السلام عليكم
انا طموحه جدا ومجتهده الحمد لله
وفتره الامتحانات ضغطت عليا جدا لدرجه إني مكنتش بستوعب الاسئله من التعب بالرغم إني كنت بنام كويس وباكل
تعبت أوي في الامتحانات بس لما أخدت الاجازه بقيت بسرح كتييييررر وبنسي إيه إلي كنت بعمله
ووكل حاجة خططتلها إني هعملها في الاجازه فقدت فيها المشاعر والقدرة الجسدية كمان
بقيت منهكه
مش فقدان شغف
فقدان تركيز واستيعاب
أنا مش مستوعبه إلي بعمله أو حياتي بعمل الحاجة وكأني روبوت حرفيا بدون مشاعر مهما كنت بحب الحاجة دي
حاسه إني مش فاهمه أنا فين وبعمل إيه وانا ليه مره واحده بقيت كده مع العلم إني بقيت كده في نص الامتحانات وقلت فتره وهتعدي بس بقالي أسبوعين كده
أرجع لوعيي لحظات ويكون فيا مشاعر فجأه تختفي كل المشاعر وأرجع لنفس الحال
فيدوني
وعليكم السلام عادى جدا جسمك وعقلك يحتاجوا الراحة بعد فترة ضغط وتعب طويلة بس ده مش معناه انى اكبر الأفكار السلبية فى دماغى زى انى فقدت الشغف مش قادرة اكمل وكل ده ... لا عادى افهم أن دلوقتي انا محتاجه شويه راحه وبعدها هرجع اكمل وخلاص مبقاش كتير فمتضيعيش تعب شهور بأفكار سلبية وعلشان تتغلبى على ده كله انتظمى فى الصلاة واذكار الصباح والمساء و ورد القران هيفرق جدا معاكى نفسيا هتكونى مطمئنة وكمان توكلى على الله واستودعى مذاكرتك وتعبك عند ربنا سبحانه وتعالى و أن شاء الله ربنا يوفقك 🩷
تم النشر الجمعة، ٦ يونيو ٢٠٢٥
السلام عليكم، الأعراض دي كلها طبيعية بعد فترة ضغط شديدة زي اللي مرت، أنتِ في حالة احتراق واللي بيحصل معك دلوقتي إنك جسمك وعقلك محتاجين فاصل من الراحة يطول أو يقصر على حسب احتياجهم. فاعطي نفسك الوقت للتعافي والرجوع لحالتك الطبيعية. إذا عندك موهبة أو هواية كنتِ بتحبيها فجربي تمارسيها ولو عشر دقائق في اليوم، ممكن حتى ترسمي أي شخبطة على الورق تفرغي فيها مشاعرك. شوية تمارين استرخاء خفيفة كل يوم هتفرق في تحسين حالتك المزاجية. لو فيه إمكانية تخرجي تغيري جو أو تسافري أنتِ والأهل لمكان تاني هيكون حلو جدًا. وأهم حاجة مهما كان الاحتراق اللي انتِ فيه والفصلان من كل شيء متتركيش الصلاة. صلي الوقت بوقته وقومي أول ما تسمعي الأذان وخلي وقت الصلاة فاصل تاني من الدنيا وضغوطها والتزمي بأذكار الصباح والمساء وخلي فيه وِرد قرآن ولو نصف صفحة تداومي عليها. استعيني بالله وإن شاء الله فترة وهتمر. اسمعي لجسمك وعقلك وتفهمي احتياجاتهم، نقطة أخيرة، مش عارفة إذا كنتِ لسه مكملة في دراسة مدرسية أو جامعية لكن عمومًا للدراسة وللحياة تعلمي تقنيات التعامل مع الضغط والتوتر وخلي دائما فيه فواصل للراحة والاسترخاء عشان جسمك وعقلك ميوصلوش تاني لدرجة الاحتراق. بالتوفيق إن شاء الله.
تم النشر الأربعاء، ٤ يونيو ٢٠٢٥
اكلم حد انا بحبه يكون صوته هادي وبيكون بيتكلم بتفاؤل مش الناس اللي بتتكلم بصعبنيات او بطريقه سلبيه او بتتكلم على مشاكل مش هنكلمهم دلوقتي وهكذا واحده واحده ومش لازم الموضوع يكون في روتين لان حتى انه في روتين وانت تبقي ماشيه عليه ده هيبقى مجهود هو مش موجود دلوقتي عندك اصلا ما عندكش ده امشوا بس بالطريقه دي وهتلاقي نفسك بعد اسبوع بعد 10 ايام الدنيا بدات تبقى احسن. الطف ارجعي تاني تفتكريه وانت بتحبي تعملي ايه وتبداي تعمليه وهكذا.
