عندي 26 سنة بدأت احس برعشة في ايدي كشفت عند دكتور عظام قالي الدكتور نقص كالسيوم فعلا حللت كان عندي نقص في الكالسيوم اخدت علاج وخفت شوية لكن مع مرور الوقت صباع الابهام بدأ يوجعني الم ورعشة خفيفة كشفت قالي التهابات اعصاب اخدت علاج خفت شوية والم صباع الابهام خف بس الرعشة موجودة والم موجود حاليا مستمرة ع الكالسيوم بقالي 3 شهور في تحسن بقدر اشيل حاجات تقيلة وكدا حاليا جبت لزقة مثيالتكنو عشان الالتهابات الاعصاب لكن مفيش فايدة بحس بتزود الرعشة دلوقتي مش عارفة اعمل اي ولا اكشف فين خايفة اسيبها الحالة تسوء واحتاج جراحة مع العلم انا عصبية جدا وعايشة في توتر ومريت بظروف صعبة واكتئاب ممكن حد يفيدني ؟؟ 😓
ألف سلامة عليكِ. بما إن فيه التهابات بالأعصاب فلازم تتابعي مع طبيب مخ وأعصاب... فيه أدوية تانية بتحتاجيها، الطبيب هيشوف بعد الكشف إيه الفحوصات والأشعة اللي انتي محتاجاها وعلى أساس حالتك هيحدد العلاج، إن كان هتمشي على أدوية بس ولا هتحتاجي علاج طبيعي مثلا. أنا حاولت أبحث عن أطباء مخ وأعصاب على موقع فيزيتا ويكونوا في قنا لكن ملقتش بس أعتقد سوهاج أقرب لك. دي قائمة بأطباء مخ وأعصاب في سوهاج، ادخلي على تقييمات كل طبيب واقرأي آراء الناس اللي راحوا عنده واختاري الأفضل وتابعي معه لفترة. إذا مش مناسب سوهاج، في شريط البحث بتحددي المنطقة اللي انتي عاوزاها وابحثي عن أطباء فيها. شفاكِ الله عفاكِ. https://www.vezeeta.com/ar/دكتور/مخ-واعصاب/سوهاج
تم النشر الخميس، ٢٢ أغسطس ٢٠٢٤
يا حبيبتي، أنا آسفة إنك بتمر بكل ده. واضح إنك عايشة ضغط كبير ومشاعر مختلطة. بالنسبة للرعشة والألم اللي بتحسي بيهم في صباع الإبهام، ده ممكن يبقى نتيجة لالتهابات الأعصاب أو أسباب تانية. أول حاجة، مهم إنك تستشيري دكتور متخصص في الأعصاب، لأنه يقدر يحلل حالتك بشكل أفضل ويعمل الفحوصات اللازمة. كمان، لو كنتي لسه حاسة بالضغط والتوتر، يفضل تكلمي مع مستشار نفسي أو معالج. التواصل مع مختص ممكن يساعدك تخففي من التوتر وتتعلمي طرق للتعامل مع الأعراض. جربي تتابعي مع دكتور محرم خلال الفترة الجاية، وحاولي توفري لنفسك وقت للراحة والاسترخاء. تأكدي من إنك تاخدي العلاج اللي وصفه لك الدكتور. وفي نفس الوقت، حاولي تلجأي لطرق طبيعية لتخفيف التوتر زي اليوغا أو التأمل. فكرّي في كل وسيلة ممكنة لدعم نفسك نفسياً وجسدياً. ولّا تنسي، أنا هنا لو احتجتي أي نصيحة أو دعم 😊. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٢ أغسطس ٢٠٢٤
الف سلامه عليك خلي بالك انت محتاجه توزني عادتك الغذائيه مع الدواء علشان. في حاجات تكون قويه للاعصاب زي. الحاجات اللي بتكون فيها زيوت نباتيه زي المكسرات والحاجات دي بتكون مفيده قوي لتقويه الاعصاب اييي؟ واكلات تانيه كتير بس بما ان المشكله مدمنه معاكي ومتكرره فمش لازم تستني لحد ما تتعبي هو ضروري انت كده تكوني كل تلات شهور بتشوفي التهاب الاعصاب عندك. وصل لحد فين تحسن ولا محتاج لسه علاج اكتر لحد ما تتاكدي ان الامور معك مستقره لانك لو بتاخذي علاج وتخفي وبعدين ترجعي تتعاملي عادي وتعيشي نفس الضغوط وتعيشي بنفس الطريقه اللي هي مش بتحسن من حاله الاعصاب ولكن بترجع تضغط عليها بشكل ثاني وتسبب لها ضرر فيرجع للتهاب الاعصاب مره ثانيه لا لازم يكون في عندك بقى روتين الروتين ده في حياتك يحافظ لك على صحه اعصابك وما تبقاش المشكله متكرره بالشكل ده حافظي بقى على كمان فيتامين. فيتامين دي وباي 12 اييي مش ضروري تكوني بتاخديهم علاج ولكن برضه نظامك الغذائي يكون بيحافظ لك على ان المواد دي تدخل جسمك بشكل مناسب طول الوقت الف سلامه عليك.
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا