الحلم من بدايته خالص كنا ماشيين انا واصحابي واحده صاحبتي قررت نمشي من طريق مختلف خالص وانا المفروض رايحه عند صاحبتي فمشينا واحنا كنا ثلاثه فانا كده كده مش عارفه الطريق بس هما الاتنين عايشين في نفس المنطقه فواحده فيهم قررت هنمشي من طريق مختلف خالص الثانيه قالت لها انه اشمعنا وانا اصلا ما اعرفش الطريقه ده المهم مشينا مارينا بزحمه عربيات كتير بعدين عدينا على مكان في زرع وفجاه وصلنا مكان في ستات كتير لابسين اسود ما نعرفهمش فسالناهم في ايه قالوا في غريق واتخضينا قوي فرحنا مشينا بسرعه جدا وانا اول ما شفت الزحمه والناس الكثير والعربيات عشان ينقذوا الناس الغريقه اتخضيت وبكيت وقعدت اقول لها انت ليه مشيتيني من الطريق ده بعدين قالت لي خلاص ما تبصيش فاحنا ماشيين رحت انا بصيت في نقطه معينه في الميه راح بس لي راجل كان لابس جلابيه في نفس الوقت طلع الطفل من نفس الحته اللي انا بصيت عليها وكان شايله كانه لسه مولود طالع من باطن امه الراجل بص لي بصه واحده بجمود او باستغراب ما اعرفش الطفل كان لونه ابيض نقي بعديها انا قعدت اصوت بعدين مشينا عدينا على عزاء الرجاله بعدين لقينا زرع ولقينا بيت صاحبتي واحنا ما كناش المفروض رايحين عنديها كنا رايحين عند الثانيه رحت قلت لها المنطقه دي زي منطقه عندنا وراحت هي بتكلم واحده وانا لسه هسلم على الناس اللي قاعدين رحت طلعت الوحده دي في حياتي الحقيقيه انا اول ما شفتها اترعبت وجريت هم جريوا معايا بعدين المكان مره واحده تحول اسود بقى ليل وانا مره واحده اتمليت شوك من الارض وبعدين مره واحده احنا وبنجري لقيت نفسي قدام بيتي واصحابي سابوني هناك ومشيوا مع ان احنا بيوتنا متباعده تماما بعدين ما اعرفش ازاي وصلت بس حاولت اوصل البيت من غير ما حد يشوفني وصلت الدنيا لسه ليل وصلت البيت من اول ما دخلت قعدنا نتخانق كثير انا ووالدتي والجو كان متوتر وكنت مخنوقه،،،، في ملاحظات الميه او النيل اللي طلع منه الطفل دي اكثر ميه شفتها في حياتي نقيه زرقاء شبه السما صافيه اوي والطفل برده كان ابيض بطريقه مريحه للعين ايه تفسير الحلم ده
لعرض السؤال في فدني اضغط هنا