تم النشر السبت، ٧ يونيو ٢٠٢٥
ده طبيعي يحصل لان فتره الامتحانات و الضغط الشديد عليكي بيوصلك ل هذه المرحلة و يمكن كمان نتيجه تأثر عليكي ف الحل ان احنا منستسلمش للضغط ده مبدئيا احنا لازم ناخد من يومين لو٣ ايام راحه ف البيت انا مش بعمل حاجه غير اني قاعد ف البيت بفصل ذهني عن العالم خالص نريح جسمنا و عقلنا شويه من ضغوطات دي مع الالتزام ب الصلاه بعد اليوم ٣ ببدأ اعمل حاجه انا بحبها او حاجه بطلت اعملها من وقت كبير مثلا ببدأ انزل اقابل صحابي احاول افك عن نفسي و عن الروتين اليومي اللي انا بعمله حاولي تعمللي حاجه جديده و واحده واحده هتستعيدي طاقتك من جديد
تم النشر الجمعة، ٦ يونيو ٢٠٢٥
وعليكم السلام ورحمة الله يا أختي العزيزة، شكرًا لثقتك في المشاركة معي هذا الشعور الصعب. واضح جدًا من كلامك أنك تمرّتين بفترة تعب نفسي وجسدي كبير نتيجة ضغط الامتحانات، وهذا شيء شائع جدًا خاصة عند الطموحات المجتهدة مثلك. دعيني أساعدك بتحليل الموضوع وتقسيمه لنقاط: الضغط النفسي والإرهاق الذهني: الضغط العنيف خاصة في الامتحانات يسبب إجهاد شديد للمخ والجسد، حتى لو كنتِ تنامين جيدًا وتأكلين بشكل طبيعي. العقل يحتاج أوقات راحة حقيقية وشحن للطاقة. حالة "الروبوت" التي تشعرين بها تعني أن جسدك وعقلك في حالة دفاع نفسي لحماية نفسه من الإرهاق. وهذا يظهر في فقدان التركيز، والاستيعاب، وفقدان الوعي الذاتي بالمشاعر أحيانًا. الإجازة وما بعدها: المفترض أن الإجازة تكون فترة استعادة، لكنها يمكن أن تظهر أعراض التعب النفسي العميق أو ما يعرف "بالإرهاق الشديد بعد الإجهاد". فجأة تكتشفين أن عقلك متعب جدًا، فتصبحين مشتّتة، ولا تستوعبين ما حولك. الفقدان المؤقت للقدرات والمشاعر: هذا شعور مؤقت، ولكنه يحتاج إلى التعامل بحذر. لا تفكري أن هذا يعكس ضعف في شخصيتك أو إنك غير قادرة على الاستمرار. بالعكس، هذا تنبيه من جسدك وعقلك بضرورة إعادة ترتيب الأولويات. نصائح عملية لك: خففي الضغط: حاولي تنظمي وقتك للإجازة بشكل يسمح لك بالراحة الذهنية الجادة، وليس فقط التسلية. اكتبي يوميًا جدول صغير لليوم التالي، مع تحديد أوقات مخصصة لنشاطات تحبينها ولو بسيطة، حتى لو كانت قراءة لصفحة واحدة أو مشي قليل. التأمل الذهني: ليس تمرين تنفس ولا استرخاء، لكن خليكي حاضرة مع نفسك قليلاً يوميًا؛ مثلاً، اسألي: "كيف أشعر الآن؟" واسمحي لنفسك بأن تقبلي هذه المشاعر بدون استهجان أو محاولة تغييرها. تناولي طعامًا متوازنًا واحصلي على نوم منتظم، وحاولي الابتعاد عن الشاشات وقت النوم بساعة. لا تترددي في استشارة أخصائية نفسية أو استشارية شخصية من خبراء فدني؛ يمكنهم دعمك بشكل مباشر ومُخصص لحالتك. أنتِ فتاة طموحة ومجتهدة ولا شك أن هذه المرحلة مؤقتة. كلنا نحتاج لفترات نعيد فيها شحن نفسنا، ولا بأس أن نعطي لأنفسنا هذه الفرصة برحابة صدر وصبر. إذا أحببتِ، يمكنني أن أساعدك في وضع خطة علاجية يومية مرنة تناسب وضعك الحالي، فقط أخبريني. ولا تنسي أنه يمكنك زيارة صفحة الخبراء في فدني لو احتجت دعمًا متخصصًا مباشرًا، وستجدين العديد من الخبراء الذين يمكنهم أن يقدموا لك المشورة. وكذلك، يمكنك البحث عن تجارب مشابهة في فدني للاستفادة من تجارب الآخرين. دمتِ بخير، وأنا هنا دائمًا لدعمك يا ذكية الطموح 😊.
تم النشر الأربعاء، ٤ يونيو ٢٠٢٥
الجسم لسة مصدوم من اللي حصل اللي هو ازاي انا بقالي أسبوع في جري وتوتر ومنهمك في التفكير النشط وفجأة أنا قاعد والوقت بيمشي عادي ولا بيحصل أي حاجة .. الحل جاي في الطريق والمسألة مسألة وقت ... عليكي بس تتفهي الوضع وتقولي لنفسك خذي راحتك واتأقلمي الوقت جاي معانا وهنستمتع
تم النشر الخميس، ٥ يونيو ٢٠٢٥
اللهم آمين
تم النشر السبت، ٧ يونيو ٢٠٢٥
انا لسه بتعرض ليه مزدادش ولا قل ومن الأسباب اني مش قادره أرجع أن فعلا البيئه الي حاليا بمر بيها ضاغطه عليا زي فتره الامتحانات بس أقل شويه وده مخليني مش عارفه اركز أو اتغلب ونفسيتي ليها تأثير طبعا بس بحاول أخرج واعمل حاجه انا بحبها وربنا يستر
تم النشر السبت، ٧ يونيو ٢٠٢٥
لو الوضع استمر أكتر من ٣ شهور وبيزداد سوءا ركزي بيزداد مرجعش زي الأول .. يبقا أكيد في وضع إضطراري بتعيشيه هو اللي مأثر عليكي نفسيا وده مردوده على نفسيتك بيبتدي يظهر .. عموما بإذن الله خير
تم النشر السبت، ٧ يونيو ٢٠٢٥
لعرض السؤال في فدني اضغط هنا