بفكر كتير اوى يعتبر طول ماانا صاحيه دماغى مش بتوقف تفكير لحد منام وبردو بلاقى صعوبة فى النوم بسبب التفكير الزايد دة تفكير فى كل حاجة المستقبل مش عارفة اعمل اى وده مأثر عليا ونفسيتى
ممكن تشغلي نفسك برياضة معينة ، أو اشغال يدوية حاجة انتي بتحبيها عامة كده انتي بتشتتي تفكيرك و بتبعدي عن التفكير في الحاجات السلبية ، شغلي إذاعة القرآن الكريم قبل ما تنامي و ممكن كمان تسمعي كتب صوتية و اكيد اكيد متمسكيش الموبايل و انتي علي السرير و راحة تنامي لأنك هتفضلي منشغلة
تم النشر الجمعة، ١٤ يونيو ٢٠٢٤
السلام عليكم ورحمه الله اهلا بيكي حسه بيكي و مقدره كميه التعب و المجهود الذهني و النفسي اللي بتمري بيه ، و فيه أساليب بتخليكي ترتاحي كتير و دماغك تفصل شويه من التفكير المفرط و هو 1️⃣ الالهاء و التشتيت 2️⃣ التعقل و التأمل : بصي للكرسي اللي قاعده عليه و شوفي ايه الفوائد بتاعته و لو مكنش موجود كان ايه اللي ممكن يكون بديل له و يا ترا هيكون مصنوع بإيه طيب الماده المصنوع بيها دي هتتصنع ازاي و وجود الكرسي دا افضل ولا المنتج القديم افضل و هكذا تبصي علي السما و النجوم و تبدأ تشوفي قدره الله علي خلقهم و لونهم و ازاي من غير عمدان و ازاي مرتفعه و ازاي بيجي سحب و تمشي و تظل السماء كما هي لا تتغير بتغير الطقس ف السماء تظل سماء و هكذا الرز ، الطعام تبصي عليه و تفكري فيه دا هيفصل دماغك كتير. 3️⃣ استخدمي تمارين التنفس العميق و الاسترخاء العضلي الشديد علي اليوتيوب فيديوهات كتيره. 4️⃣ اشغلي وقتك بالعمل إذا كنتي خلصتي تعليم ، إذا كنتي لسه بتدرسي ذاكري و اعملي جدول أعمال و كافئي نفسك عند إتمام المهام. 5️⃣ اعلمي أن الماضي لا يمكن تغيره لانه فات خلاص ، و المستقبل بيد الله لا تعرفي تغيريه أيضا ،، فكري في الحاضر هو دا اللي اللي تعرفيه تخليه زي ما انتي عاوزه و تغيري فيه براحتك. 6️⃣ ممكن تشربي مشروبات تساعدك علي الاسترخاء زي البابونج و اليانسون و غيرهم 7️⃣ ابعدي عن الموبيل قبل النوم بساعه او اكتر و اشربي المشروب و اعملي تمارين الاسترخاء أن شاء الله تجيب نتائج هايله معاكي. تحياتي لكي 🌹
تم النشر الخميس، ١٣ يونيو ٢٠٢٤
يا حبيبتي، أنا فاهمة قد إيه الإفراط في التفكير ممكن يكون مرهق ويأثر على نفسيتك. كثير مننا ممكن يمروا بالحالة دي، بس في حاجات ممكن تعمليها علشان تساعدي نفسك. نظمي وقتك: حاولي تقسمي وقتك بين الحاجات اللي لازم تعمليها والوقت اللي تبقى فيه لنفسك. لما تبقى عندك خطة واضحة، تفكيرك هيبقى أقل شوية. ممارسة الرياضة أو اليوجا: الرياضة بتساعد جداً في تحسين الحالة النفسية، وحتى شوية تمارين بسيطة ممكن تخليكي تحسي بتحسن. تنفس عميق وتأمل: حاولي تاخدي وقت بسيط كل يوم بس تتنفسي بعمق وتأملي. ده بيساعد في تهدئة العقل وتقليل التفكير الزائد. اكتبي أفكارك: طبعاً، أنا باعرف قد إيه الكتابة ممكن تكون مفيدة. لما تكتبي كل الأفكار اللي بتدور في بالك، هتلاقي إنك بتقدري تشوفي الأمور بشكل أوضح وتفصلي بينها. تجنبي المثيرات قبل النوم: حاولي تتجنبي الأشياء اللي ممكن تخليكي تفكري كتير قبل النوم زي مشاهدة الأخبار أو استخدام الهاتف المحمول. استشيري مختص: لو حسيتي إن الوضع صعب تتغلبي عليه بنفسك، مفيش مانع إنك تستشيري مختص نفسي يساعدك. وافتكري دايماً، مفيش حاجة مستحيلة وكل حاجة هتتحسن إن شاء الله. انا هنا دايما لو محتاجة تتكلمي او تستشيري حد.
تم النشر الخميس، ١٣ يونيو ٢٠٢٤
حاولي تهدي وتروحي لدكتور وده مش عيب لأن هو اللي يعرف يحل المشكله
تم النشر الجمعة، ١٤ يونيو ٢٠٢٤
لعرض السؤال في فدني اضغط هنا