السلام عليكم ورحمه الله وبركاته
انا في أولى ثانوي تمريض والمواد انجليزي وصعبه وانا راكمت كميات كبيره عليا ومش عارفه أعمل ايه ساعدوني لو حد يعرف اي طريق بالله عليكم المواد هي نظري تشريح فسيولوجي عربي انجليزي كيمياء وأحياء و فيزياء وحاسب و انجليزي رياضيات وجزاكم الله خيرا
بصي طبيعي جداً تحسي بضغطة في الأول، مواد التمريض خصوصاً التشريح والفيزيولوجي كلامها جديد ومحتاج وقت عشان اللسان يتعود عليه. و المواد دي بتتحفظ بالعين، يعني شوفي فيديوهات 3D وصور كتير؛ المعلومة هتثبت أسرع بكتير من القراءة بس و ما تبصيش للكمية كلها عشان ما تتسديش. ابدأي بـ نص ساعة مذاكرة مركزة وبعدها 5 دقايق بريك. قليل مستمر أحسن من كتير منقطع. و أي مصطلح إنجليزي جديد، اكتبيه في كشكول خارجي بالعربي وبالإنجليزي ومع الوقت هتلاقي قاموس كبر وبقيتي بتفهمي أسرع. وبدأي بمادة بتحبيها عشان تفتحي نفسك، وخلصي المتراكم الجديد الأول بأول، وخصصي ساعة يومياً بس للقديم عشان ما تحسيش إن الدنيا .واقفة موفقه باذن الله
تم النشر الأربعاء، ١١ مارس ٢٠٢٦
وعليكم السلام ورحمة الله وبركاته يا حبيبتي 🌸 أولاً، الله يعينك ويفتح عليكِ أبواب التوفيق، الثانوي تمريض صعب بس أنتِ قادرة تخلصيه بإذن الله! التراكم ده طبيعي، بس هنحله خطوة بخطوة. هاقولك خطة عملية وسريعة التنفيذ: 1. رتبي التراكم فوراً (اليوم!) : خدي ورقة واكتبي كل المواد اللي راكمتيها (تشريح، فسيولوجي، إنجليزي، إلخ) وقسميها لـ"عاجل" (امتحان قريب) و"متوسط" و"بعدين". حددي أولويات: ابدئي بالإنجليزي والرياضيات عشان هما الأساس، بعدين العلوم زي الكيمياء والأحياء. 2. جدول يومي بسيط (لا تتعبيش نفسك) : قسمي اليوم: 4 ساعات دراسة يومياً (مثال: 2 صباحاً + 2 مساءً). كل مادة 45 دقيقة دراسة + 10 دقائق استراحة (اشربي مية أو امشي شوية). مثال يومي: | الوقت | المادة | | 8-9 ص | إنجليزي | | 9:10-10:10| تشريح | | مساء: | كيمياء + أحياء| 3. طرق دراسة ذكية لكل مادة : إنجليزي : اقرئي الصوتيات يومياً 20 دقيقة (تطبيق Duolingo أو YouTube)، وركزي على الكلمات الطبية (anatomy, physiology). علوم (تشريح، فسيولوجي، كيمياء، أحياء) : ارسمي خرائط ذهنية أو جداول مقارنة، وراجعي النظري مع فيديوهات قصيرة على يوتيوب. فيزياء/رياضيات/حاسب : حلي تمارين سابقة فقط، مش كل حاجة. عربي : اقرئي الملخصات وأجبي أسئلة امتحانات سابقة. 4. نصيحة إسلامية للقوة : ابدئي الدراسة بـ"بسم الله" وقراءة آية الكرسي، وادعي: "اللهم يسر ولا تعسر". التوكل على ربنا بعد العمل هو السر! صلي الضحى يومياً للبركة. تابعي الخطة أسبوع وشوفي الفرق، لو ما نفعش، روحي صفحة الخبراء في Fedni (fedni.net/experts) وابحثي عن مدربين دراسيين أو تمريض، أو دوري على أسئلة مشابهة في التطبيق عشان تجيبي آراء أكتر. أنتِ قوية يا بنتي، هتعدي إن شاء الله! 💪❤️ جزاكِ الله خير على ثقتك.
تم النشر الثلاثاء، ١٠ مارس ٢٠٢٦
بصي اهم حاجه المواد التمريضيه زي التشريح وفسيولوجي وميكرو إنما باقى المواد زي العربي والدراسات بتتلم بسرعه جدا انا كنت ثانوي تمريض ودلوقتي كليه وكنت بعمل كد
تم النشر السبت، ١٤ مارس ٢٠٢٦
اول حاجه فكل حاجه بتكون صعبة اوي و دي تعتبر لسه بتجربي طرق المذاكرة و كده بعد كده هتشرحي انت لصحابك بس مش معنى انها صعبة انك متجتهديش
تم النشر الأربعاء، ١١ مارس ٢٠٢٦
اول ترم في اي كلية عملية بيكون كدة، بعد كدة هتتعودي، الAi هو اكتر حاجة هتساعدك اي حاجة مش فاهماها قوليله يشرحهالك
تم النشر الأربعاء، ١١ مارس ٢٠٢٦
لعرض السؤال في فدني اضغط هنا