لدي مشاعر مطبوعة كثيرة اغلبها من اهلي او ربما هي عقد نفسية فبين الحين والآخر افعال بسيطة تحرك هذة المشاعر كموسيقى او لقطة في فلم وقد دخلت في حالة من الهلع
شكرا لحضرتك على المشاركة المشاعر بتيجي تقولنا رساله فلو احنا مفهمناش الرساله دي وحاولنا نعمل نفسنا مش شايفنها بتفضل جوانا وممكن للاسف تطلع فمواقف تانيه متستدعيش اردة الفعل دي كيف التخلص منها ؟ احنا بنقبلها ونتعامل معاها بوعي اكتر بما يتناسب مع موقفي ومع الشخص اللي قدامي من المهارات البسيطه اللي ممكن اي حد يعملها مع نفسه التدوين اكتب قبل ماانام او قبل ماأبدأ يومي اكتب كل حاجة حصلت معايا وكأني بفضي دماغي علي ورق احتفظ بدائرة المشاعر واتعرف اكتر علي مشاعري حسيت بايه امتي وفين ومع مين والشعور ده مأثر عليا فجسمي بإيه طيب لو الشعور ده جالي برساله ممكن تكون ايه الكلام باين عليه سهل ولكنه بيحتاج وقت للإحساس بنتيجته ولو معرفتيش تتعاملي ممكن تلجئي لمتخصص حته لقطة في فيلم لو بطريقه مستمره وموجعه الافضل التحدث فالنقطه دي مع متخصص ربنا يقدرلك الخير ويرشدك للصالح
تم النشر الاثنين، ٥ فبراير ٢٠٢٤
انتي محتاجه تحسي بي مشاعر حقيقه حواليكي وصادقه وتكوني مطمنه وتطلعي من كل ماهو مقلق او محزن وتتغلبي على ضعفك من هذا الاتجاه وتقربي إلى اهلك وتحاولي انتي اللى تفتحي معاهم مواضيع وتناقشيهم
تم النشر الأحد، ٤ فبراير ٢٠٢٤
طبعا ل اما تتخلصي منها عن طريق انك ترجعي تستذكري كل موقف من المواقف وتحليليه مع نفسك .. وتتخطي كل شئ مع نفسك. ل اما انتي محتاجه حد معاكي علشان تحكي له الاشياء اللي جواكي علشان يساعدك تتخطيه..
تم النشر الخميس، ١ فبراير ٢٠٢٤
المشاعر المكبوته بتيجي من المواقف اللي كان المفروض تعبري فيها عن نفسك و مقدرتيش ف بتكون متراكمه في عقلك مينفعش تتجاهليها او تشغلي نفسك عنها لانها بتفضل متخزنه في عقلك و بتفتكري زي ما قلتي حالا او بتنفعلي في موقف لا يستدعي الانفعال .. الحل بسيط انك تكتبي فضي وقت في يومك و هاتي مفكره خاصة بيكي وابدائي اكتبي المواقف اللي فعلا حسيتي بيها بشعور سلبي ومقدرتيش تعبري عن نفسك فيه اكتبي كانك بتكلمي المفكرة دي بعد ما تخلصي هتحسي انك خرجتي طاقة كبيرة جدا كانت جواكي .. تاني حل حاولي تتكلمي مع شخص يكون محل ثقة اتكلمي وفضفضي معاه باللي جواكي و باللي انتي حساه في اللحظة دي و اللي انتي حسيتيه في المواقف اللي اثرت فيكي و متطلبيش من الشخص ولا تنتظري منه انه يديكي حل فقط اتكلمي و الكلام لوحده هتلاقيها حل مشكلتك .. آخر حاجة متكبتيش مره تانيه اي مشاعر سلبيه جواكي اللحظه اللي عايزه تبكي فيها ابكري اللحظه اللي حسه نفسك غضبانه فيها نفسي عن غضبك هروبك من مشاعرك مش هيخليها تروح هتفضل متخزنه جواكي وهتطلع في اي لحظه . اتمني اكون افادتك و لو بالقليل 🌻🌻
تم النشر الخميس، ١ فبراير ٢٠٢٤
لعرض السؤال في فدني اضغط هنا