الواحد دايماا بيحاول يكتشف نفسه بس مش عارف أحد شخصيتي يعني مثلا شوية ببقي حاسس اني عايز أبقي اجتمااعي وعندي صحااب كتيير ودايرة معارفي كبيرة وأوقات تانية بحس أن أناا بحب الوحدة ومبحبش يكون حوالياا ناس كتير ولا حد يقعد يكلمني كتير وكدة...حاولت أثبت علي شخصية معينة بس بلاقي نفسي بتغير بتلقائية كدة....
ومش عارف ايه الحل...!؟
لسه كان عندى استشارة بشرح فيها ازمة تصنيف الشخصية دى بنكون فاكرين ان شخصييتنا لازم يبقي لون اساسي كده وكأننا محكومين بيه ( اجتماعى - انطوائى -كاجوال - كلاسيك )الخ الحقيقية ان الشخصية عبارة عن خليط من الالوان ...كل لون بيمتزج مع التانى ...لذلك كل شخصية ليها طابع خاص مهما تشابهت فى جزء او لون مع شخصية اخرى. ببساطة مفيش مشكلة انك تحب حاجة وعكسها
تم النشر الأحد، ٢٥ يونيو ٢٠٢٣
الموضوع طبيعي جدا .. بالذات في فترة العشرينات وما قبلها كمان .. ف موضوع الثبات ده بيكون كل فترة والتانية شئ معين وبعد كده طبيعي بيتغير .. يعني فترة العشرينات حاجه، وال 30 حاجه وال 40 حاجة .. وده هو الطبيعي لان الانسان بيمر بمتغيرات في حياته كتير .. وده اللي بيغيره سواء بقى اجتماعيا او نفسيا او عاطفيا .. مفيش حد على وتيرة واحدة .. كلنا بنتغير. ف ادي لنفسك فرصة انك تتعرفي على نفسك في وقتها الحالي وتشوفي نفسك حابه تعمل ايه دلوقت واعمليه واستمتعي بيه. يعني مثلا حابه تبقى لوحدك ..ايه المشكة؟ كوني وحدك في الفترة اللي انتي حابه فيها تكوني لوحدك وبرضه هتكتشفي حاجات في نفسك عمرك ما عرفتيها قبل كده. ولو عايزة في وقت يبقى حواليكي صحاب وناس اعملي كده برضه. كل فترة من حياتك استمتعي بوجود المتغيرات اللي بتطرأ عليكي ... واعرفي ان مفيش حد بيوصل انه يكون فاهم كل حاجه، او يوصل لنقطة اللي هو اه انا كده عرفت نفسي اخيرا، الانسان متغير بطبيعته والنفس البشرية معقدة جدا، ودائمة التغيير. ودمتى بخير
تم النشر السبت، ٢٤ يونيو ٢٠٢٣
الإنسان بيمر بفترات كتير ف حياته اللي هو انت بتبقي اجتماعي وبتحب الناس وكل حاجة وفجأه يجي عليك فترة تبقى حاسس بلخبطة جواك او تمر بمشاكل وضغوطات كتير ف تحس انك عايز تفصل شويه وتنعزل عن العالم في الفترة دي انت حابب تفضل لوحدك وتبعد عن كل اللي حواليك لحد ما ترتب أفكارك وتخلو بنفسك وتصفي ذهنك وبعد كده ترجع تكمل دي مشاعر طبيعية بيمر بيها كل واحد فينا
تم النشر الجمعة، ٢٣ يونيو ٢٠٢٣
بص أقدر أنصحك بأنك تفكر فى الموضوع ده من أول طلوع الشمس لحد غروبها غير كده لا علشان التفكير عقلاني الأول بعدين هنحتاج نعرف إحنا عايزين إيه؟ جميل أولا هتبعد عن أى حاجه إسمها اختبارات الشخصيات أو الأنماط أو اى حاجه من الحاجات العبيطة دي اللي موجودة على جوجل حلو بعدين؟ هتشوف نفسك بره البيت مثلاً بتحب تعمل إيه يعني أنا على سبيل المثال بحب يكون مليش دعوه بحد و مش مهم عندي الناس بتتكلم فى أى ولا بتعمل أى أنت بقى بتحب تعمل إيه لما تخرج من بيتك عموماً يعني؟ بعد لما تحدد كده على طول هتعرف تحدد بقيت الحاجات التانية اللي هيا مثلاً تشوف نفسك بتفضل أى يعني بتفضل مين من الناس أى نوع (المحترم ولا النص النص ولا الملتزم دينياً ولا أى و غيرهم من الأنواع) مش شايف كل ده هياخد وقت أحب أقولك كل ده بظبط هياخد منك 7 دقائق تركيز بس بعد لما تحدد كل دول هتفهم نفسك اكتر و حاجه كمان تقدر تكتب أو تسجل يومك بنتظام و بعد فتره تسمع أو تقرأ اللي كتبتوا و ده هيساعدك بزيادة . وبس هذا ما عندي.
تم النشر الجمعة، ٢٣ يونيو ٢٠٢٣
ممكن تجيب كتاب عن تطوير الذات للدكتور شريف عرفه ،الكتاب اسمه انسان بعد التحديث ،هيساعدك جدا علي اكتشاف ذاتك
تم النشر الجمعة، ٢٣ يونيو ٢٠٢٣
في كتاب اسمه كيف تكسب الاصدقاء وتؤثر في الاخرين ،هيعلمك حجات كتير عن طبيعهوالعلاقات مع الناس
تم النشر الجمعة، ٢٣ يونيو ٢٠٢٣
معندكش حل امثل من قرائه كتاب عن العلاقات ،وعن نفسي اي حاجه بعوز اتعلمها بقرا عنها كتاب ، الكتاب خلاصه تجربه شخص طول حياته مكتوبه ،الكتب تستحق الاهتمام فعلا والقرايه والفلوس الي بتدفع فيها كمان 💓
تم النشر الجمعة، ٢٣ يونيو ٢٠٢٣
يا رب وإياك 🖤
تم النشر الجمعة، ٢٣ يونيو ٢٠٢٣
اتمنا لك حياه فيها راحه بال انشالله
تم النشر الجمعة، ٢٣ يونيو ٢٠٢٣
الله عليك♥
تم النشر الجمعة، ٢٣ يونيو ٢٠٢٣
اولا ده ليه علاقه بالسن يعني عندك كام سنه تاني حاجه لازم تكون عارف أن ده الطبيعي عشان ديما انت جواك شخصين عقلك و قلبك ديما عايز و مش عايز بتخاف و مش بتخاف بصلي و بتعمل حاجات غلط كل حاجه عشان بس انت متلغبط انت محتاج تقعد مع نفسك مش في الأوضاع لا في الشارع في جنينه حوليك ناس متعرفهمش و شوف الناس البيضحك و البيتخانق البيجري و القاعد العصبي و الهادي كل دول زيك جواهم نفس الاساله زيك بس كل واحد طلع الحاجه الجوه بالشكل الهو شيفو صح
تم النشر الجمعة، ٢٣ يونيو ٢٠٢٣
شكرا🖤
تم النشر السبت، ٢٤ يونيو ٢٠٢٣
دي فتره انتقال في شخصيتك اتقرق من ربنا في الفتره دي وخلاص وشويه وهتلاقي نفسك وفي الفترده دي جور من نفسك اوي ❤️
تم النشر السبت، ٢٤ يونيو ٢٠٢٣
لعرض السؤال في فدني اضغط هنا