السلام عليكم يجماعه
أنا بقيت بضحك بدل معيط مبقتش بعرف أعيط خالص لدرجه إن قلبي بيوجعني و مامتي اتوفت وحصل مشاكل كتير بس بقيت بكلم نفسي برتاح وانا لوحدي مش عاوزة حد معايا قبل ما أنام بخترع قصص خيالية على مستقبلي عشان اعرف انام مبسوطه ده معنا ايه؟
السلام عليكم ورحمه الله وبركاته. بنضحك بدل ما بنعيط وفي يعني وجع في قلبنا في هنا مشاعر حزن احنا كاتمنها عشان احنا حكمنا عليها انه خلاص كده يعني مش عايزين نظر مشاعر الحزن تاني ممكن يكون مش عايزين نظهرها عشان اللي حوالينا بيقولوا لنا كفايه كده او بيقولوا لنا ما ينفعش نفضل بنظهر حزننا بالشكل ده او ما ينفعش اصلا ان احنا نكون يعني عندنا حزن لحد دلوقتي والنصائح المستمره دي فالنصايح دي عملت ايه عملت كبت جوانا ممكن النصائح تكون من حواليه ممكن تكون من نفسنا يعني محاوله على ان احنا نوقف الالم فاكرين ان هو ده اللي هيوقف الالم لكن هو بيكون مجرد كبت طالما في جوايا الم في وجع في حزن في اي شكل من اشكال المشاعر انا محتاجه ان انا اطلعها بشكلها الصح. بلاش احكم عليها بانه لا انت ما ينفعش تكوني موجوده لانه مش ده اللي هيخلي المشاعر تنتهي من جوايا او الوجع ينتهي من جوايا اما اقول له خلاص انا مش عايزه اتوجع هو مش بيروح بالشكل ده. بتضحكي بدلها الضحك ده بيكون نوع من أنواع السخريه على الواقع بتاعنا انت عندك سخريه من الواقع بتاعك انت اصلا مش متقبلاه في عندك عدم تقبل الواقع الحالي ايا كان الواقع بتاعك بقى في ايه ممكن تكون مساله وفاه والدتك الله يرحمها ممكن يكون الامور ثانيه انت مش متقبله حدوثها فلذلك بدل ما تقفي قدامها وتقولي انا زعلانه انه ده حصل فبتضحكي بدل ما تعملي كده ثاني عشان خاطر انت مش عايزه تكوني حزينه في الوقت ده بتحاولي توقفي حاله الحزن او حاله الزعل. ده ممكن يكون بياكدوا اختراعك للقصص الخياليه عشان انت نفسك المستقبل يكون احسن نفسك تقومي الصبح يحصل حاجات حلوه عايزه تكوني مبسوطه بس انت مش عارفه تكوني مبسوطه ازاي فبتحطيه في الخيال وده بيكون اسهل حاجه.
تم النشر الاثنين، ٢٦ مايو ٢٠٢٥
اولا البقاء لله ف مامتك .. ربنا يرحمها ويغفر لها ويجعل مثواها والجنة ويصبركم اللهم آمين.. ثانيا .. من وجهة نظري دا هروب من الواقع .. واضح إنك لسه ف حالة صدمة .. ودا مأثر ع مشاعرك وردود أفعالك .. ولكن طالما بتخلقي لنفسك حياة وبتحسي بمشاعر حلوة ف دا معناه إن لسه مفقدتيش الإحساس والشعور اللطيف .. وطالما في احساس بالسعادة حتى لو كانت مزيفة ف احنا ف مرحلة كويسة متقلقيش .. بس دا مش معناه أنها حاجة كويسة انك تعيشي ف حياة ف خيالك انتي بس لان دا ليه اضرار كتير بعدين .. احنا بس بنبص لإيجابيات الموضوع علشان نقدر نحدد أحنا ف أي مرحلة بالظبط .. دلوقتي احساسك بالصدمة دا طبيعي ياخد وقت علبال ما ترجعي طبيعية تاني .. اللي مريتي بيه مش بسيط ومحدش يقدر ينكر دا .. بس ف المرحلة دي هنحاول نقرب من ربنا اوي .. نقرأ قرآن كتير .. حتى لو مش هتحسي بمعناه .. ف الفترة الأولي من العلاج بيبقى القرآن صعب وتقيل اوي ع القلب .. بس معلش اصبري و عيشي فيه .. مش لازم تقرأي .. ممكن تحطي هاند فري وقت النوم .. واسرحي مع الآيات .. عيشي جواها وكأنها قصة .. ابدأي بسورة يوسف .. مع الوقت القرآن هيحيي قلبك من جديد والله .. واول ما تحسي بمعنى القرآن هتلاقي الخشوع مالي قلبك و دموع عينك هتنزل لوحدها وكأن الحياة رجعت ليكي من جديد .. و ادعي لمامتك كتير .. حتى لو انتي ف حالة نكران أنها اتوفت .. ادعي مرة ورا مرة هتلاقي قلبك فاق ورجع للحياة .. مرحلة الغياب عن الواقع دي مش حلوة خالص .. حتى لو كان الواقع قاسي والظروف مش احسن حاجة .. بس لازم نبقى مدركين الحياة اللي عايشينها .. واعتقد الأمر لو بسيط بالنسبالك مكنتيش جيتي وكتبتي البوست .. بالنسبة للمشاكل اللي عندك ف البيت .. احنا منعرفش طبيعتها ايه لانك مذكرتيهاش .. ولكن انا متأكدة انك لو ظبطي حياتك ولجأتي لربنا هيقدرك ع انك تحليها .. وهيبقى عندك الإدراك على مواجهتها وحلها بإذن الله .. وربنا يفرح كربك ويصبرك وينور قلبك وحياتك ويرشدك لما فيه الخير ويرحم مامتك ويجعل مثواها الجنة يارب ويرحم امواتنا واموات المسلمين اجمعين ..
