سؤالي إني محتاجة موقع مجاني لتحويل النصوص المكتوبة بواسطه ال ai الي نصوص بشرية
انا بشتغل علي منصة مستقل كاتبة محتوي وفيه كلاينت طالب مني بروجيكت بس محذر من استخدام ال ai
ف لو حد مفعل برنامج مدفوع ويقدر يساعدني اكون ممتنه
او لو حد عنده حل بديل مجاني وارجو الافادة سريعا
السلام عليكم، أنصحك بلاش تعملي كده، حرام طبعا والمال هيكون حرام. العميل اشترط وأنتِ وافقتِ، هو وثق فيكِ وائتمنك، كان أسهل عليه يوفر فلوسه ويروح هو بنفسه يعمل الخطوات دي. أنتِ كاتبة، فقدري نفسك وشغلك وثقي بمهاراتك وطوريها عشان تقدري تنافسي باستمرار أفضل من إنك تاخدي الطريق السهل وتدخلي مال حرام لحياتك وتغضبي ربنا.
تم النشر الأحد، ٢٨ سبتمبر ٢٠٢٥
السلام عليكم ...طيب ما هو العميل هيحاسبك عشان انتى اللى تكتبى النص البشرى اللى هتعمليه هيكون مخالف للاتفاق اولا وفى شبهه ان الفلوس تكون حرام انصحك بعدم اتباع هذه الطريقة
تم النشر الأحد، ٢٨ سبتمبر ٢٠٢٥
حابه اشكركم جدا والله علي نصيحتكم ليا وانا عملت بيها واعتذرت عن العمل
تم النشر الأحد، ٢٨ سبتمبر ٢٠٢٥
سؤال غريب جدا هو طلب منك ألا تستعملي الذكاء الصناعي وأنت وافقت على هذا الشرط، وحرام أن تخالفي شرط التعاقد الذي اتفقتما عليه
تم النشر السبت، ٢٧ سبتمبر ٢٠٢٥
أنا بستخدمه في الكتابة فعلا، زي ما قلتِ كمساعد لكن مش بكتب مقالاتي غير بنفسي من الأول للآخر... بستخدمه في العصف الذهني وعمل جدولة مثلا لخطة الكتابة عندي، وتوفير وقت البحث، بخليه مثلا يجمع لي أفضل مقالات أجنبية اتكتبت في الموضوع اللي عاوزة أكتب عنه عشان أقرأها وبعد كده أبدأ كتابة بأسلوبي. أعتقد على خمسات ومستقل فيه مستقلين عادي بيوضحوا إن بيتم الاستعانة بالذكاء الاصطناعي كمساعد أو إنهم عندهم مهارة هندسة الأوامر، فالعميل من البداية بيكون عارف إن هيكون فيه استعانة بهندسة الأوامر ويرجع له يوافق أو يرفض الأمر. وأي عميل بعد كده ممكن توضحي له إنك بتستعيني به في البحث والتفكير لكن مش في الكتابة. شكرًا لتقبلك النصيحة، وربنا يوفقك في شغلك وحياتك.
تم النشر الأحد، ٢٨ سبتمبر ٢٠٢٥
ولاكن مين ف وقتنا الحالي مش بيستخدم ال ai احنا اللي بنوجهه وبنديلو افكارنا وكتاباتنا وهو بيساعدني في الترتيب والتقييم والفلترة ليس الا، يعنى مش بكتب محتوي كامل من ال ai لان كدا فين شغلي ومجهودي انا اراعي ربناا جدا، ولاكن سؤالي لان انا بعد الفلترة بيكون المحتوي اخر شي ب الai عشان كده سالت، وشكرا جدا لكل من قدم نصيحة
تم النشر الأحد، ٢٨ سبتمبر ٢٠٢٥
يمكنك أن توضحي ذلك للعميل من البداية طالما أنه اشترط حتى تكون الأمور على بينة. الذكاء الصناعي مفيد في العصف الذهني، ولكن ما زال هناك ناس يريدون للبصمة البشرية أن تكون واضحة في الكتابة وهذا مطلب مشروع جدا! أن نستعمل ذكاء صناعي آخر لإضفاء هذه اللمسة البشرية على ما ولده الذكاء الصناعي الأول كثير قوي بصراحة!!
تم النشر الأحد، ٢٨ سبتمبر ٢٠٢٥
لعرض السؤال في فدني اضغط هنا