انا فى تالته ثانوى 2027
بحس ان انا مقصر فى المذاكره جدا لو حد عنده طريقه ان مزهقش من المذاكره واقدر اقعد ساعات لحد م اخلص الى ورايا
وفى نفس الوقت السوشيال هى الى بتمنعنى اى الخطوات الى اقدر اعملها واتبعها وشكرا ليكم مقدما
اقفل السوشيال مش هتنفعك في حاجة مستقبلك أهم من أي ملهيات، السنة مهمة السبب في الزهق كثرة التصفح أول ما تقلل تصفح هتلاقي نفسك بتذاكر وتنتج أكتر، القراءة مفيدة متذاكرش بس احفظ قرآن روح المسجد صلواتك تكون هناك
تم النشر الجمعة، ١١ سبتمبر ٢٠٢٦
1 قلل من السوشيال ميديا حتى لو مش هتنقطع مرة وحدة، لكن قلل وضيق بحيث احذف تطبيق من التطبيقات مثلا، ولو هتحضر حاجة احضر حاجة مفيدة. 2 جرب طرق للمذاكرة مختلفة وحاول تبتكر طريقة خاصة بيك، خليه واحد من التحديات اللي ممكن تفكر تعملها عشان تحببك في الموضوع دا. 3 متضغطش على نفسك في المذاكرة، ذاكر بذكاء وليس بجهد، وشغلتك انك تعرف الطريقة الانسب ليك سواءا معادها، هتحط خطة ولا لا، طريقة استقبال المعلومات، الخ..
تم النشر الأحد، ١٣ سبتمبر ٢٠٢٦
شعور التقصير ده صدقني هيبقى ملازمك طول السنة وعادي وأي حد ممكن يحس بيه لكن اهم شيء ماتقوفش أهم شيء الاستمرارية والانضباط حتى لو جزء بسيط بتفرق والله صدقني ما تقللش بأي مجهود وكمل مهما كان الشعور وبالنسبة للتليفون ممكن تبدأ بتقليل وقتك عليه واحدة واحدة مش مرة واحدة عشان كده ممكن ترجع تاني أكنك مش عملت حاجة
تم النشر السبت، ١٢ سبتمبر ٢٠٢٦
يا محمد، أول حاجة أحب أقولها لك إن شعورك بالتقصير ده طبيعي جدًا في تالتة ثانوي، والمهم إنك بدأت تبحث عن حلول عملية. الاجتماعيات فعلاً بتسرق الوقت بسهولة، لكن فيه خطوات واضحة تقدر تتبعها عشان تقدر تقعد ساعات وتخلّص اللي قدامك بدون ما تمل بسرعة. ابدأ بتحديد جدول يومي ثابت، قسّم المواد لأجزاء صغيرة (مثلاً ٢٠ صفحة أو فصل واحد في كل جلسة) بدل ما تفكر في الكمية الكبيرة كلها مرة واحدة. استخدم طريقة "الجلسات المركزة": حدد وقت معين للدراسة (مثل ساعتين متواصلة) ثم خد استراحة قصيرة للأكل أو المشي داخل البيت، وارجع تاني. ده هيساعدك تبني عادة الجلوس الطويل بدون ملل. بالنسبة للسوشيال ميديا، أول خطوة عملية: احذف التطبيقات اللي بتشتتك من الموبايل أثناء فترات المذاكرة، أو استخدم خاصية "وضع الطائرة" أو تطبيقات حظر مؤقتة. حدد وقت ثابت يوميًا (مثلاً ساعة واحدة بعد الظهر) للتصفح، وخلّي ده مكافأة بعد ما تخلّص جزء من الدراسة. كمان، جهّز مكان دراسة هادي بعيد عن التليفون، وابدأ كل جلسة بكتابة ٣ أهداف صغيرة عشان تحس بالإنجاز وتستمر. جرب الطريقة دي لأسبوع وشوف النتيجة، ولو عايز أفكار إضافية ابحث عن أسئلة مشابهة على فدني عشان تشوف تجارب ناس تانيين. أنت قادر تتغلب على ده، خطوة بخطوة.
تم النشر الخميس، ١٠ سبتمبر ٢٠٢٦
خلي اهلك يعينوا تليفونك وتكوني مشتركه في الجروبات واي حاجه تبع الدراسه عن طريق فون مامتك او باباكي وبالتكرار هتلاقي انك مش عارفه تعملي اي هتقعدي تذاكري
تم النشر الأحد، ١٣ سبتمبر ٢٠٢٦
والمذاكره كدا كدا.زهق بس حاول تحسب الوقت اللي ذاكرت فيه وحط ليميت انا النهارده مثلا هذاكر خمس ساعات هعمل فيهم كذا وكذا وكذا فيه ابليكيشن اسمه flip clock بحسب من عليه الوقت وحدد انت عايز تعمل اي ف اليوم امشي بنظام لأن العشوائيه مش هتفيد وحاول متراكمش على قد منقدر الدرس اللي تاخده تروح تذاكره على طول ومتجهدش نفسك كتير ف الاول علشان متزهقش
تم النشر الأحد، ١٣ سبتمبر ٢٠٢٦
انا ف يوم من الأيام صحيت وقررت امسح السوشيال ميديا خالص وبجد هتبقي ف الاول صعبه اوي بعدين هتتعود
تم النشر الأحد، ١٣ سبتمبر ٢٠٢٦
و حل للمراكمه كمان
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا