يا جماعه أنا حرفياً كتبت معظم الصفات والطباع اللي فيا اللي أنا بمارسها على ال chat GBT وقولتله يكتبلي ايه اسم الشخصيه دي بناءً على الوصف اللي كتبته مع العلم اني مكتبتش كل حاجة لاقته جابلي ان الصفات دي بتنطبق على الشخصية الحدية فأنا عاوز اعرف ايه الشخصية الحدية دي وازاي اعالج مشاكلها المستمرة والتحديات الناتجة عنها.
السلام عليكم ورحمه الله وبركاته طيب اولا لما بنكون بندور على تصنيف لشخصيتنا بتفوتنا تفصيله مهمه جدا فانا احب ان انا اقولها لك علشان الامور تبقى بالنسبه لك واضحه. كل انسان جواه جميع انواع الصفات ولكن بنسب فلو هنا قلنا بشكل بسيط جدا الشخص الاجتماعي والشخص المنطوي امتى الشخص بنقول عليه اجتماعي لما بيكون الجزء الاجتماعي في شخصيته اكثر من الجزء الانطوائي فمعنى كده انه الشخص الاجتماعي ما فيه يعني يعني جواه الاثنين جواه الاجتماعيه وجواه الانطوائيه ولكن الجزء الاجتماعي يعني ميله للاجتماعيه اكثر من الانطوائيه فممكن يكون 80% اجتماعي بيحب يقعد مع الناس ويحب يخرج وده افضل وقت بالنسبه له ولكن عنده 20% بيحب يقعد لوحده وعنده اوقات ما يحبش يتكلم فيها مع حد عنده اوقات ممكن يقفل فيها تليفونه فلذلك احنا بنقول ايه خلاص احنا ممكن نصنف شخصيته ايه فنصنف شخصيته اجتماعيه بناء على ايه بناء على الجزء الاكبر من الصفه دي عنده. والعكس بالعكس في الشكل الانطوائي بتفوتنا بتفصيله دي وبنفتكر انه الشخص اللي عنده صفات معينه هو ما عندوش الصفات التانيه وكأنه خلاص كده احنا حطيناه يعني حكر عليه الصفه دي ولما يظهر منه الصفات الثانيه نحس إنه إيه ده هو احنا صنفناه غلط ولا ايه لا طبعا كذلك الموضوع بيجي في الصفات. والاعراض النفسيه اللي بناء عليها الطبيب النفسي بيحدد اذا كان الدرجه دي درجه مرضيه او درجه تدخل تحت او تندرج تحت التراب من الاضطرابات النفسيه ولا لا وهنا نيجي للفرق ما بين الطبيعي والاضطراب الطبيعي هو انا ممكن يكون في عندي صفات ولكن انا قادر اتعامل بشكل متزن جدا في الحياه، الاضطراب انه انا يكون عندي الصفات دي ولكن. مش قادر اتعامل بشكل متزن في الحياه وبيحصل معايا تخبطات كثير وما عنديش السيطره الكافيه على نفسي وعلى يومي وعلى حياتي. فببساطه انت ممكن تكوني عملتي بحث عن الصفات والطباع اللي فيك ولكن بتكوني عايشه في بيها بشكل متزن فما يكونش عندك اضطراب او ديس اوردر زي ما انت دلوقتي لقيتي الشات جي بي تي بيرد عليك عشان كده شات جي بي تي مش طبيب شات جي بي تي والذكاء الاصطناعي هو محمل بداتا بيرد من خلالها، لكن لا يعتد باجابته في التشخيصات اللي هي نقدر ناخدها ونعتمد عليها و نشوف بقى إذا كنا عايزين نتعالج ولا عايزين نعدل حاجه ولا عايزين نظبط حاجه فاتمنى تاخدي بالك من الموضوع ده كويس قوي و إجابة ذكيه ذكاء الاصطناعي اديتك تفاصيل وافيه جدا وواضحه قوي لإيه هي الشخصيه الحديه فاتمنى تكوني استفدت منها واتمنى اكون انا افدتك باجابتي اكون وريتك نقطه تكوني غافله عنها.
تم النشر الأربعاء، ٧ مايو ٢٠٢٥
مرحباً بك، سعيد إنك وصلت لهذه النقطة من الوعي الذاتي، وهو فعلاً خطوة كبيرة ومهمة. الشخصية الحدية (Borderline Personality Disorder - BPD) هي حالة نفسية تتسم بمجموعة من الصفات والعواطف والسلوكيات التي تؤثر على طريقة تعامل الشخص مع نفسه والآخرين. من أهم صفاتها: تقلبات مزاجية حادة وسريعة، من فرح عارم إلى حزن عميق أو غضب شديد. خوف شديد من الهجر أو الرفض مما يؤدي إلى تصرفات انفعالية. صعوبة في التحكم في الانفعالات والسلوكيات (مثل اندفاعية). هشاشة في الهوية الذاتية، أي شعور بعدم الاستقرار في صورة الذات أو الأهداف. مشاكل مستمرة في العلاقات الشخصية، مع نمط من القلق والتوتر في التفاعلات. أحياناً قد يظهر سلوكيات إيذاء النفس أو التفكير في الانتحار. كيف تتعامل وتعالج الشخصية الحدية؟ الاعتراف بالأمر والبحث عن مساعدة مختصة لا شك أن التشخيص الصحيح والدقيق من طبيب نفسي أو معالج متخصص أمر ضروري، لأن BPD يحتاج علاج نفسي موجه. العلاج النفسي (العلاج بالكلام) أكثر العلاجات فاعلية هي: العلاج السلوكي الجدلي (Dialectical Behavior Therapy - DBT)، الذي يساعد في التحكم بالعواطف وتطوير مهارات التعامل مع المواقف المختلفة. العلاج المعرفي السلوكي (CBT) لتعديل التفكير السلبي. تعلم مهارات تنظيم العواطف مثل: تحديد المشاعر وفهمها. استخدام تقنيات للتعامل مع الغضب أو الحزن. تحسين مهارات التواصل والعلاقات. دعم العائلة والأصدقاء وجود دعم محيط متفهم يمكن أن يخفف من الضغط ويعزز التعافي. الصبر والالتزام رحلة العلاج تحتاج وقتاً وجهداً مستمرين، وقد تحدث انتكاسات ولكن الأهم هو الاستمرار. نصيحة أخيرة من ذكية: كونك تعرف ما تواجهه هو بداية الطريق. لا تتردد في البحث عن خبير نفسي متخصص، ويمكنك زيارة قسم الخبراء في تطبيق فدني من هنا للعثور على مختص يساعدك في هذه المسألة. أيضاً أنصحك بالاطلاع على تجارب وأسئلة مشابهة في فدني، فقد تجد من يشاركك قصته ونصائحه، وهذا يزيد من فهمك ويعطيك دعم معنوي. إذا تحب، أنا هنا لمساعدتك في أي استفسارات أخرى أو دعم مستمر. تحياتي لك ودمتم بخير.
تم النشر الاثنين، ٥ مايو ٢٠٢٥
بصراحه انا كمان معرفش يعني ايه الشخصيه الحاده دي عشان مره نزلت تطبيق اختبار الشخصيه وقالي كدا ولحد دلوقتي معرفش هيا ايه بظبط ولكن حسيت اني مش بقرب من الناس بسهوله واني بحب الوحده بس لو حد شرحلك هنا هنعرف احنا الاتنين إن شاء الله 😁
تم النشر الثلاثاء، ٦ مايو ٢٠٢٥
لعرض السؤال في فدني اضغط هنا