنقطة الديون، أرى أن تتواصلي مع والدك أو أعمامك وتشرحي الوضع وتطلبي تدخلهم الفوري.
تم النشر الاثنين، ٢٦ أغسطس ٢٠٢٤
لازم اولا تعترفي بخطئك إن كنتي قصرتي في المذاكرة وان ده تهاون منك. خطأ الناس انها وقفت لكن خطأ منك انك محاولتيش تشوفي اي مصدر دخل وقتها. عموما انتي خلصتي امتحانات ومؤكد فيه كلية تقبل بمجموعك حكومة، فبلاش تركزي مع الخاص، عيشي الواقع. مفيش حل غير انك مع الكلية او المعهد تشتغلي حاجة تليق بحالتك الصحية تصرفي وتسددي الديون. وبلاش مسألة الديون متعيشيش على الديون، لأن السلف تلف وهياكل اي فلوس هتجيلك من شغلك ومش هتعرفي تحوشي حاجة للزمن، متنسيش انك بنت.. وروحي لأبوكي وخودي منه غصب عنه.
تم النشر السبت، ٢٤ أغسطس ٢٠٢٤
وعليكم السلام ورحمة الله وبركاته. يا حبيبتي، أولاً أنا آسفة جداً على اللي بتعاني منه، وبشوف إنك بالفعل مررت بمواقف صعبة جدًا. المهم دلوقتي هو إيجاد حلول صغيرة تخفف عنك الضغط. مرتبات الدروس : حاولي تتواصلي مع المعلمين اللي درسوك واطلبي تأجيل سداد المصاريف. ممكن يكونوا متفهمين لظروفك ويوافقوا على تقديم المواعيد. الموبايل : ممكن تتواصلي مع الشركة اللي قسطتي منها الموبايل وتقولي لهم عن ظروفك. أحياناً في خيارات لتأجيل الأقساط أو تقليل المبلغ الشهري. الاستشارة النفسية : إذا كان ممكن، حاولي تبحثي عن جلسات مجانية للأشخاص أصحاب الحالات مثل مشكلتك، أو مستشفيات تطلع لك علاج نفسي بأسعار بسيطة. الدعم الاجتماعي : فيه جمعيات خيرية ممكن تساعدكي. حاولي تبحثي عن ملاجئ أو جمعيات ممكن تقدم لك الدعم أو حتى تستفيدي من مساعدة نفسية. الصبر والإيمان : حاولي تتذكري أن ربنا مع كل واحد فينا في الأوقات الصعبة، وصبرك إيمانك هيساعدوك تتجاوزي الحوجات الصعبة. افضل حاجة تعمليها دلوقتي هي أنك تعرفي نفسك ومشاعرك وتأخذي خطوة خطوة. وإنت مش لوحدك، فيه ناس ممكن يساعدوك، ولكن حاولي تحكي لهم بوضوح عن وضعك. وحاولي تحافظي على نفسك، صحتك النفسية مهمة جدًا. أنا هنا لو حبيتي تحكي أكتر أو تحتاجي نصيحة تانية.
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا