السلام عليكم ورحمة الله تعالى وبركاته
انا مشكلتي اني بتعصب بسرعه واي حاجه بتوترني وبفقد اعصابي بتعامل وحش مع اي حد يكلمني وانا متعصبه وسبب توتري او عصبيتي اني ملقيش حاجتي في مكانها او الاقي المكان مش متظبط او كركبه وزحمه او لو رايحه اعمل حاجه والاقي حاجه ناقصه توتر جامد واتعصب ومع العصبيه عياط بقي لما اكون لوحدي انا الموضوع ده تعبنيييييييي وارهقني جامد بجد
وعليكم السلام ورحمة الله وبركاته. أنا فاهمة تمامًا إن الموضوع ده بيرهقك ويخليكِ تشعري بالإحباط الشديد، خاصة لما العصبية تيجي بسرعة بسبب حاجات يومية زي الفوضى أو نقص حاجة. ده طبيعي إنك تكوني عايزة تسيطري عليه عشان ترتاحي. ابدئي بخطوات عملية بسيطة: ركزي على تنظيم بيئتكِ من الأساس عشان تقللي المحفزات. مثلًا، خصصي أماكن ثابتة لكل حاجة مهمة في البيت أو الشنطة، واعملي قائمة يومية صغيرة للأشياء اللي بتحتاجيها قبل ما تبدئي أي مهمة. ده هيساعدكِ تتجنبي التوتر المفاجئ. لما تحسي بالعصبية قادمة، جربي تبتعدي عن الموقف لدقايق قليلة وتفكري في السبب الحقيقي وراه، مش بس الظاهر، عشان تقدري تتعاملي بهدوء أكتر مع اللي حواليكِ. كمان، مارسي عادات يومية تساعدكِ على السيطرة طويل الأمد، زي كتابة مذكرات قصيرة عن المواقف اللي بتثيركِ وإيه اللي ممكن تعمليه مختلف المرة الجاية. وادعي الله دايمًا بالصبر والسكينة، فالدعاء بيخفف الضغط النفسي ويمنحكِ قوة داخلية. الموضوع ده مش هيتحل بين يوم وليلة، لكنه هيتحسن تدريجيًا مع الاستمرار، وأنتِ قادرة عليه. لو عايزة أفكار إضافية، ابحثي عن أسئلة مشابهة على فدني عشان تشوفي تجارب أخرى.
تم النشر السبت، ١٨ يوليو ٢٠٢٦
كنت زيك وادايق لماا حد يعك ف حاجتي والي هو زعيق للصبح ونكد وبعدين اتكشفت اني بعد عصبيتي وحرقة دمي مفيش ولا اي استفاده والحمد لله الحمد لله بجد بقالي اربع سنين اي حاجه تحصل او اي موقف بقول الحمد لله إن شاء الله خير لان خلاص الحاجه دي حصلت ولا زعيقي ولا عصبيتي هترجع الحاجه دي او هتعدلها او هتظبط اي حاجه بالعكس دمي بيتحرق وببقي مخنوقه ومش طايقه الي حوالياا وده مؤذي ليا ف الي هو الحمد لله فاهمه دي افيد واحسنلي
تم النشر الاثنين، ٢٠ يوليو ٢٠٢٦
بصي كلنا عصبيين وكلنا ساعات من الضغط بنتعصب من اقل حاجة كل الي عليكي تهدي خالص لو لقيتي حاجة ضايقتك استغفري ربنا بدل ما تزعقي هتلاقي أن شاء الله مع الوقت هديتي وبقيتي احسن ده تراكم ضغوط مش اكتر
تم النشر الأحد، ١٩ يوليو ٢٠٢٦
لعرض السؤال في فدني اضغط هنا