السلام عليكم ورحمة الله تعالى وبركاته
أحس بوجع شديد في العين مصاحب بحرقان واحمرار
بسبب حبايه في جفن العين وضعت له تراميسين ولكن لا يوجد فائده وصداع في هذه العين لا أستطيع ان افتح العين او اغلقها والحبايه تكبر وتسبب تورم في الجفن مع عدم إمكانيه الرؤيه بوضوع فقط هذه العين ❤️🩹
ما السبب
السلام عليكم، مرهم التراميسين مش كفاية خاصة لو الالتهاب زاد أو دخل في مرحلة تكوين صديد، وعامة لازم كشف رمد عشان لو الحباية مش مجرد دمل بالجفن، ممكن يكون مثلا كيس دهني ملتهب أو تشخيص تاني. فلازم وضروري كشف رمد عشان تمشي على كورس علاج من مضاد حيوي أقراص أو حقن (حسب شدة الحالة) على الأقل لمدة أسبوع بالإضافة لمضاد للالتهابات ومرهم مضاد حيوي للعين. على ما تروحي تكشفي وقفي فرك في العين واعملي كمادات دافية ومتحطيش أي مراهم أو قطرات من دون وصف طبيب الرمد. ومتتأخريش في الكشف عشان لا قدر الله ميحصلش أي مضاعفات أنتِ في غنى عنها. وألف سلامة عليكِ.
تم النشر السبت، ٢٠ ديسمبر ٢٠٢٥
صباح الخير المشكله ممكن تكون بسبب تلوث ايدك و انتي بتستخدمي المرهم أو معاد الاستخدام الافضل نغسل ايدينا كويس قبل إستخدام المرهم قبل النوم و ممكن نستخدم قطره مضاد حيوي بالنهار مع كمادات ساقعه هتهدي الالتهاب و تسكن الالم لو موجود
تم النشر السبت، ٢٠ ديسمبر ٢٠٢٥
تقريبا دا خراج ولازم مضاد حيوي قوي مع كمادات.. استشيري الطبيب ضروري
تم النشر الأحد، ٢١ ديسمبر ٢٠٢٥
على حضرتك سرعة التوجه لطبيب رمد و هو هيكشف و يشخص الحالة... لكن بدون تأخير لأن الأعراض الي ذكرتيها غير مطمئنة... شفاكي الله و عافاكي
تم النشر الأحد، ٢١ ديسمبر ٢٠٢٥
و عليكم السلام ورحمة الله وبركاته
تم النشر الأحد، ٢١ ديسمبر ٢٠٢٥
انا كنت زيك كده وعرفت انها بتطلع بسبب انا لما نحط مرطب او كريم علي وشنا بنحط جنب العين او تحتها بالغلط وده بيطلع حب فاتجنبي تحطي عليها اي كريمات خالص
تم النشر الأحد، ٢١ ديسمبر ٢٠٢٥
طيب وليه متروحيش لدكتور و تعرفي السبب و تاخدي علاج يخلص الحوار
تم النشر السبت، ٢٠ ديسمبر ٢٠٢٥
لعرض السؤال في فدني اضغط هنا