السلام عليكم
ما شاء الله ملاحظه في ناس هنا كتير واعيه واظن بيشتغلو على نفسهم كتير ف هل ممكن حد يرشح كتب او سلسلة فيديوهات يوتيوب تكون فعلا فادته وأثرت معاه بشكل شخصي خصوصا في حاجات كده بحسها بتنور اجزاء جديده جوا دماغنا ف اتمنى اي حد عنده تجربه يشاركنا
د/ محمد طه ايهاب معوض نظرية الفستق علي يوتيوب في قنوات "عمرو عابدين " منهم اسئلة نص الليل ، مفيدة جدا بتخليك تفهم و يكون عندك اجابات لكتير من اسئلة بنفكرها بديهية ، و طريقة الحديث هادية و فيديو قصير فيه قناة دحيح بس معلوماتها دسمة شويه و عندك دكتور/ياسر الحزيمي
تم النشر الأربعاء، ٢٥ مارس ٢٠٢٦
كتاب العادات السبع للناس الأكثر فعاليه تحفه حدا لونه احمر كدا ونصيحه أجمل من دا كله في كتب لابن خلدون اي كتاب خاص بيه كويس جدا نمط قديم اه بس تحفه وأنيس منصور كان عندنا في البيت كتاب قديم اسمه حول العالم في 200يوم جميل اوي بيتكلم عن الرحلات وفي بعض الثقافه ممكن تعتبريه ترفيه بودكاست مش عارفه فيه كتير بس ممكن في قناه عالفيس بوك كنت متابعاها اسمها وعي وأفضل لك تشتري الكتب او تروحي تستعيريهم من مكتبه هتبقي فكره تحفه اوي لو عاوزه أماكن بيع كتب ممكن تقوليلي
تم النشر الأربعاء، ٢٥ مارس ٢٠٢٦
في الغالب الحياة اكبر كتاب تتعلمي منه والمواقف اللي بتمري بيها هي الدروس اللي بتتعلميها وتاخدي منها الخبرة وعلي اليوتيوب عزة الغامدي جميلة جدا وياسر الحزيمي هو كمان
تم النشر الأربعاء، ٢٥ مارس ٢٠٢٦
ده من اجمل و انجح البودكاست عن العلاقات https://youtu.be/pJ0auP7dbcY?si=Xk0YliDiyCl5ESG7 الكتب كتيرة ، من ضمنها العادات الذرية، استراحة نفسية ،المخ الأبله ، كن قط ،الاب الغني و الاب الفقير ، حرب الفن ، دول اللي في بالي دلوقتي ، لكن القائمة كتيرة ، بس للأسف انا كنت بتعامل مع المراجع و الكتب بشكل غلط ، اقرأ و اتبسط و افرح بمعلومتين تلاته و اخلص الكناب و يتركن على الرف ، لكن دي مش طريقة عملية تفيد القارئ، هي اه ممكن تزود معلومات ، لكن مش هتساعد في تطبيقها من مجرد قراءة مرة واحدة ، و بالتالي فمؤخرا بقيت بعيش الكتاب ، اعيش جو الكاتب و افكاره و اشوف الحياة من وجهة نظرة و بناء على كلامه و تجربته و أحدد ايه من ده يناسبني و ايه لأ ، ده بيخلي التطبيق أسهل و ممكن، فمش الهدف أنا هقرا كام كتاب في السنة ، الهدف أنا هعيش السنة مع كام كتاب ، و بالتوفيق 😊
تم النشر الأربعاء، ٢٥ مارس ٢٠٢٦
وعليكم السلام ورحمة اللة وبركاتة سؤال جميل جدا قاعد بقرأ التعليقات أنا كمان علشان أستفاد من الناس اللى هنا 🥺😅 لكن بالنسبة ليا أنا .. بالنسبة لسلاسل اليوتيوب سمعت سلسلة علم النفس ل م أيمن عبدالرحيم كانت جميلة جدا فوق الوصف هتعيش مع السلسلة دية حالة خاصة وهتزعلى إنك خلصتيها أصلا هى بتتكلم عن علم النفس بس لغير المتخصصين زينا كدا بس كمية معلومات وثقافة وضحك من البشمهندس هتفرق فى شخصك وحياتك وفكرك فعلا وسلسلة تأسيس وعى المسلم المعاصر برضة ل م أيمن عبد الرحيم سلسلة أسماء اللة الحسنى ل د حازم شومان