السلام عليكم
انا دايما بسمع طنين في اذني الشمال و بياخد وقت و بحس الصوت بيبقى عالي و كمان للعلم انا سمعي ضعيف شويه مع انه مكنش كدا بس اتطور مع الوقت و للاسف كل م الوقت يمر بحسه بيقل اكتر و كمان انا رحت كشفت و الدكتور قال لي انها فطريات في الاذن او مش فاكره اسمها اي بصراحه بس كان في تراكم شمع ف اذني الشمال و شالهولي و للاسف محصلش اي تغيير و لو بسيط بس الحمد لله
المشكله دلوقتي ف الصوت اللي بيبقي ف الاذن خصوصا الشمال و دا كان من قبل م اروح للدكتور بس زاد شويه و الصوت بيبقى عالي لدرجه لما يكون في طنين مش بسمع اي حاجه من اللي حواليا و بحس نفسي رحت ف عالم تاني غير اللي انا فيه
هوا انا حاسه انو دي اڤورة بس بجد دا اللي بحس بيه
ف لو حد عنده تفسير لدا او يقدر يفيدني يا ريت يقوللي و بلاش اني اعمل تقييم سمع و لا اي حاجه من دا لان الظروف مش هتسمح و حاسه الدنيا حكمت عليا بكدا بس الحمد لله
فاتمني الافاده 🙁
يا حبيتي الف سلامه عليكي، و يا بنتي 'ما أنزل الله من داء إلا وله دواء'، ومفيش حاجة اسمها الدنيا حكمت عليكي بكده وأنتي لسه صغيره عارفة إن الظروف صعبة ومستصعبة موضوع الكشف حاليا اللى. اعرفه انه بلاش عصبية وتوتر: الطنين بيزيد جداً مع الزعل والضغط النفسي، حاولي تهدي نفسك لأن ودنك حساسة جداً لحالتك النفسية وبرضو بلاش سماعات نهائي، وبرضو قللي الملح في أكلِك خالص، واقطعي القهوة والشاي والبيبسي تماماً الفترة دي، لأنهم بيعلّوا ضغط الدم في عروق ودنك وبيخلوا الطنين صوته يعلى.وانتي مش بتأفوري خالص ده تعب حقيقي ومؤلم ودي نصايح عامه بس عشان تخففي الاعراض لكن لازم تشوفي دكتور تاني عشان تتطمني ويشوف اى السبب الأساسي فى دكاتره بشخص غلط عادي والله وعن تجربه ف عادي لما ظروفك تسمح روحي ولو انتي طالبه او فى جامعه فيه مستشفيات التأمين الصحي دي بتكون مجاني وبتكشفي دا حل برضو .
تم النشر الأربعاء، ٨ أبريل ٢٠٢٦
وعليكم السلام ورحمة الله وبركاته يا حبيبتي 💕 أنا آسفة جداً إنك بتمري بهالإحساس المزعج ده، الطنين في الأذن (tinnitus) ده مشكلة شائعة ومُرهقة نفسياً، خاصة لما بيبقى عالي كده ويخليكِ تحسي إنك في عالم تاني. اللي وصفتيه – ضعف السمع التدريجي مع الطنين في الشمال – ممكن يكون بسبب أكتر من حاجة زي: تراكم شمع متبقي، التهابات متكررة (زي الفطريات اللي قالها الدكتور)، ضغط دم عالي، توتر شديد، أو حتى تلف في الخلايا السمعية مع الوقت. الـ"اڤورة" اللي حاسة بيها دي ربما إحساس بالضغط الزايد داخل الأذن أو overwhelm عام، بس ده مش تشخيص دقيق، هو مجرد وصف للشعور. الحمدلله إنك جربتي الكشف، بس لو التحسن بسيط، جربي دول خطوات عملية بسيطة في البيت (مش بديل عن دكتور أنف وأذن وحنجرة متخصص): قللي الملح والكافيين : هما بيزودوا الطنين، اشربي مياه كتير وكلي فواكه زي الموز (غني بـالبوتاسيوم). حماية الأذنين : تجنبي الأصوات العالية تماماً (سماعات، حفلات)، ولو في ضوضاء حواليكِ، حطي صوت هادئ مستمر زي صوت مروحة أو مطر (من يوتيوب، white noise). روتين يومي : نامي 7-8 ساعات، وامشي يومياً 20 دقيقة في مكان هادئ عشان الدورة الدموية. ملحوظة : لو في دواليب أو أدوية بتاخديها، راجعيها مع الصيدلي. يا ريت تبحثي في فدني عن "طنين أذن" هتلاقي إجابات كتير من خبراء. الحمدلله على كل حال، ربنا يشفيكِ ويخفف عنكِ يا رب 🙏. لو عندك تفاصيل زيادة، قوليلي! 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٧ أبريل ٢٠٢٦
العفو 🤍
تم النشر الأربعاء، ٨ أبريل ٢٠٢٦
ربنا يشفينا و يشفي مرضي المسلمين..شكرا ل حضرتك
تم النشر الأربعاء، ٨ أبريل ٢٠٢٦
بس فعلا دا صعب جدا وكرهني ف الدنيا كلها السمع الضعيف مش زي النظر الضعيف و صعب و مش كله بيتفهمه و كل يوم يحصل مواقف بسبب كدا😔، شكرا ليك
تم النشر الأربعاء، ٨ أبريل ٢٠٢٦
بس عندي سؤال هوا الطنين دا مرض او حاجه زي كدا. انا كنت فكراه حاجه نفسيه او انا بتخيل كدا ☹️
تم النشر الأربعاء، ٨ أبريل ٢٠٢٦
الدكتور لما رحتله مرحتش عشان الطنين رحت عشان ضعف السمع بس و اصلا انا نفسي اتسدت من الموضوع و مش غاويه اروح ل دكاتره تاني و انو السمع الضعيف مش هيخف الا ب ارادة ربنا و العلاجات مش بقتنع بيها.. و شكرا ل حضرتك
تم النشر الأربعاء، ٨ أبريل ٢٠٢٦
وعليكم السلام ورحمة الله وبركاتة .... الطنين دا بنسبة كبيرة الشمع مش سببة إطلاقا حاولى تغيرى الدكتور وتروحى لحد تانى ديه رأي لازم تتطمنى على الأذن من جوا أو زى ما بيقولوا طبلة الأذن الشمع دا ممكن يببلك ضعف تمام ماش لكن مش طنين روحى لدكتور تانى واطمنى أكتر لازم .... شفاكى الله وعافاكى
تم النشر الأربعاء، ٨ أبريل ٢٠٢٦
في مستشفى الراهب
تم النشر الأربعاء، ٨ أبريل ٢٠٢٦
وعليكم السلام ورحمه الله وبركاته حضرتك لو قريبه من المعادي
تم النشر الأربعاء، ٨ أبريل ٢٠٢٦
ابن عمى متجوز ومخلف ومبيسمعش من اعدادى أصلا هو مركب سماعات بس حياتة كويسة خالص وهو حاول يتأقلم والدنيا تمام بس مش عارف إيه حالتك بالظبط الله يعينك ويقويكى ويشفيكى
تم النشر الأربعاء، ٨ أبريل ٢٠٢٦
يعنى إيه مش غاية أروح ل دكاترة ؟! والسمع الضعيف بيخف عادى اه كله ب إرادة ربنا بس احنا ناخد بالأسباب ... أيوه الطنين دا ليه سبب لازم الكشف .... أما علاقة المرض بالنفسية ف كل الأمراض اللى خلقها ربنا ليها علاقة بالنفسية وممكن نفسيتنا تأثر يا بالسلب يا بالإيجاب
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا