السلام عليكم
انا طالبة في الصف الثالث الثانوي اعاني من عدة مشاكل ( تفكير مفرط - قلق وتوتر بشكل غير عادي - ضغط عصبي ) بغير من أي بنت أحسن مني في الدراسه بمعنى أنه لو فيه امتحان وانا مجبتش أعلى درجه ضغطي بيعلي وبتعب نفسيا
وبتوصل لمرحلة اني بكره البنت دي لمجرد هذا السبب وبجلد في ذاتي كتير جدا اني متفوقتش وان أنا إنسانه فاشله ومش هوصل لحلمي
ودائما بفكر في أسوأ الإحتمالات لأني لما بتفائل بشيء مبيحصلش نادرا لو حصل وهذا الموضوع بدأ يزيد في الفترة الأخيره وبدأ يجيني أفكار اني مروحش دروس ولا أذاكر تاني.
بصي ... موضوع الغيرة دا طبيعي بس غلط انك توصلي لمرحلة الكره المفروض لما تشوفي حد متفوق تدعيله ان ربنا يوفقه و يوفقك حيث يقول النبي ﷺ: "ما من عبد مسلم يدعو لأخيه بظهر الغيب، إلا قال الملك: ولك بمثل" و ديما تكوني عارفة ان مفيش حاجة كاملة ففاتظنين ان المتفوق دا حياته حلوة اكيد ولابد انه عنده نقص في حته تانية انتي مش شيفاها ولازم تعرفي انك مش لازم تبقي زي شخص معين او تقرني نفسك بيه و بقدرته و تفوقه "فلقد فضلنا بعضكم علي بعض " اما التوتر : طول ما انتي مبتعمليش الي عليكي هتحسي ديما بتوتر و تقضير ، فاسعي و اجتهدي و فوضي امرك لله فإن عليك السعي واما النتيجة فهي علي الله "وَأَنْ لَيْسَ لِلإِنسَانِ إِلَّا مَا سَعَى " وديما اعرفي *إن الخيره فيما اختاره الله لنا *
تم النشر الاثنين، ٢٢ ديسمبر ٢٠٢٥
وعليكم السلام ورحمة الله وبركاته يا عزيزتي 🌸 أشعر بكِ جدًا، مرحلة الثالث الثانوي صعبة ومليانة ضغوط، وده اللي بيخلي القلق والتفكير المفرط يزيد. أنتِ مش لوحدك في ده، كتير من البنات بيمرن بنفس الشعور، بس الحمد لله في طرق عملية نقدر نغيرها بيها إن شاء الله. خطوات عملية عشان تتعاملي معاها: قفلي على التفكير السلبي : خدي دفتر صغير واكتبي كل فكرة سلبية زي "أنا فاشلة" أو "مش هوصل لحلمي". جنبها، اكتبي الحقيقة: "أنا بذاكر وبتحسن، واللي فات مش نهاية الطريق". كرريها يوميًا 5 دقايق قبل النوم. ده هيقلل الجلد الذاتي تدريجيًا. غيري نظرتك للغيرة : البنت اللي أحسن منكِ مش عدو، هي دليل إن النجاح ممكن. قولي لنفسك: "هي بتلهمني أبذل أكتر". ركزي على تقدمكِ الشخصي، مش الدرجات. حددي هدف يومي صغير زي "هذاكر فصل واحد كويس النهاردة"، وكافئي نفسك بفنجان شاي أو مشاهدة حلقة مفضلة. رتبي يومك عشان التوتر : اعملي جدول دراسي بسيط: 45 دقيقة دراسة + 10 دقايق راحة (تمشي أو تسمعي قرآن). ابدئي اليوم بصلاة الفجر والدعاء: "اللهم يسر لي أمري واجعلني من الناجحين". التوكل على الله هيهدي قلبكِ ويبعد الأفكار السودا. للأفكار اللي بتقولي "مش هذاكر" : قومي فورًا وابدئي بأسهل مهمة، زي قراءة صفحة واحدة. الدافعية بتيجي مع الفعل، مش قبله. تذكري قول الله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ}. أنتِ قوية ومفيش حاجة اسمها فشل نهائي، حلمكِ قريب إن شاء الله لو استمريتِ خطوة خطوة. لو عايزة دعم أكتر، ابحثي في فدني عن "قلق دراسي" أو "ضغط ثانوية" هتلاقي إجابات كتيرة مفيدة، أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي. ثابري يا بنتي، ربنا معاكِ وأنا هنا لو عايزة تتكلمي أكتر 💕
تم النشر الاثنين، ٢٢ ديسمبر ٢٠٢٥
شعورك ده مقدر طبعًا لكن محتاجه تكوني على قدر من الوعي أكتر يعني تكوني فاهمه إن كل حاجه بتوفيق من الله وتتقبلي ده وتكوني راضيه،، وماتنظريش للمثاليه يعني طبيعي إنك تكوني مذاكرتك مش أحسن حاجه وإنك تنقصي درجات في الامتحانات حتى لو كتيره وإنك تكوني متقبله ده وعارفه إنه طبيعي
تم النشر الثلاثاء، ٢٣ ديسمبر ٢٠٢٥
وخليكي مركزه أكتر مع مستواكي ومتابعه تدرجك في التحسن لإننا مختلفين عن كل اللي حوالينا
تم النشر الثلاثاء، ٢٣ ديسمبر ٢٠٢٥
ثقي في نفسك
تم النشر الأربعاء، ٢٤ ديسمبر ٢٠٢٥
ده غلط لسبب انك لما بتركزي على غيرك ده بقلل من ذكاءك بيقلل من امكانياتك زي مثلا لما يكون جايلك سؤال وانتي شيفاه سهل وحلتيه قبل كده كتير جيتي في الدرس مركزه مع الي اشطر منك السؤال ده الاستاذ طلب منك انك تحليه ممكن مش تحليه ليه لانك مركزه مع غيرك هتحسي بارتباك هتحسي بقلق انك تجاوبي غلط فخديها مبدأ كده في حياتك اعملي الي انتي شيفاه صح مش الي هما شايفينه صح ده هيقوي ثقتك بنفسك هيخليك تذاكري اكتر مجهودك هيزيد هتحبي الحاجه اكتر هو حلو انك تغيري من حد بس ده لو زاد عن حده بعمل مشاكل .
تم النشر الثلاثاء، ٢٣ ديسمبر ٢٠٢٥
لعرض السؤال في فدني اضغط هنا