السلام عليكم ورحمة الله وبركاته
انا عندي 18 سنة من تلت سنين بدأت احاول اقرب من ربنا و كنت بعيدة جدا عنه لدرجة اني كنت بتجاهل القرآن و بصلي كل سنة مره او مرتين بس حصل موقف خلاني افوق من غفلتي
قربت من الله بخطوات بطيئة جدا بدأت من اول لبسي و سترت نفسي ولبست لبس شرعي و جوانتي بس لسه ملبستش النقاب و بعدين بدأت أحسن من الفاظي و شوية شوية لحد من قرب السنة التالتة و بدأت احاول ابطل اسمع اغاني و انتظم ف الصلاة للمره المليون و بقيت اسمع اناشيد و قران بدل الاغاني و كل ده فضل و رحمة من الله جل جلاله
مشكلتي الحالية اني ادركت اني معرفش اي حاجة عن ربنا "حرفيا".... نادرا ما اهلي بيتكلمو ف الدين و لا ضربوني على الصلاة و يدوبك كانو بيقرأوا القرآن بينهم و بين نفسهم و يمكن امي كانت بتقرأ بشكل علني اكتر...
وقفت حفظ القرآن من ونا 6 سنين و نسيته كله حتى قصار السور... و ادركت اني مش حافظة اي احاديث للرسول صلى الله عليه وسلم ولا حتى اعرف اسم ابوه
ادركت اني معرفش احكام الاسلام و اركان الصلاة و واجبتها و مكنتش اعرف افرق بين المستحبات من الفروض بل و كنت اظنهم شئ واحد
لدرجة ان في مستحبات كنت فاكراها فرض و بعض الواجبات بردوا افتكرتها فرض زي مثلا التشهد الاوسط... بشوف اهلي بيدخلوه دايما و مكلمونيش عنه ولا مره ف افتكرته واجب و يا كتر الصلوات اللي عيدتها بسبب اني بنسى التشهد الاوسط و مكنتش اعرف يعني اي سجدة سهو
انا حاليا بتابه فقه الصلاة و الاربعين النووي مع الدكتور علاء حامد على اليوتيوب و بتصدم اكتر و اكتر اني كنت جاهلة بحاجات مينفعش اجلها ابدا
حاليا حاسة بشعور فظيع اني هدخل النار بسبب جهلي ده و حاسة اني مش عارفة اطبق كل اللي اكتشفه ف الدين رغم اني المفروض اكون متعودة عليه و حاسة اني تايهه و مش عارفة اعرف اكتر عن ديني ازاي ف ياريت حد ينصحني عشان حرفيا انا جاهلة بحاجات كتير عن الدين و مش لاقية مصادر سهلة بالنسبة لواحدة عاملة كأنها لسه داخلة الدين جديد
السلام عليكم، أولًا ربنا يباركك ويثبتك على طريقه وهدايته. بلاش يكون ده مدخل الشيطان لك، لأن مداخل الشيطان كتيرة ومنها شعورك الحالي باليأس والندم. المفروض منك العكس، إنك تحمدي ربنا إنك فقتِ من الغفلة وتفتكري إن كتير بيفضلوا في الغفلة ومش بيفوقوا منها طول عمرهم فأنتِ في نعمة من ربنا. مش مطلوب منك خالص جلد الذات. "عرفت فالزم" دلوقتي ربنا هداكِ للطريق وكلنا في درجات متفاوتة من الجهل وكلنا بنقوم وبنقع في طريقنا. فأنتِ خليكِ ماشية في الطريق وجاهدي خطوة بخطوة. اكتشفتِ جهلك بكتير من أمور أساسية في الدين، إيه المشكلة؟ هل فات الوقت تتعلمي؟ أبدًا. ابدئي خطوة بخطوة لكن المهم تعرفي إن الدين على مراتب فمتمسكيش في الفروع حاليًا وتقصري في الأصول الكبيرة. ابدئي بتعلم الدين من خلال (ما لا يسع المسلم جهله) وده هيعلمك القواعد الأساسية اللي مينفعش تجهليها من الإسلام واللي هتبني عليها بعد كده كل علمك اللي هتكتسبيه خلال رحلتك. ** بلاش تضغطي نفسك بإنك تعرفي كل شيء لأن ده مستحيل... حتى علماء الإسلام لم يحيطوا بكل شيء في الدين وهتلاقي منهم متبحر مثلا في علم الحديث وغيره متبحر في علم الفقه ومع ذلك ما زالوا بيتعلموا كل يوم. وافتكري دايما، "إن هذا الدين متين فأوغلوا فيه برفق" وقول رسول الله صلى الله عليه وسلم: " إنَّ هذا الدينَ يسرٌ، ولن يشادَّ الدينَ أحدٌ إلا غلبهُ، فسدِّدوا وقارِبوا وأبشِروا ويسِّروا واستعينُوا بالغَدوةِ والروحةِ وشيءٍ من الدُّلجةِ" https://dorar.net/hadith/sharh/1478 ممكن تشتركي في دورات علم شرعي زي (البناء المنهجي) أو (أكاديمية زاد) لو هرشح لك سلسلة جميلة تسمعيها حاليًا هتصحح بعض المفاهيم عندك وتضعي منها اساسات لرحلة تعلمك للدين فاسمعي سلسلة (المنهاج من ميراث النبوة) للشيخ أحمد السيد. أرجو إنها تفيدك. https://www.youtube.com/playlist?list=PLZmiPrHYOIsTv39es8eiUro0NemCzT7GO وأخيرًا، لا تنسي تجديد نيتك والاستعانة بالله ودعاءه دائما أن يهديك للحق ويثبتك عليه. بالتوفيق.
تم النشر الخميس، ١٤ أغسطس ٢٠٢٥
انا عمري ١٥ و الصراحة انا زيك جاهلة تقريبا في موضوع الشعور بالتقصير لكن لا ننسى ان الله يتوب لنا يعني لو عملتي ذنب ١٠٠٠٠٠ مرة بيتغفر و لو و قفت الصلاة و لسا فيتاك صلوات كتير ممكن تبدي من جديد بالتوبة
تم النشر الخميس، ١٤ أغسطس ٢٠٢٥
وعليكم السلام ورحمة الله وبركاته، أختي العزيزة، أشكرك جدًا على ثقتك وصدقك في التعبير عن مشاعرِك وتحدياتك. هذا هو أول وأهم خطوة في طريق التقرب إلى الله، أن تعترفي بما عندك من صعوبات وبأنك تبحثين عن العلم واليقين، وهذا بحد ذاته فضل كبير من الله عليك. أختي العزيزة، ما تمرين به طبيعي جدًا خاصة لمن يبدأ رحلة التغيير إلى الله بعد فترة من البُعد أو الجهل ببعض الأمور الشرعية، ولستِ وحدك من يمر بهذا، فالكثيرون كانوا مثلك تمامًا ثم تدرجوا في التعلم والتطبيق بثبات. إليكِ بعض النصائح العملية والروحية التي تساعدك في تأسيس علاقتك مع الله وعلمك بالدين بشكل متدرج ومريح: الصبر والرحمة بالنفس لا تجزعي ولا تحملي نفسك فوق طاقتها. التوبة لا تعني كمال العلم أو التطبيق من أول مرة، بل هي بداية الطريق، والله أرحم بنا من أن نكون قساة على أنفسنا. التعلم خطوة بخطوة تابعي ما بدأتِ فيه من شرح فقه الصلاة والعلوم الدينية مع الدكتور علاء حامد فهو مصدر جيد ومبسط. ضعي هدفًا بسيطًا في كل فترة، مثلاً: حفظ سورة قصيرة أو حديث نبوي بسيط مع معناه وفهمه. استمري في قراءة تفسير المعاني حتى تقربي من فهم القرآن ومنهج النبي صلى الله عليه وسلم. القراءة المنتظمة والمصادر الموثوقة اختاري مصادر سلسلة ومبسطة تناسب مستواك، ويفضل أن تكون كتب مبسطة أو دروس فيديو قصيرة ومنتظمة. التواصل مع الدين في حياتك اليومية اجعلي وقتًا يوميًا مخصصًا للتذكر وقراءة قرآن أو سماع شرح، ولو قليلاً، فهذا له أثر كبير على القلب والروح. اجعلي الصلاة خشوعًا وتركيزًا، وليس فقط أداءً. الدعاء والاستعانة بالله أكثر من الدعاء لله أن يثبت قلبك ويرزقك العلم والعمل الصالح. "اللهم علمنا ما ينفعنا وانفعنا بما علمتنا وزدنا علما". التخلص من القلق والخوف الزائد تركيزك على أفعالك وليس على الخوف من النار فقط! الإيمان يشمل الأمل والرجاء والاعتماد على رحمة الله. جهلك السابق ليس ذنبا إذا تابتي منه، والله غافر رحيم. احترمي مراحلك، ولا تستعجلي الكمال كل ما تتعلميه يُبني عليه، فلا تشعري بأنك يجب أن تعرفي كل شيء دفعة واحدة، بل تدريجيًا تثقي بنفسك. أخيرًا، أختي، لا تترددي في طرح أي سؤال أو استفسار هنا في Fedni، وسأكون معك خطوة خطوة إن شاء الله. أنتِ في بداية الطريق المبارك، فثقي بالله وبنفسك، واطمئني فإن ربنا لا يضيّع عطاء من بدأ بخطوة صادقة، وهو يقول في الحديث القدسي: "يا ابن آدم، لو بلغت ذنوبك عنان السماء ثم استغفرتني، غفرت لك…" دمتِ بخير وثبات، ومرحبًا دائمًا بكِ يا أختي ذكية في خدمتك! 🌸
تم النشر الخميس، ١٤ أغسطس ٢٠٢٥
عادي انا برضوا مكنتش اعرف ان فيه حاجة اسمها سجدة سهو ونا اول ما بدأت احفظ قرآن في حياتي مكنتش حافظ سورة الفلق ودلوقتي الحمد لله حافظ ٩ أجزاء وان شاء الله اختم وكنت وقتها شحت ولما بقا عندي ١٤ سنة مكنتش اعرف ان فيه حاجة اسمها صلاة جماعة والحمد لله وفقت لآكاديمية تربوية معاهم بقالي سنتين وحياتي اتغيرت تماما في التفكير وشكل والتخطيط والاهتمامات وكل شيء انا مش عارف توجيه لحضرتك صراحة بس كمعلومة بيبقا فيه آكاديمية تربوية بيبقا فيها تحفيظ قرآن ودروس وكمان بيبقا فيه حفلات وفي رمضان بتوزعوا تمر وكمان ممكن تقيموا ليل في المسجد وبيبقا فيه هدايا وبيبقا فيه تقييمات حاجات جميلة جدا وجو جميل جدا وهيبقا عندك محفظة وعندك الي بيدي الدرس محفظتك هتبقا معلمتك وبتبقا مربية يعني هتعلمك الحاجات الصح من الغلط وتنصحك وتبقا قدوة ليكي تقلديها في الخير وهكذا الي بيشرح الدرس وطبعا في الآكاديمية بيبقا فيه دورات اصلا يعني دورة عن سيرة نبوية دورة تربوية دورة فقه وبخصوص الصلاة او الواجبات والمنهيات لازم تعرفي ان ده ذنب والمطلوب انك تخالفي هواكي وتجاهدي نفسك يعني مثلا فتنة الموسيقى انتي عندك دافع تبع الهوا او الكسل او اي حاجة بنسبة 60% وانتي عندك تحكم بنسبة 40% صح ان هواكي وكسلك او اي شيء نسبته اقوى من تحكمك بس واجب عليكي انك تجاهدي نفسك وتخلي ال40% هي الي تتغلب وهي الي تسوق وطبعا انا بكلم عن الشخص السليم يعني كلامي ليس موجه لشخص مريض او كده او عنده عذر
تم النشر الثلاثاء، ١٩ أغسطس ٢٠٢٥
السلام عليكم ورحمه الله وبركاته انت قلتي في اخر جمله المطلوب بالظبط كانك داخله الاسلام من اول وجديد ربنا رحمته واسعه ربنا شايفنا بكل تفاصيلنا ربنا عارف كل اللي احنا مرينا بيه ربنا عارف امتى هو بعث لنا انذار... بعث لنا حاجه تفوقنا من الغفله وبيشوف احنا بقى هنعمل فيها ايه وفي وقتها هنقوم فعلا ولا هنتجاهل الانذار اللي ربنا اداه لنا انت جميله جدا وعملتي صح والمطلوب لما جالك الانذار فوقتي وقمتي تدوري وهو ده المطلوب مش اكثر من كده الشخص اللي بيكون عدى عليه فتره من حياته او كان عايش في مجتمع تفاصيل الدين ما يعرفهاش بيبقى زيه زي اللي كان يعني مش مسلم اصلا وربنا بيبقى عارف ده بيبعت لك بقى حاجه بيبعت لك فيديو بيبقى في انترنت بيبعت شخص يكون يعرف عن الدين فهيتكلم عنه فانا ابدا اركز كده واشوف ايه اللى ناقصنى النمط ده موجود فاحنا كاننا داخلين الاسلام جديد ما فيش مشكله خالص من بدايه ما عرفنا نبدا خليني اقول لك على قاعده ابحثي عنها علشان تعرفيها اكثر انه احنا هنتحاسب على الحاجات اللي احنا عندنا علم بيها طب انا فضلت اعمل حاجه وانا ما عنديش علم بيها او كان عندي معلومه غلط هل ربنا هيفضل يحاسبنيش على جهلي الغير مقصود لكن لو جهل مقصود لو انا جنب الكتاب والكتاب هيديني معلوم اهو وهعرفها وانا تجاهلت الكتاب وما رضيتش اخد المعلومه علشان ما تحاسبش عليها او عشان ما التزمش بيها هنا بقى انا ربنا هيحاسبني عشان انا اللي رفضت اني اتعلم والتزم لكن انت غصب عنك وناس كثير ممكن يكونوا عايشين في مناطق نائيه وما يعرفوش تفاصيل كثير عن الدين مش هيتحاسبوا على الحاجات اللي هم ما يعرفوهاش على قدر الشيء من اول يوم انت عرفتيه عرفتي المعلومه النهارده عرفتي الحديث اعرفي ان من النهارده ربنا هيحاسبك انك ما عملتيش مثلا بالحديد لانها الفلانيه وفهمتي معناها وفهمتي هي بتقول لك انت كده بقى في عليك فرض ايه او عليك واجب ايه وانت ما عملتيش بيه هنا ربنا يبدا يحاسبك لكن ما قبله لا ربنا مش بيحاسبنا باللي قبله باذن الله لان ربنا رحمته واسعه ربنا مش عاوز يشيلنا ذنوب وخلاص لا ده ربنا عاوز يشوفنا واحنا بنجتهد فاجتهدي وخليكي دايما ماشيه في الطريق لقدام ما تخليش اي ظن كده يجي من الشيطان يوقفك ويخليكي تبطلي انك تتحركي بحجه انه انا كده عليا كتير قوي لا المهم انه من النهارده انا باخد كل اللي اقدر عليه وبعمل بيه ربنا ان شاء الله يثبتك ويزيدك من فضله وتبقي انت اللي بتعلمي الناس كمان
تم النشر السبت، ١٦ أغسطس ٢٠٢٥
دى وسوسه شيطان كملى ربنا يثبتك و يوفقك لما يحب ويرضى 🤍🤍🤍
تم النشر الخميس، ١٤ أغسطس ٢٠٢٥
كملي في طريقك... انت ماشية صح.... ينقصك صحبة المسجد.... ابحثي عن مسجد فيه دروس بيحضرها بنات وخليك معاهم..
تم النشر الخميس، ١٤ أغسطس ٢٠٢٥
اكيد رينا بيحببك علشان كدا قربك منه كملى على طريقك واامشى صح دايما هتلاقى حياتك كلها جبر بعد كدا والله
تم النشر الأربعاء، ٢٠ أغسطس ٢٠٢٥
ربنا يحبك
تم النشر الأربعاء، ٢٠ أغسطس ٢٠٢٥
قال الله في الحديث القدسي : "وإن تقرب الي شبرا تقربت اليه ذراعا وإن تقرب إلي ذراعا تقربت إليه باعا وإن أتاني يمشي اتيته هرولة " .... الشخص عليه أن يتذكر الجزاء والعقاب وإن يعرف ان الله غفور رحيم .. والشعور بالتقصير شئ جيد كان موجود عند كبار العلماء .. فالشخص اللي فاهم في الدين ومغرور بالكلمتين اللي هو عارفهم فدي مشكلة كبيرة
تم النشر الثلاثاء، ١٩ أغسطس ٢٠٢٥
بصي صلي علي النبي دة الطبيعي لأنك لسة في بداية انتي بتقولي انك كنت مقصرة فطبيعي هتتحرجي تقولي لحد متسمعش اغاني لانك كنتي بتسمعيها وهتحسي انك مقصرة وكدة بس اهم حاجة مش تبطلي محاولة وانا بحييكي انك بتسألي ودة وسوسة شيطان مش اكتر وعلي فكرة د علاء حامد بيقدم كورس تفسير وسيرة كمان غير الحديث ممكن تسمعيهم هتستفادي
تم النشر الجمعة، ١٥ أغسطس ٢٠٢٥
لعرض السؤال في فدني اضغط هنا