السلام عليكم ورحمة الله وبركاته
أنا عندي مشكلة كبيرة
بقالي فترة عندي فتور شديد في العبادة في الأول في أول الفترة كنت بصلي ولا كأني بصلي مفيش خشوع بس عالأقل كنت بصلي دلوقتي حالياً بقتش أصلي والمشكلة إني واعية وفاهمة خطورة الأمر ورغم كدا مبرجعش حتى قلبي كان بيرق ويرجع يخاف بسرعة دلوقتي بقاش برغم الفيديوهات الموعظة اللي بسمعها وحتى ربنا عاقبني وأرسل ليا رسائل كتير تخليني أرجع وكلي خوف ويقين وخشوع لله ورغم كدا بتأثر بالرسالة أو الحدث اللي بيحصل في ساعتها فقط وبعدها أرجع زي مانا المشكلة أني مش مرتاحة خاالص كدا ولا راضية عن نفسي ودايما ضميري بيأنبني وكل مبدأ أرجع تاني لحد مزهقت من نفسي بس ميئستش من رحمة ربنا بس مش عارفة أتصرف ازاي أو أعمل اي تعبت+ أنا كنت توبت عن الأغاني خالص رجعتلها تاني ودي أسوأ حاجة
مع العلم أني ساعات بصوم سنن وبحفظ حالياً قرآن وبساعد صحابي على اللبس الشرعي وأنا منتقبة وكنت كويسة دينياً إلي حد ما معرفش اي وصلني لكدا
اللهم ردنا إليك رداً جميلاً دعواتكم بالهداية
حفظك الله دُنيا واخرة، وبارك الله في عفافك. دعيني احدثك عن حدث ما حصل لي اذا سمحت لي لعلة يُفيدك بشىء. انا شاب أتم حفظ 3 ارباع القران والحمدللة، كنت لا اعلم الا المسجد وبيتي بيئة، حصل وان التحقت بالثا...
عليكم السلام ورحمة الله وبركاته هيئي من حواليكي الاجواء للصلاه زي مكان مخصص للصلاه وعطريها وشغلي دايما الكعبه قصادك.. اعملي ورد استغفار ودعاء نص ساعه يوميا تدعي و تلحي علي ربنا يردك ليه ويثبتك.. واعلم...
أولاً، أشكرك على ثقتك بي للحديث عن هذه المشكلة الشخصية الحساسة. فإن فترة الفتور في العبادة هي شيء طبيعي يحدث للكثيرين، ولكن من المهم أن نتعامل معها بطريقة صحيحة للعودة إلى الطريق الصحيح. عليك أن تدركي...
استفدت منكم جدا برغم اني كنت مترددة جدا في خطوة إني أحكي بس مندمتش الحقيقة بالعكس لعلكم سبب إني ارجع تاني ويكون في ميزان حسناتكم أصلح الله حالكم ورزقكم الفردوس الأعلى آمين.
لعرض السؤال في فدني اضغط هنا