أنا أحيانًا بحس بعجب لإني حافظه القرآن ورزقني الله النقاب في سن صغير ولما بكون في مسابقه بيقا حافظه كويس وببقا شايفه إن البنات اللي معايا مش حافظين أو بفرح لما مايعرفوش يجاوبوا وبردو في منطقتي ببقا شايفه ان مفيش زيي وأنا الوحيده اللي متميزه في الدين وفي عيلتي بردو في كل الأماكن أنا ببقا مش عاوزه أكون كده بس أنا مابعرفش تلقائيًا بتحصل مقاومه داخليه كده جوايا أو الشيطان بيخليني أشوف نفسي
حتى لو رايحه الجامع أصلي ببقا شايفه إني أحسن واحده في الجامع وأحسن من الكبار وببقا عندي نوع من الثقه العاليه أوي في نفسي
حاسه إني مش متواضعه مع إني بتعامل مع الناس كويس بس لو هما بدؤا كلام معايا بس أنا مابأذيش حد أنا بس اللي مضايقني الاحساس ده وحاجه تانيه بردو بكون شايفه إني مابعرفش انسجم الا مع حد لازم على درجة تديني ولو مش كده ببقا بعامله سطحي
دا طبع في النفس البشريه انه بيحس انه لما ربنا يكرمه وبيختارو عن كتير من عباده بيحس كده انه بيعمل دا من نفسه لكن كل ما يجيلك الإحساس دا افتكرى إن دا فضل منه ربنا عليكى وهو اللى وفقك لدا وانتى ملكيش اى حول ولا قوه إلا بيه انتى محتاجه انك تسمعى وتتعلمى كتير عن الافتقار لله سبحانه وتعالى وعشان دا لو استمر معاكى ممكن لا قدر الله يحرمك من نعمته عليكى فدايما ادعى دايما بصلاح لقلبك وقولى يارب اجعل عملى كله لوجهك الكريم ويصلح حالنا وحال المسلمين ويهدينا جميعاً.
تم النشر الخميس، ١٢ فبراير ٢٠٢٦
اسمعى درس الخوف ل امجد سمير وحاولى تقعدى مع حد يحسسك انك جاهله وغالبا امجد سمير هيحسسك بكده 😅 فى كمان درس قصة الذبيح وانى عبدك وممكن تقرأى فى قصص الصالحين ... فى كتاب اسمه سير اعلام النبلاء ممكن تقرأى فيه عشوائى لانه حوالى 6000 صفحه المقصد لما تقرأى عن الناس السابقه هتحسى بالجهل انتى حافظه القرآن فى غيرك حافظه بالقراءت وعارف كمان فى السنه.. وفى الاخر... {وَفَوْقَ كُلِّ ذِي عِلْمٍ عَلِيمٌ } [سُورَةُ يُوسُفَ: ٧٦]
تم النشر الثلاثاء، ١٠ فبراير ٢٠٢٦
ربنا مديلك علم ونعمة عظيمة تتحسدي عليها وقد تكون بلاء ربنا بيشوفك هتعملي ايه بالنعمة دي ممكن تعلمي غيرك وتدعي الناس دي لعبادة رب العالمين والتقرب منه بس خليكي فاكرة دايما ان فوق كل زي علم عليم اشكري رب العالمين دايما وادعيه ان يزيدك علم (وقل رب زدني علما)
تم النشر الاثنين، ٩ فبراير ٢٠٢٦
يا حبيبتي، أول حاجة، أشكرك إنك شاركتيني الإحساس ده بكل صراحة، ده دليل على قلب سليم وقربك من ربنا. نعم، اللي بتحسيه ده نوع من "العجب" أو "الكبر الخفيف" زي ما قلتي، وهو شعور طبيعي يجي لما الله يرزق الإنسان نعم زي حفظ القرآن والتدين المبكر، بس الشيطان بيحاول يستغله عشان يبعدنا عن التواضع. الخبر الحلو إنه مش دائم، وتقدري تتخلصي منه بإذن الله بخطوات بسيطة وعملية. خطوات عملية عشان تتغلبي عليه: ذكري نفسك بالنعمة أمانة : كل يوم بعد صلاة الفجر، قولي: "اللهم ما من نعمة انعمت بها علي او بأحد من خلقك فمنك وحدك لاشريك لك فلك الحمد ولك الشكر". وحسي إن حفظك ده مش إنجازك لوحدك، ده فضل الله عليكِ. غيري نظرتك للناس : لما تشوفي بنت مش حافظة زيك، قولي في قلبك: "ربنا ييسر لها ويفتح قلبها"، وادعي لها سرًا. جربي تسأليها عن حاجة هي متفوقة فيها (زي الطبخ أو الرسم)، هتلاقي كل واحدة ليها ميزة، وده هيقلل الشعور بالتفوق. ركزي على عيوبك ومن هم أفضل : اكتبي يوميًا 3 حاجات ناقصة فيكِ (زي الغضب السريع أو الدراسة)، وشوفي في الجامع أو العائلة مين أكثر صبرًا أو أحسن معاملة، وقولي: "يا رب اجعلني زيها". ده هيبني تواضع حقيقي، زي ما قال الرسول ﷺ: "من تواضع لله رفعه". للانسجام مع اللي مش زيكِ : ابدئي محادثات بمواضيع عامة زي الدراسة أو الهوايات، وابحثي عن نقطة مشتركة صغيرة (حتى لو سطحية في الأول). مع الوقت، هتلاقي الخير في الجميع، وده هيوسع دائرة صداقتك. مش لازم الكل يكون على "درجة تدينك" عشان يستاهل معاملتك الحلوة. أنتِ مش وحشة خالص، بالعكس، معاملتك الكويسة دليل على أصل طيب، بس الإحساس ده زي غيمة تمر. مارسي دول يوميًا أسبوع، وهتشوفي الفرق. لو عايزة دعم أكتر، ابحثي في فدني عن أسئلة مشابهة أو شوفي الخبراء في https://www.fedni.net/experts – فيه متخصصين في التنمية الذاتية والإرشاد الإسلامي هيساعدوكِ بشكل شخصي. أنتِ قدها يا بطلة، ربنا يزيدك توفيقًا ويثبت قلبك 💕
تم النشر الاثنين، ٩ فبراير ٢٠٢٦
بصي هو ده غلط والمفروض تتواضعي اه انجازاتك كتيره ما شاء الله وانا بجد بتمنى اني انتقب بس اهلي معارضين بس انا هحاول تاني اولا الثقه الزايده غلط كبير اه بتتعاملي مع الناس عادي بس هما بيبقو حاسين من ناحيتك بالجمود وانك مغروره حلك انك تختلطي بالناس وحتى لو مش بنفس مستواكي الديني انتي شديهم المستوى ده
تم النشر الأربعاء، ١١ فبراير ٢٠٢٦
ده صراع دائم مع الشيطان وطبيعي عادي جداً الشعراوي ذات نفسه حصله نفس الموقف وحل الموضوع بإنه راح يغسل حمام المسجد وكان بيقول لازم اعرف النفس دي انها معملتش حاجة وان كل ده من فضل ربها
تم النشر الثلاثاء، ١٠ فبراير ٢٠٢٦
لعرض السؤال في فدني اضغط هنا