انا ليه كل ما اهتم بنفسي كـبنت وصحتي وجسمي ونفسيتي ومودي وشكلي وكده احس بالذنب؟
بغض النظر عن سنك او ظروفك الاجتماعيه انت بنت او متزوجه او لا بغض النظر عن اي مسمى انت في الاخر انثى. البنت بتتولد انثى من اول يوم ربنا بيخلقها فيه اوعي تفقدي انوثتك في زحمه الحياه اوعي تفقدي احساسك بذاتك واعجابك بنفسك حاسه بالذنب ليه؟ بغض النظر عن الاسباب مش مهم هي الاسباب لكن ما تحسيش بالذنب خالص بالعكس انت دورك في الحياه انك زي ما بتهتمي بالاخرين ربنا بيخلق المرأه دائما معطاءه انها بتدي كبنت بتبقى في مع باباها ومامتها بتخدمهم وبتراعيهم وبتبقى بتعمل الطلبات اللي بيطلبوها منهم كاخت كزوجه كام فبتفضل تدي لكن الطبيعي ان انت زي ما بتدي للاخرين هتدي لنفسك اهتمامك بنفسك هو اللي هيخليك تعرفي تستمتعي بالحياه هتعرفي تشوفي الحياه صح حتى هتقوي ثقتك بنفسك حتقوي قدراتك الاهتمام بالنفس او اهتمامك بشكلك وبمظهرك ودلعك لنفسك ده مش عيب ولا خطيئه خالص واوعي اي حد يحسسك بحاجه زي كده اوعي تلومي نفسك بلاش جلد الذات انت ما بتعمليش حاجه غلط انت انثى.
تم النشر السبت، ٢٨ يونيو ٢٠٢٥
بتحس بذنب ليه طيب ولا انتى مش متعوده ولا بتحبى شكلك الطبيعى من غير اى حاجه احسن + انتى مراهقه لسه ولا كبيره.. يمكن فيه احساس جواك شايف انه دى حاجه جديده وانتى بتحبى اللى اتعودتى عليه اكتر اوصفى الاهتمام من اى ناحيه
تم النشر الجمعة، ٢٧ يونيو ٢٠٢٥
مرحبًا عزيزتي، أنا سعيدة بأنك شاركتيني هذا الشعور لأنه موضوع مهم جدًا ويخص الكثير من البنات كما أنتِ. شعورك بالذنب تجاه الاهتمام بنفسك أمر شائع، وغالبًا يأتي من أسباب نفسية واجتماعية مختلفة، منها: تربية المجتمع أو العائلة: أحيانًا البنات يتربين على فكرة إن الاهتمام بالنفس نوع من الترف أو الأنانية، خاصة إذا كان هناك توقعات بأن تكون مهامها كلها موجهة للآخرين مثل الأسرة أو الدراسة أو العمل. ضعف الثقة بالنفس: لما تكونين غير معتادة على إعطاء نفسك الأولوية، أو لما تحسي أن اهتماماتك أجمل أو أهم من الآخرين، بيجي الشعور بأنك ظللت أو ظلمت أحد. المقارنة الاجتماعية: لما تتابعي دايمًا حياة الآخرين أو توقعات المجتمع، ممكن تحسي إنك لازم تضحي وتهملي نفسك عشان تحققي رضا الناس. المعتقدات الدينية الايجابية: في الإسلام، الاهتمام بالنفس والمحافظة على الصحة من حقوق النفس، ولكن أحيانًا قد يُساء فهم هذا ويُظن أنه نوع من الغرور أو الكبر. ماذا يمكنك أن تفعلي لتتخلصي من هذا الشعور؟ تذكري أن الاهتمام بالنفس واجب وليس كمالة: جسدك ونفسيتك أمانة بين يديك، والعناية بهما تقويكي لتكوني أفضل في كل أدوارك. ضعي حدودًا واضحة: الاهتمام بالنفس لا يعني إهمال الآخرين، بل يعني تنظيم وقتك واهتماماتك بطريقة تحقق توازنًا صحيًا. حددي أولوياتك: اهتمي بما يجعلك سعيدة وصحية أولاً، واذكري لنفسك أن هذا الشيء ليس أنانية. احرصي على الدعاء: اسألي الله أن يوفقك لاستخدام وقتك بشكل متوازن ويزرع في قلبك الطمأنينة بأنك تقومين بحق نفسك حقها. وأخيرًا، إذا استمر هذا الشعور وأثر كثيرًا على حياتك، لا تترددي بالبحث عن دعم متخصص، يمكن أن يساعدك خبير نفسي أو مدرب حياة في التعامل مع هذه المشاعر وتنمية ثقتك بنفسك أكثر. يمكنكِ كذلك البحث عن خبراء في منصة فدني سيدعمونك بخبراتهم. أنا هنا دائمًا أسمعك وأدعمك، وإذا حبيتِ نتكلم أكثر عن هذا الموضوع، أنا جاهزة. كيف تشعرين الآن بعد مشاركتك؟
تم النشر الثلاثاء، ٢٤ يونيو ٢٠٢٥
عشان احنا للاسف ممكن نكون كبرنا على مبدا التضحيه وان لازم كل اللى حوليا يكونو كويسين ومش مهم انا ... هتلاقى بس انك متعودتيش على كده بس فوقتى وبقيتى بتعمل الصح ... حبى نفسك عشان هى تستاهل احسن حاجه فى الدنيا
تم النشر الخميس، ٢٦ يونيو ٢٠٢٥
عادي تهتمي بنفسك طالما مبتعصيش ربنا، طالما بتتبعي امر الله اقفلي باب الوسوسة عن طريق الاستعانة بالله والكتابة او تقليل التوتر لأن الشيطان بيدخل من الابواب اللي زي دي واللي مبيدركش دا الشيطان بيخلي معيشته ضنك وهو عايز كدا، ولو بحثتي وحسيتي ان فيه حاجه غلط غيري من نفسك بشكل متزن بدون جلد او غيره، لو ربنا شايف منك نية التغيير هيساعدك♥️.
تم النشر الجمعة، ٢٧ يونيو ٢٠٢٥
ولنفسك عليك حق
تم النشر الجمعة، ٢٧ يونيو ٢٠٢٥
ايه الافكار لي بتجيلك وانت بتهتمي بنفسك ؟
تم النشر الخميس، ٢٦ يونيو ٢٠٢٥
ممكن اهلك كانوا بيهمشوا فيكي حته الانوثه من وانتي صغيره او يقنوعوكي انك عندك مسؤوليات والحاجات دي مش ليكي
تم النشر الخميس، ٢٦ يونيو ٢٠٢٥
ممكن يكون يعني انك موش متقبله نفسك داخليا
تم النشر الأربعاء، ٢٥ يونيو ٢٠٢٥
هو اكيد مش بسبب انك بتتزيني و بتهتمي بنفسك وبس ديه طبيعه اي انثى عموما
تم النشر الأربعاء، ٢٥ يونيو ٢٠٢٥
انتى متزوجة ولا بنوته؟
تم النشر الثلاثاء، ٢٤ يونيو ٢٠٢٥
علشان بتصرفي كتير وكدا ولا فى سبب تانى
تم النشر الثلاثاء، ٢٤ يونيو ٢٠٢٥
لية بتحسي بذنب ؟؟
تم النشر الثلاثاء، ٢٤ يونيو ٢٠٢٥
لعرض السؤال في فدني اضغط هنا