السلام عليكم ورحمة الله وبركاته
هدخل في الموضوع على طول انا في تالته ثانوي حاليا وانا في أولى كنت بتعب شويه يعني بيجيلي ضيق تنفس كتير وبتخنق جامد فروحت اكشف عند دكتور أخصائي صدر وحساسية هو مشهور ان هو شاطر وكدا لما جه يكشف عليا حسيت ان في حاجه غلط يعني هو مش طبيعي والكشف كمان مش طبيعي وكان علي وشه ابتسامه غريبه كدا
المهم كان معايا ماما وانا كنت خايفه اوي ومش عارفه اعمل ايه فسكت وقالي ان مفيش مشكله الحمد لله وان دا ضغط مذاكره وكدا بس انا من وقتها وانا بخاف يعني ومش عارفه هل انا اللي احساسي غلط مثلا لاني كنت أصغر فمش فاهمه او دا كشف طبيعي انا مش فاهمه ياريت حد يفهمني هو الكشف كدا طبيعي ولا ايه
هو الفكرة مش هنقدر نحدد لأن الكشف الطبي بيتطلب إجراءات معينة ممكن من ضمنها تحسس الجزء اللي فيه الشكوى... فممكن يكون مش قصده حاجة وكان كشف طبيعي وممكن برضه يكون إحساسك وعدم ارتياحك للي حصل صحيح.. دلوقتي الاحتمالين موجودين وأيًا كان حقيقة اللي حصل فأنتِ في حالة خوف حاليًا ومحتاجة تتعاملي معها وتتخلصي منها... تابعي إن شاء الله والخبراء هيردوا عليكِ من الناحية النفسية.
تم النشر الثلاثاء، ١٣ مايو ٢٠٢٥
في العموم يا أخت مش هيهم نية الراجل ولاكن المهم أفكارك انتي فاعتمدي الأفكار دي : •أنا مغلطتش في حاجة ولو كان هو تعدى علي فالخطأ منه ، •أنا مش هحس بالعار ولكن هاخد دي فرصة اتعلم منها اني 1-احاول اتعالج عند امرأة 2-أعترض بثقة ان حصل تعدي أو لمس... وطبعا دي مش شرط من أول مرة ... وممكن ده كله يكون وهم ويكون هو مبتسم عشان يطمئن المرضى .... وفي العموم حدود الإسلام هي ممنوع اللمس والخلوة والخضوع بالقول من المرأة ويجب غض البصر من الطرفين ... والله أعلم أن في غير ده
تم النشر الأربعاء، ١٤ مايو ٢٠٢٥
ايوا
تم النشر الثلاثاء، ١٣ مايو ٢٠٢٥
طبيعي من ناحية اللمس وكده، خايفة يكون تحرش بك وعشان كده خايفة من وقتها؟ ولا تقصدي حاجة تانية؟
تم النشر الثلاثاء، ١٣ مايو ٢٠٢٥
لعرض السؤال في فدني اضغط هنا