سؤال للنقاش
ليه لما الشخص يكون محترم وبيعامل البنت باحترام ومقدرها مبتحبوش
لكن لو شخص مش محترم ومتجاهلها ومطلع عينيها تحبه وتجري وراه ؟؟؟!
السلام عليكم، هو أولا التعميم مش صح والبشر في النهاية مختلفين في شخصياتهم وسلوكياتهم. لكن عامة السلوك اللي قلته مش مقتصر على النساء.. هتلاقي نفس السلوك في الرجال. تجارب كتير شفتها أو قرأت عنها، اللي بيحصل إن الرجل أيا كان درجة علاقته بواحدة، سواء ارتباط أو خطوبة أو حتى زواج.. طول ما هي مهتمة به وقايدة صوابعها العشرة شمع زي ما بيقولوا ودايما مستحملاه مهما عمل فيها بياخدها كشيء مسلم به وممكن يتطاول أكتر وأكتر وللأسف في حالات لما المرأة قلبت على النقيض وخسرها أو بقى حاسس بتغيرها وقوتها قصاده وإنه مبقاش فارق معها بيتحول هو للعكس. ممكن يكره واحدة بتجري وراه حرفيا عشان يحبها وبتحاول ترضيه بكل الطرق ويتجاهلها ويحب واحدة تانية بتتجاهله او مطلعة عينه أوبتعامله ببرود ولا بتعطيه وش وبيعمل المستحيل عشانها. ** نفس اللي وصفته في سؤالك بس مع اختلاف الجنس. *** والسلوك ده مش مرتبط بس بالعلاقات بين الرجال والنساء... أصلا أكاد من انتشاره أجزم إنه سلوك بشري عادي.. المضمون غير قيّم والحاجة صعبة المنال اللي بتحارب عشانها هي الغالية. **** جرب تلاحظ في علاقات الناس ببعض، هتلاقي ناس كتير بتحترم اللي بيستقوى عليها وميحترمهاش وتعامل المحترم بالعكس. هتلاقي الشخص اللي دايما بيسأل ويهتم ودايما في خدمة غيره وبيخاف عليهم، اللي بيحبهم دول سواء أصحابه أو أهله وقرايبه بيتجاهلوه ولا بيسألوا عنه في حين هم نفسهم بيسعوا دايما ورا رضا اللي بيتجاهلهم أو حتى اللي بيقسو عليهم. **** المشكلة إن غالبا كلنا بنعمل كده لاشعوريا... ممكن حتى تلاحظ إنك نفسك ممكن تكون بتعمل ده لاشعوريا مع العلاقات في محيطك. بتفضل صديق ممكن بيسأل عنك وناسي صديق على طول مهتم وهو اللي بيسأل. مش معنى كده إنك وحش لو كنت فعلا بتعمل كده، زي ما قلت ساعات مش بناخد بالنا وبنعمل ده لاشعوريا.
تم النشر الخميس، ١٢ مارس ٢٠٢٦
مفيش الكلام ده في الدنيا. يمكن بس بتشوفه في الأفلام والمسلسلات البنت بتحب الشخص المحترم الخلوق اللي ملوش تعامل مع البنات وحتى لما بيتعامل معاهم بيتعامل بحدود. إنما الشخص اللي مش محترم اللي انت بتتكلم عليه هو بياخد واحده مش محترمه زيه فأنت زعلان ليه؟ وحتى لو اخد واحده محترمه بس اصلا مجرد ما البنت تقبل بالإهانة والتجاهل يبقى تستاهل اللي هيحصل فيها. إنما البنات المحترمه عايزه واحد محافظ على دينه وبيتقي ربنا في بنات الناس ومبيلعبش بمشاعرهم. يعني لو انت فيك الصفات دي هتلاقي بنات كويسه لان كل واحد بيجذب اللي شبهه.