تم النشر السبت، ٢٤ مايو ٢٠٢٥
وعليكم السلام ورحمة الله وبركاته، اسأل الله ان يرحم امك ويغفر لها ويسكنها فسيح جناته، الوضع الصعب الي انت فيه خلاكي تهربي لمكان اجمل الي فيو الخيال هو الاساس... كل اشي بتحبيه بتتخيليه وبتعيشي بالحياة هاي.. هاد الاشي ممكن بعدين يأثر سلبي لانه بفصلك عن الواقع، بس كبداية هي وسيلة دفاع من عقلك عشان ما تضلي بالحزن الي انت فيه... خدي مني هاي النصيحة: بدل ما تتخيلي الأماكن الي حابة تروحيها ادعي ربنا تروحيها، وبدل ما تقعدي تتخيلي قصص على مستقبلك، ادعي ربنا يناولك الاشياء الي بدك ياها... وهيك بتكسبي أجر؛ وكمان ربنا بستجيب دعائك بإذنه تعالى❤
تم النشر الجمعة، ٢٣ مايو ٢٠٢٥
وعليكم السلام ورحمة الله، عزيزتي، أشعر بعمق الحزن والألم اللي بتمرّي بيه، خصوصًا بعد فقدان والدتك والمشاكل اللي واجهتيها. طبيعي جدا إن المشاعر تختلط ويتغير شكل التعبير عنها مع الوقت، يعني إنك بدل ما تبكي زي أول ممكن تلاقي نفسك بتضحكي أو حتى بتسكتي وبتكتمي كل المشاعر اللي جواكي. هذا ليس ضعف، بل طريقة من طرق النفس في التعامل مع الألم وحماية قلبك من مزيد من الألم. بالنسبة لأفكارك قبل النوم والقصص الخيالية اللي بتختراعيها عن مستقبلك، فهذا شيء جميل لأنه بيمنحك بعض الراحة والهروب المؤقت من واقع مؤلم. العقل أحيانًا بيحاول يخلق أمانًا نفسيًا حتى لو كان في صورة قصص وخيال، وهذه طريقة لحماية الذات من الحزن. لكن من المهم إنك تسمحي لنفسك تشعري وتعبرى عن مشاعرك بطريقة صحية ومتوازنة، مش بس تكمميها جواكي. ولو حسيتِ إن الألم كبير وأنه مأثر على حياتك اليومية والنوم، ممكن تفكري تتواصلي مع بعض المختصين في مجال الدعم النفسي، هم قادرين يساعدوك بأنسب الطرق. أخيرًا، أود أشجعك على: تسمحي لنفسك بالشعور بالحزن متى ما شعرتِ به، فلا يوجد عيب في البكاء أو التعبير عن الوجع. حاولي تكتبي مشاعرك وأفكارك أو حتى قصصك الخيالية، فهذا قد يساعدك تفهمي نفسك أكثر وتفرغي طاقتك السلبية. حافظي على روتين يومي بسيط يضيف لك بعض الاستقرار والهدوء. أنا هنا دائمًا للاستماع والدعم، وإذا حابة، ممكن أساعدك في إيجاد خبراء نفسيين على منصة فدني لمساعدتك بشكل أعمق. لا تترددي تسألي أي شيء، لأن الحديث عن مشاعرك وطرح الأسئلة جزء مهم جدًا من الشفاء. دمتِ بخير يا غالية. 💙
تم النشر الجمعة، ٢٣ مايو ٢٠٢٥
والعزلة في حد ذاتها قد تؤدي لمشاكل نفسية خطيرة لن يتم التعافي منها سريعا
تم النشر السبت، ٧ يونيو ٢٠٢٥
الضحك طبعا حاجة كويسة ربنا يديم الضحك والسرور في حياتنا جميعا بس الضحك المبالغ فيه بشكل مستمر بيسبب مشكلة كبيرة وهي غلظة القلب ممكن نضحك علي موقف بدون الشعور أن الموقف اللي ضحكتي ده كان تأذي وضرر وقع علي حد وانا ضحكت بدل ما امد ايدي بالمساعدة والمواساة
تم النشر السبت، ٧ يونيو ٢٠٢٥
لعرض السؤال في فدني اضغط هنا