صباح الخير ليا واحده قريبه اذتني جامد وبسحر وكل الحاجات دي الشخصيه دي حاليا بقت شغاله مخطوبه لحد غني وفلوس ومرتاح جدا وشكله حلو وعربيه ومنصب وهي كمان مبسوطه لما سمعت الخبر اضايقت جداا وم وقتها وانا مش كويسه مش قادره اتقبل ان هي اخدت كل حاجه حلوه رغم ان مفروض حقي يجيلي لان ظلمتني وأهلها ظلموني ف حين أن انا ماخدتش الحاجات دي زيها انا عايزه اعرف ليه الدنيا كده وعايزه بجد ابقا كويسه لان م يومها وانا نفسيا بسوء يوم عن يوم
صباح الخير، أولاً أنا آسفة جداً للألم اللي بتمرّي بيه، وأقدر إن الشعور بالظلم ده ثقيل جداً خاصة لما يكون الشخص اللي آذاكِ قريب واستخدم وسائل محرمة زي السحر. اللي بيحصل دلوقتي بيخلّي الجرح يتجدد، وده طبيعي إنكِ تحسي بالضيق والرفض لسعادتها، لأن عقلكِ وقلبكِ بيحاولوا يعالجوا الظلم اللي حصل. من منظور إسلامي، تذكّري إن الله سبحانه وتعالى هو العدل المطلق، وما حدش بياخد حاجة إلا بقدره، واللي بيظلم غيره هيحاسب عليه حساباً شديداً حتى لو بدا سعيداً في الدنيا. السعادة الظاهرية دي مش بالضرورة دليل على الرضا الإلهي، وربنا بيقول "ولا تحسبن الله غافلاً عما يعمل الظالمون". ركّزي على إنكِ تطلبي من الله العدل والشفاء لنفسكِ، وادعي لنفسكِ بالفرج والتعويض، لأن الدعاء بيغيّر الأقدار ويخفف الضيق النفسي. عشان تتجاوزي الشعور ده عملياً، حاولي تحولي التركيز من "ليه هي أخدت كل حاجة" لـ"إيه اللي أقدر أعمله عشان أبني سعادتي أنا". ابدئي بخطوات صغيرة زي كتابة ثلاث حاجات إيجابية في يومكِ كل ليلة، أو التركيز على تطوير مهارة أو هدف شخصي يخصكِ أنتِ (دراسة، عمل، علاقات صحية). كمان، اقرئي القرآن يومياً خاصة سورة البقرة والمعوذتين، واستغفري كتير، ده بيساعد في تهدئة النفس وإزالة آثار السحر إن وجد. لو الضيق مستمر ومأثر على حياتكِ اليومية، فكّري في البحث عن أسئلة مشابهة على فدني عشان تشوفي تجارب ناس تانيين وتاخدي أفكار إضافية. أنتِ تستاهلي الراحة والسعادة، وهتوصلي ليها بإذن الله لما تركزي على نفسكِ وثقتكِ في ربنا. لو عايزة تتكلمي أكتر عن خطوات محددة، أنا هنا.
تم النشر السبت، ٢٠ يونيو ٢٠٢٦
حبيبة قلبي ثاني شي أحب أقوله مش معني انها مبسوطة وربنا سايبها انه هيسيب حقك لا والله العظيم ربنا بيتعود لكل ظالم بعقاب بس بيبقي مخفي وفجأة بينقلب ضده افتكري ان ربنا مش غافل عن الظالمين مفيش حد ظالم ربنا بيسيبه (ولاتحسَبّنّ الله غافلٌ عمّا يَعْمَلُ الظالمون) حاولي تنسيها عارفه انك اتأذبتي ومش حاسس بيكي غير مالك الملك ،،لكن حاولي واصبري وربنا مش هيضيعك ❤️
تم النشر السبت، ٢٠ يونيو ٢٠٢٦
ايوا حاسه بيكي والله و اللي انتي فيه مش سهل و حقك انك تزعلي علي نفسك و اللي حصلك..بدعيلك من كل قلبي ربنا يهونها عليكِ يا رب و يبعد عنك الناس السيئه دي.
تم النشر السبت، ٢٠ يونيو ٢٠٢٦
هوا لو فضلتي مستنياها تشوف عقاب ف كدا هتتعبي نفسك انتي لان ممكن لسه عقابها هيتاخر و وارد جدا يبقي عقابها ف الاخره و دا اكيد. كمان انا شايفه ان هيا فعلا اذتك و حرام و من حقك جدا تبقي متضايقه منها بل و كارهاها و محدش قلك افرحيلها يعني طبيعي اي واحده ف مكانك كان هيبقي رد فعلها كدا. بس متركزيش معاها زياده عن اللزوم قد متقدري و سيبي امرك لله و متقلقيش والله ربنا مش بيسيب حق حد. اهم حاجه فكيتو السحر و كدا ولا لسه؟. ربنا يعوضك خير يا رب 🤍
تم النشر السبت، ٢٠ يونيو ٢٠٢٦
صدقيني انا متأكده من ده بس مش قادره اسامح مش عارفه اصلا دا غير ان ببص طيب فين العقاب اذا كان هي اهو بتاخد كل حاجه بسهوله انا بجد مش قادره اتقبل انا موصلتش للمرحله دي مع حد قبل كده اصلا بس بجد مش قادره افرحلها حتى
تم النشر السبت، ٢٠ يونيو ٢٠٢٦
أنتِ بس اسمعي أول حلقتين وتعالي قولي رأيك هتحسي بشفاء في كل أمورك 🤍
تم النشر السبت، ٢٠ يونيو ٢٠٢٦
يارب.... بعمل كده عشان متجننش بجد ربنا يعيني يارب
تم النشر السبت، ٢٠ يونيو ٢٠٢٦
هو بجد شعور صعب أنا عارف, وهيساعدك جدا أنك كل ما تفتكري الأذى اللي هي سببته تفتكري حديث النبي صلى الله عليه وسلم ( واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعت على أن يضروك بشيء لم يضروك إلا بشيء قد كتبه الله عليك) أما بالنسبة لأذاها فلو قرأتي أكتر عن عقوية الظالم بجد هتشفقي عليها, بإذن الله لما تقرئي أو تسمعي عن القدر كتير وبرده عن عقوبة الظالم واحمدي ربنا دايما وأنت حاطة في دماغك نعمة كذا وكذا وكذا وكذا اللي ربنا من عليك بيهم, وبإذن الله الشعور دا هيتبخر, وربنا يصرف عنك السوء. وييسر أمورك
تم النشر السبت، ٢٠ يونيو ٢٠٢٦
صدقني انا متوقعتش ان اوصل للشعور دا ف يوم م الايام وب اي شكل م الأشكال انا بحاول بجد انسا عشان انا متعبش ومتاكده ان ربنا هيجيب حقي بس بجد تعبت نفسيا
تم النشر السبت، ٢٠ يونيو ٢٠٢٦
أظن أنك المفروض تشفقي عليها, كل الظلم اللي هي سببتهولك معلق في رقبتها واتسجل عليها وهي عايشة في نعيم الجهل اللي هتعرف تأثيره ولو بعد حين, قال النبي ( اتقوا الظلم فإن الظلم ظلمات يوم القيامة) فتخيلي بسبب أنها ظلمتك ربنا هيجعل آخرتها ظلمات فوق بعض, الدنيا عبارة عن عدد سنين بسيط ولكن الآخرة هي مدة لانهائية فمفيش مقارنة, قال النبي ( إن الله ليملي للظالم حتى إذا أخذه لم يفلته ) وقال الله ( ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار) العقوبة في الآخرة أشد بمليون مرة من العقوبة في الدنيا, فتخيلي كل المعاناة دي هتلاقيها بسبب أنها ظلمتك , والأسوأ من كدا أن أمورها الدنيوية يبدو أنها كويسة ودا شيء يدعوكي للشفقة عليها أكتر لأن هي كدا ربنا استدرجها لعذابه وهي هتغتر باللي هي فيه فهتنسى اللي عملته وتيجي المصيبة الكبرى ......قال الله عز وجل ( فلما نسوا ما ذكروا به فتحنا عليهم أبواب كل شيء حتى إذا فرحوا بما أوتوا أخذناهم بغتة فإذا هم مبلسون) + ربنا لا يغفر الظلم اللي بين العباد إلا لو المظلوم هو اللي عفا عن الظالم....... يعني فعلا هي في حالة يرثى لها بسبب أنها ظلمتك, أظن أن الشعور الصح أنك تشفقي على حالتها الصعبة اللي هي حطت نفسها فيها
تم النشر السبت، ٢٠ يونيو ٢٠٢٦
اللهم امين يارب تسلميلي
تم النشر السبت، ٢٠ يونيو ٢٠٢٦
انا بالفعل بكرهها تخيلي فضلت ٣ ايام مش بنام مش عارفه اتكلم مع حد يفهمني ان انا مش غيرانه انا مضايقه ع حقي بس انا فعلا لو استنيت انا ال هتعب عندك حق والله اهو بنقرا قران دعواتك بجد
تم النشر السبت، ٢٠ يونيو ٢٠٢٦
https://youtube.com/playlist?list=PLSUcSqxe9RhyS7_hi2I5D7CH2sACsPjFW&si=rdzfIssUe4rXQsLV
تم النشر السبت، ٢٠ يونيو ٢٠٢٦
طيب هي ظالمة فعلًا والدنيا ظالمة فعلًا بس ربنا سبحانه وتعالى" العدل" دا نصيبك ودا قدرك مش معنى إنها مخطوبة لحد عنده منصب ومعاه مال إنها خلاص يعني السحر الـ عملته ليكِ هتُحاسب عليه، ولو مش في الدنيا هيكون الحساب في الآخرة مش كل جزاء بيكون في الدنيا عامةً وأنتِ برضو لعل وعسى جزاك في الآخرة أنا مش هقولك أصبري وأحتسبي لأنك أكيد صابرة هقولك أدرسي عقيدة بجد والله لأزم أي مسلم يدرسها هي أكتر حاجة هتثبت الإنسان وهتعلمك إزاي تستقبلي أقدار الله بكل حب وصدر رحب صدقيني المسلم لأزم يدرس عقيدة هتفهمي من خلالها إن الشوكة بأجر هاتي سلسلة عقيدة القضاء والقدر بجد هتفهمي حالك أنا مش ببالغ بس هبعتلك السلسة وصدقًا لو سمعتي الكلام وسمعتي السلسة حياتك كلها بجد هتتغير وتفكيرك
تم النشر السبت، ٢٠ يونيو ٢٠٢٦
باختصار شديد فين الرضا بما قسمه الله ...؟
تم النشر السبت، ٢٠ يونيو ٢٠٢٦
لعرض السؤال في فدني اضغط هنا