تم النشر الخميس، ١٢ مارس ٢٠٢٦
فيه حكمة كانت بتقول زمان الممنوع مرغوب بحس إنها بتنطبق على النوعية دي من السيدات والرجال والله اللي بيكون عندهم نفس الأمر فكرة إنه فيه حاجة مش عارف اوصل لها أو ممنوعة عني بتخليني عندي رغبة فيها أقوى وأشد، وحقيقي لما بوصل لها بفقد شغفي بيها على الفور خاصة لو كان وصولي لها لمجرد إني مش تقبلت إنها ممنوعة عني كمان الأمر بيكون فيه جزئية عزة واعتداد بالنفس، اللي هو مين ده علشان مايكونش معجب بيا وعايزني، فتفضل المحاولات مستمرة لحد لما تجيب رجله، وفي الحالة دي في الأغلب بتفقد اهتمامها بيه برضوا .. خلينا بس متفقين إنه ده نادر ومش يمكن تطبيقه على كل الأشخاص فيه أسباب تانية وارد جدا الأهم إنه الشخص اللي بيحب ده وبيعامل باحترام سواء راجل أو ست يفتكر إنه عنده كرامة وعزة نفس، وإننا بنحاول صحيح ننوصل للي بنحبهم، بس فيه وقت أو حد معين لازم نقف عنه ونكمل حياتنا وندور على اللي بيحبنا فعلا ومهتم بينا
تم النشر الخميس، ١٢ مارس ٢٠٢٦
ليش البنت وافقت من البداية? وافقت على شخص محترم ثم تركته فيما بعد يبق السبب هنا ليس له علاقة بسمة الإحترام يمكن يكون سبب تاني ـ خد بالك النساء لا تحب الإحسان بقدر حبها لشخصية الرجل اتمنى ان تفهمني ـ اذا كان هناك شخص يحسن لزوجته ويفعل كل الطيب ولا يرفض لها طلب ويضغط على نفسه وإلخ .. هذا شخصيتة ضعيفة والمرأة تكرهه فيما بعد تمل منه بإختصار والعكس صحيح اذا كان كل حياته جفاء وشدة هذا ايضا غير مرغوب اما الصواب ان يكون لدى الرجل حكمة يعلم متى يرفض ومتى يوافق ويعلم كيف يعامل المرأة وان يكون هو ملجأ للمرأة لا يكون لين ولا يكون شديد دائما يجب ان يكون مسيطر وبيده زمام الأمور هو الذي يأخذ القرارات وهو الذي يدير اسرته وإلخ ياأخي قد يكون به عيوب من هذه العيوب لأن الإحترام ظاهر منذ الوهلة الأولى فلماذا وافقت عليه ثم رفضته!
تم النشر الخميس، ١٢ مارس ٢٠٢٦
عقدة الباد بوي ،، التعامل معاه بدون قيود
تم النشر السبت، ١٤ مارس ٢٠٢٦
الممنوع مرغوب
تم النشر السبت، ١٤ مارس ٢٠٢٦
جميعا يارب
تم النشر الخميس، ١٢ مارس ٢٠٢٦
جزاك الله خيرا
تم النشر الخميس، ١٢ مارس ٢٠٢٦
فاهم كلامك
تم النشر الخميس، ١٢ مارس ٢٠٢٦
لا العلاقات في إطار شرعي
تم النشر الخميس، ١٢ مارس ٢٠٢٦
كل على شاكلته او الطيور على أشكالها تقع ـ لكن هل سؤالك مرتبط بالعلاقات غير الشرعية ?
تم النشر الخميس، ١٢ مارس ٢٠٢٦
بس المعظم كده
تم النشر الخميس، ١٢ مارس ٢٠٢٦
اي حاجة متعلقة بالبشر الاجماع فيها غلط لان كل واحدة بتختلف عن التانية وعلي حسب عيشة كل بنت بيتكون تعاملها يعني مثلا بنت اتربت في بيئة محترمة وهادية هتلاقي البنت عايزة شريك حياتها كذلك لكن لو العكس هتلاقيها بتنجذب لنفس البيئة وفي بنات اتربوا في بيئة بردو سيئة بس مش حابين يكملوا كدا ف بنجذبوا للشاب المحترم ف الموضوع دا بيتوقف علي كل بنت وظروفها وتفكيرها وشخصيتها
تم النشر الخميس، ١٢ مارس ٢٠٢٦
لعرض السؤال في فدني اضغط هنا