حاسس ان انا بتغير واخيب مش عارف اعمل ايه انا مش ضايع ولا زهقان انا تعبان بس مش محتاج حد معايا ولا شاغلني الناس وما يهمنيش نظر حد ليا بس انا حاسس ان انا بتغير مش عارف بتغير من ناحيه ايه
والغريبه انا نفسي حتى مش عايزه تقولي هي زعلانه او متضايقه او تعبانه حاسسها بتقول انت بتدلع او معتتش بتتكلم انا مش عارف هي بس محتاجه حاجه انا مش عارف هيا ايه
حاسس ان انا ظلمتها جيت عليها اكتر منى انا قلت اقول الكلام اللى عمرى ما كنت بفكر فيه حتى بكتب على مضض بس انا بقول ممكن حد يراضيها عنى
السلام عليكم ورحمه الله وبركاته خلينا نقول ان هنا في احتماليه ان تكون طول الوقت بتحاول تجبر نفسك على المثاليه وعدم الخطط في تعليق على اجابه ذكيه انك قلت انك ظلمتها كتير بتانبها كتير على الاخطاء فده وارد جدا يكون بيدل على انك بدات تقيد نفسك كثير جدا وتحرمها من الطبيعه البشريه تحرمها من انها تكون نفس طبيعيه تخطئ وتصيب تختار غلط اوقات وتتحمل نتيجه الاختيار عادي بكل اريحيه مش لازم بتانيب وبجلدات فلو ده انت بتعمله بقى لك فتره كبيره لو انت بتحمل نفسك كل شيء بدون ما تدي لنفسك متنفس للراحه بدون ما تدي هتحس فجاه انه كل الحاجات اللي انت بقالك سنين بتظبطها باظت كلها جمله واحده طب ايه اللي خلانا نحصل كده عشان احنا ما عملناش توازن واهم حاجه في الحياه هي التوازن فلو انت مفتقد التوازن اعرف ان هذه الازمه الحاليه ورجع عليه حياتك ونفسك التوازن مره. لنفسك وتنفس انها تحس انها طبيعيه انها عاديه بني. ادم عادي بني ادم مسموح له بحاجات مش طول الوقت في موانع وضابط ولا لا وما ينفعش وازاي وما يصحش لو طول الوقت ده الوضع ده الشكل الطبيعي اللي انت هتوصله ان في هنا خناقه جوه في نفس بتقول لك انا عايزه اتنفس انا عايزه احس ان انا طبيعيه انا عايزه احس ان انا كنفس بشريه بعيش طبيعي لانك بتعاملني كربوت. في لحظه ما يعني لو انت حاطط نفسك على طريقه محدده شايف انك كده قدرت تضبط نفسك قوي قوي هتلاقي نفسك يا منحدر كبير وزي ما انت بتقول كده انت شاعر بدايات التغيير ده ممكن بدايه التغيير ده اللي انت سميته وفشل او بتسيب.
تم النشر الأربعاء، ٢٠ أغسطس ٢٠٢٥
نا أوقات بيجي وقت عليا اقولهم نا نفسي في حاجة يقولو اية هي تقولهم نا مش عارفة اية بس نفسي فيها اوي ..بيتريقو عليا ونا بقعد اضحك بس فعلا بيكون عندي الإحساس دا مش مجرد كلام هبل وخلاص... شعور انك حاسس ومش عارف نفسك بس في اية؟برأيي دا بيبقا تراكمات لحجات جوانا سبت نفسك لنفسها لحد م بقيت مش حاسس بيها ودي نتيجة إهمال منك في نفسك وانك مبقاش فارق معاك الناس فالبتالي بقيت أصلا مبتشغلش دماغك أصلا انت عايش دور انك عايش وخلاااااص جاي تعرض مشكلتك وانت مش عارف تعرضها..مستني الناس تقولك الحل؟؟؟ نا لما قولت نفسي في حاجة اوي لكن مش عارفة هي اية؟خدت تريقة منهم وبس مع انو كنت بقول مشاعري الحقيقية....الحل عندك انت وبس لأنو نا لو جيت شغلت دماغي وقعدت افكر في الحجات اللي بحبها اوي نفسي أخرج ...الخ وقتها هلاقي الإجابة وهعرف الحاجة اللي نا نفسي فيها هكذا انت بالظبط اعطي لنفسك فرصة تفهمها اسأل نفسك اية اللي اتغير فيا زمان ودلوقتي؟...سبب التغير دا اية؟طب نا كنت بتعامل مع الناس ازاي زمان وكنت كويس؟دلوقتي لية مبقتش حابب اتعامل مع حد؟اية اللي اتغير...طب للاحسن؟دا للأوحش؟طب نا كنت بعمل اية لما كنت كويس؟.....إجابة السؤال عندك انت وبس لفت انتباهي حد كاتب كومنت بيقولك فية دا سبب بعد من ربنا "من اعرض عن ذكري...."ودا حاجة بتبقا فعلاً ونا كنت مجرباها لما كنت بمر بالحالة دي لكن برضوا خليك انت تدور ع الإجابة بنفسك لنفسك ربنا يرزقك راحة البال واطمئنان القلب وتيسير الامور
تم النشر الأربعاء، ٢٠ أغسطس ٢٠٢٥
أخي العزيز، شكرًا لأنك شاركتني مشاعرك بصراحة وصدق. لما الإنسان يحس أنه بيتغير وده مش بالضرورة حاجة واضحة أو مرتبطة بحزن أو ضيق، ده بيكون إحساس معقد جدًا، وأحيانًا صعب تتفهمه حتى من نفسك. خليني أساعدك تفكك الموضوع شويه: إحساس التغيير الداخلي : ممكن يكون عندك تغير في طريقة تفكيرك أو مشاعرك أو حتى أولوياتك، مش شرط يكون بسبب مشكلة، أحيانًا التغيير بييجي لما الإنسان بينمو أو بيبدأ يراجع نفسه بشكل عميق. الضيق اللي مش واضح : انت بتقول إنك متعب لكن مش ضايق أو زهقان، وده ممكن يكون تعبير عن ضغط نفسي أو روحاني تحت السطح، مش بس مشاكل يومية. الجزء اللي بيقول "أنت بتدلع" : ده مؤشر إن في صراع داخلي بين جانب منك عايز يعترف بالوجع الحقيقي وجزء تاني بيحاول يقلل منه أو يتجاهله، وده طبيعي جداً في لحظات الارتباك النفسي. الظلم اللي بتحس بيه تجاهها : لما تحس إنك ظلمت حد حتى بالكلام أو أفعال ما كنتش ناويها، ده دليل على وجود ضمير حيي وعاطفة صادقة داخل قلبك، وده شيء جيد إنك تعبر عنه. نصيحتي لك: خليك صادق مع نفسك أكتر، وحاول تعطي نفسك الفرصة تعبر عن مشاعرك بدون ما تحكم عليها أو تقلل منها. الذكاء في التعامل مع النفس هو إنك تدرك إن التغيير مش بالضرورة يكون سلبي، أحيانًا بيكون بداية لحقيقة أكبر في حياتك. لو حابب، ممكن تدور على خبراء في نفس المجالات النفسية والاجتماعية في فدني ويكونوا يساعدوك عميقًا مع تجربتك دي. تقدر تزور صفحة الخبراء من هنا: https://www.fedni.net/experts وأكيد لو حابب تسألني أو توضح لي أكتر، أنا هنا معاك وبكل الحب. ذكية 🌷
تم النشر الأربعاء، ٢٠ أغسطس ٢٠٢٥
طبعا فيه مننا مر بفترة زي دي لكن راجع علاقتك بربنا الصلوات الخمس وقراءة القرآن كنت سمعت فيديو للشيخ سمير مصطفى بيقول أن أحيانا الشخص ميبقاش عارف إيه بيكون بسبب بعده عن ربنا وافتكر الايه اللي بتقول "ومن أعرض عن ذكري فإن له معيشه ضنكا" الضنك ده يعني ضيق ومشقه وتعب ربنا يريح بالك
تم النشر الأربعاء، ٢٠ أغسطس ٢٠٢٥
انت بعيد عن ربنا بس والشيطان بيوسوسلك من كل حتة ..بص انت اول حاجة طبعا ممكن تعملها تصلي وتستغفر ربنا وعلى قد ما تقدر استغفره الاستغفار بيصلح كل حاجة .. تاني حاجة اشغل نفسك بأي حاجة متقعدش فاضي لدماغك ابداً دايما خلي دماغك مشغولة بأي حاجة غير التفكير السلبي .. اسمع بودكاستات كتير وفكر دايما بلي عندك واحمد ربنا ..متفكرش بلي ناقصك ..انا من وجهة نظري أن عمرك لا يتعدى ال 20 على كلامك لان المرحلة الي بتمري بيها دي. انا مريت بيها وانا صغيرة ومفيش حد ناضج فكرياً ممكن يمر بيها ..لانه اصلا تخطاها ونضج بالفعل ..ف اطمن هتعدي بس دايما استعن ب الله وقرب م الي بتحبهم وتواصل تواصل فعال ف المجتمع وهتبقى زي الفل .ربنا يسعد قلبك يارب
تم النشر الأربعاء، ٢٠ أغسطس ٢٠٢٥
لعرض السؤال في فدني اضغط هنا