انا دلوقتي كنت مخطوبة وبعدين سبنا بعض عشان نبهته من كذا حاجة عملها ضايقتنى وبيعمل للى بيزعلنى برضوا وحسيته بيستنزفنى عاطفيا كل ما نسيب بعض هيفضل يعمل كدا لما كلمته وقولت له اننا كل شيء قسمة ونصيب اخر اليوم كان ف الاستقبال تعب خالص وركبلة جلسة تنفس وعمل رسم قلب وبان على وشة انو كان تعبان ومش قادر يتكلم وكان معيط وكان عايز يكلمنى
روحت اطمنت علية وكلمتة قالى والله انا بحبك ومش قادر انساكى والله ما هقدر على بعدك وانا عايزك وشاريكى وكان هيعط وهو بيتكلم معايا وكل ما صوتة يتغير من العياط يسكت وعينة كانت حمرة خالص وعمال يبصلى ويقولى ونبى مش تسيبنى والله بحبك
انا اسف طيب اى يرضيك وانا اعمل طيب اعملى اى حاجة بس مش تسيبنى سماحينى ي منى دة ربنا بيسامح انتى مش هتسامحى اعملى ما بدالك معايا طيب بس مش تسيبنى ونبى
انا بقى اتاثرت من كلامة وكنت هعيط وقولت انا مش هبيع واحد عايزنى وشارينى بصى يستى مش انا قولتك انى رجعت له وكدا صح النهاردة نزلت من الشغل روحت اكشف
المهم اتصل عليا وقلى قلت له نزلة البلد قلى رايحة فين قولتة نزلة اجيب طلب لى ماما مش قولتة نزلة اكشف المهم قلى طلب اى قولتة طلب فضل يحقق معايا مش رديت علية مرة يفضل يزن يزن كنت عمالة ادور ع الدكتورة عشان مكنتش عارفة مكانها فين وعمالة أسأل راح واحد قلى انا معايا رقمها قولتة هاتة وانا باخد الرقم رن كنسلت علية رن تانى وتللت ورابع وخامس يلهوووووى
رديت علية وقولتة فى اااااى بكنسل عليك تعرف انى مشغوله قالى بتعملى إيه وفين ونزل عليا تحقيق كأنى ف القسم وانا اصلا جعانة وتعبت من اللف وعاوزة انام يعنى من الاخر مرهقة خالص وهو مش راحمنى
بقى بيخنقنى خالص قولتة حتى انت كدا مش بتطمن عليا انت خنقتنى طالما مش قولتة هجيب يبقى مش تفضل تقول هتجيبى اى دلوقتي
هو جة امبارح تمام وجة كلم اهلى واعتذر لى قدمهم قولتة خلاص حصل خير مفيش مشكلة واهلى سبونا لوحدنا نتكلم بهدوء قولتة على الحاجات للى بتضايقنى وكلمتة هو بقى موافق على كل حاجة للى هو اقولة انا مش بحب كدا يقولى ماشى وعلى الحاجات للى مضايقنى يقولى خلاص اعتبريها متنفذة عارفة هو مش معاة فون ولما اتفقنا اننا مش نقف مع بعض ف الشغل وافقنى الراى بس لا بنتكلم ولا اى حاجة يعتبر احنا بينا مسافة بس مش اكتر
وطول ما الوضع كدا انا مرتاحة وحاسة انو مش ف حياتى فاهم لكن عدم الارتياح ملازمنى زى ظلى وجة بعديها بيومين كان موجود عندى ف مكان شغلى ولاقيت رقم بيرن عليا غريب مش رديت علية لاقيت وحدة زميلتى بترن عليا برد لاقيتة هو للى بيكلمنى قولتة انت راضى على للى بيحصل دة وكل شوية تلف على اى حد عشان تكلمنى مش عارف تجبلك حتى فون يعم مش تاتش هات زراير حتى عشان نعرف نتواصل حتى
قلى انا رنيت عليكى قولتة فين قلى ف رقم رن عليكى قولتة اة قلى انا مش رديتى لى كان هاين عليا الطم على وشى ومن حظى الدكر قولتة انا هعرف منين ان انت للى بترن قولتة دة رقم مين قلى رقم راجل معايا قولتة هى وصلت انك تروح تحط رقمى على فون رقم غريب وتكلمنى يلهوى يانى قالى عادى مش تكبرى الموضوع انا عملت لى رقمك بلوك من عندى قولتة بص ي اين الحلال كل واحد من طريق وسبتة كلم بابا وقولة دى مش اسباب اننا نسيب بعض عشانها وكدا قولتة هى اى الاسباب برائيك انت سكت قولتة خلاص الكلام مش هيغير حاجة كل شي قسمة ونصيب اعمل اى فدوينى؟
أول حاجة، أنا فاهمة إن الموقف ده صعب ومربك جدًا عليكِ، خاصة إنك شايفة دموعه وسمعتي كلام حلو ومؤثر. بس خلينا نفكر بهدوء: اختيار شريك الحياة مش قرار عاطفي لحظي، ده قرار مصيري بيأثر على راحتك النفسية والروحية لسنين. في الإسلام، أهم معايير الاختيار هي الدين والخلق الحسن والتوافق، مش بس الحب أو الندم. اللي بيحصل دلوقتي فيه علامات واضحة على سلوك غير صحي: التحكم الزائد (الاتصالات المتكررة، التحقيق، استخدام أرقام تانية)، عدم احترام المساحة اللي اتفقتم عليها، والضغط العاطفي اللي بيخليكِ تحسي بالخنق. الاعتذار والدموع حلوين، لكن الأفعال هي اللي بتثبت التغيير الحقيقي، مش الكلام. لو الشخص بيستمر في نفس السلوك بعد الوعود، ده مش تغيير، ده استنزاف. نصيحتي العملية: خدي وقت لوحدكِ بدون تواصل، عشان تقدري تشوفي الصورة بوضوح. استخدمي صلاة الاستخارة وادعي ربنا يبعد عنكِ اللي فيه ضرر. راقبي الأفعال لفترة (مش أيام، شهور) قبل أي رجوع. لو ما قدرش يحترم "لا" بسيطة زي "مش هنقف مع بعض في الشغل"، يبقى الموضوع هيتكرر بعد الجواز. كلمي أهلكِ بصراحة عن مخاوفكِ، وخليهم يساعدوكِ في التقييم بدون ضغط. اسألي نفسكِ: هل أنا مرتاحة ومحسة بالأمان والاحترام، ولا بس خايفة أوجعه؟ الشريك الصح بيخليكِ أقوى، مش أضعف. لو استمر الشعور بعدم الارتياح، يبقى الأفضل إنكِ تكملي طريقكِ لوحدكِ دلوقتي. ربنا يهديكِ للأفضل ويبعد عنكِ أي تعب. لو عايزة تتكلمي أكتر عن معايير الاختيار، أنا هنا.
تم النشر الخميس، ٢٢ أكتوبر ٢٠٢٦
هو كلم اهلى وانا فضلت على قرارى النهائى وفشكلت خالص عشان انا عاوزة راجل يكون كلمتة من دماغة وهو بس مش اى فرد من العلية يقول رايئة
تم النشر الخميس، ٢٢ أكتوبر ٢٠٢٦
لعرض السؤال في فدني اضغط هنا