سلسلة تاريخ أمتنا ل ش سمير مصطفى سلسلة الخلفاء الراشدين م أيمن عبد الرحيم وفية قصيدة جميلة جدا اسمها الأرجوزة المحبرة ب صوت أسامة الواعظ بتتكلم عن تاريخ الأرض من يوم خلق آدم هتحسى نفسك مثقفة أووى بعد ما تسمعيها وتفهميها 😅 تانى حاجة بقى الكتب اقرأوا كتب يا جماعة أو روايات حتى هتفرق معاكوا واللة ولو لسة هتبدأى قرأه وعايزة تحبى الجو العام بتاعها ممكن تبدأى ب قرأة كل كتب 😅 د حنان لاشين روعة روعة فوق الوصف أنا كنت قرأتلها سلسلة مملكة البلاغى حاجة جميلة جدا جدا 🤍 آسف طولت عليكم 🥺
تم النشر الأربعاء، ٢٥ مارس ٢٠٢٦
حضرتك شوفي سلسلة السيره النبويه ل احمد عامر وبودكاست ايه المشكله وفيه بودكاست فاهم حلو فيه حاجات كتير وبيجيب ناس كويسه ومتخصصة في كذه حاجه والشيخ امجد سمير وبرضه بودكاست وعي وبودكاست فنجان ياسر الحزيمي شايفه قريب وجميل جدا والشيخ الدكتور احمد العربي الراجل ده تحسه بيلمس حاجه كده في الشخص والبشمهندس محمد عيد هو يوتيوبر بس محتواه ثقافي وجميل جدا وبيسافر دول العالم والأماكن اللي فيها المسلمين وبيبحث عن الأماكن والبلاد المسلمه اللي مش اي حد عارفها وبرضه التاريخ الاسلامي وكان عامل سلسلة خاصه بالاندلس وهي أقرب سلسه لقلبي جدا وهتعرفي حاجات عن اسبانيا وتاريخنا الاسلامي فيها لما فتحناها وطبعا احمد ابو زيد دورس اونلاين
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته. سؤالك تحفة يا مريوم والله ، جزاكِ الله خيرََا انا استفدت من السؤال ومن الاجابات كلها بجد🩷 سلسلة السيرة النبوية لـ أحمد عامر جميلة جدََا وخفيفة ولذيذة وهتستفادي منها كتير . بودكاست جلاس روم جميل انا لسه مكتشفة وجودهم من 5 شهور تقريبًا ، حلوين وفي معلومات جميلة اوي واكتر فديو عجبني كان وحاسة أنه هيلمس معاكِ ويأثر بجد هو فديو العطاء يحميك من التعب النفسي ، هو لـ حسام هيكل بصراحة جميل اوي. اسمعي فيديوهات كتير لـ سارة أبو الخير و حبيبة الهادي، هيحببوكي فـ كونك بنوتة وهتحسي انهم اصحابك وبينصحوكي من قلبهم وقناة دوباميكافين طبعََا جميلة اوي ومفيدة ، يعني خليها بداية ليكِ ف انك تحبي الكتب وتبدأي قراءة. وتابعي اشخاص ناجحين ومفيدين يعني زي عبدالله العلاوي، وبحب شخصية هنا أبو زيد جدََا بتحببني ف الحياة وبتديني طاقة ايجابية جميلة بصراحة ، و عبدالله سعده برضو فيديوهاتهُ جميلة ومريحة ، و شيماء عبدالمنعم جميلة اوي ، وأكيد أكيد أحمد أبو زيد شخص عندهُ وعي ومهم انك تتابعيه بصراحة. في كتب كتير جميلة بس ابدأي مثلا ب كتاب متعة ان تكون في العشرين ، من سرق قطعة الجبن الخاصة بي ، كن الشخص الذي يجعلك سعيدََا ، العادات الذرية ، دول حلوين اوي وصغيرين وهيشجعوكي انك تحبي القراءة و بالتوفيق يارب ♥️
تم النشر الأربعاء، ٢٥ مارس ٢٠٢٦
وعليكم السلام ورحمه الله وبركاته انتي حابه عن حاجه معينه ولا عامه
تم النشر الأربعاء، ٢٥ مارس ٢٠٢٦
وفي.. ارشف فقه النفس عبد الرحمن ذاكر الهاشمي على اليوتيوب
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا