السلام عليكم
دلوقتي كنت أنا وصحابي في ثانوي مع بعض وللاسف المجموع بتاعي مكنش أحسن حاجه وهما دخلو تربيه رياضيه وحقوق وانا مكنتش حابب تربيه رياضيه بصراحه فدخلت فني تجاري على اساس اخلص وادخل جامعه بس هكون متأخر سنه
قلت عادي بس للاسف في سنه أولى حصلت مشاكل وعدت السنه تاني للاسف ودلوقتي يعتبر كده لما أخلص وادخل جامعه لاني دلوقتي في سنه تانيه هكون متأخر سنتين عنهم
وبصراحه محتار جداً أعمل ايه ادخل ولا خلاص كده ومدخلش كليه وأهلي عاوزين شهاده جامعه بس انا زعلان جداً ومحتار ودماغي هتقف فممكن مساعدة او اقتراحات وشكرا
صلي صلاة استخاره و ادعي ربنا و صلي علي النبي كتير كتير جدا و حتي لو الكليه مش عجباك او انتا زعلان هتلاقي توفيق رهيب من ربنا بس ياريت متكونش مزعل ابوك وامك منك و تحاول تقرب من ربنا وغصب عنك ربنا هيدخلك الطريق الصح و هتحمد ربنا ساعتها و علي فكره مفيش كليه وحشه كدا هتشتغل و كدا هتشتغل وربنا يعينك و يعنا و صلي علي النبي
تم النشر السبت، ٢٩ نوفمبر ٢٠٢٥
وعليكم السلام ورحمة الله، أهلاً أخي — أنا ذكية، ويسعدني أساعدك. أولاً أقدّر قدّ إيه الموضوع مضايقك — خسارة طويلة العمر يبقى صعب، والطبع إنك تزعل وتتردد. لكن خلّيني أقول لك شوية حقائق و خطوات عملية تساعدك تقرر بوعي: 1. مش مشكلة تكون متأخر سنة أو سنتين - كتير ناس دخلوا الجامعة في سن أكبر من أصدقائهم وبنوا مستقبل ممتاز. النضج والخبرة اللي كسبتها ممكن تكون لصالحك في الدراسة والعمل. 2. فكّر في هدفك الحقيقي - اسأل نفسك: إيه الشغل اللي نفسي توصله؟ هل الشهادة الجامعية مطلوبة له؟ ولا شهادة مهنية/دبلومة تكفي؟ لو هدفك وظيفة معينة اسأل عن شروطها ودرجتها المطلوبة. 3. قيّم الخيارات العملية - تكملة الجامعة الآن: مزاياها (شهادة رسمية، فرص عمل أوسع، رضا العيلة)، عيوبها (التأخر عن الأصحاب، وقت ومجهود). - البدائل: شهادات مهنية/تدريب فني متقدم، دورات معتمدة، شهادات إلكترونية، شغل وتعلم أثناء العمل، أو دخول كلية لكن بجانب عمل جزئي. - فكر في الجامعات المفتوحة أو التعليم عن بُعد إن كانت متاحة — هتخليك تدرس وتشتغل مع بعض. 4. خطوات عملية تساعدك الآن - اكتب قائمة بالأقسام أو التخصصات اللي ممكن تهمك. - ابحث عن متطلبات القبول لكل مسار (كلية/معهد/دورات) — اتصل بمكتب القبول لو احتاجت توضيح. - اعمل جدول زمني: إيه الخطوات الشهرية (تسجيل، دورات تحضيرية، شغل جزئي، توفير مصاريف). - احسب ميزانية: هل أهلك هيدعموا؟ هل هتحتاج منحة أو شغل أثناء الدراسة؟ 5. التعامل مع المشاعر - طبيعي تزعل وتحس بالندم أو القلق. خليك تذكّر إن القرارات المستقبلية أهم من الندم على الماضي. استثمر قوتك الآن في خطة واضحة بدل ما تضيع وقت في اللوم. 6. نصيحة دينية ونفسية خفيفة - اصبر واطلب التوفيق من الله، واعلم أن كل تجربة فيها خير وإمكانية للتعلم. التواضع والعمل المتأني أحسن من قرار متسرع. 7. لو محتاج مساعدة عملية أنا معاك - لو تحتاج استشارة مهنية أعمق تقدر تتواصل مع خبراء التوجيه على صفحة الخبراء في فدني: https://www.fedni.net/experts - ابحث في فدني عن أسئلة مشابهة علشان تشوف تجارب ناس تانية ونصائح مختلفة. لو تحب، قل لي: إيه الاهتمامات أو المواد اللي بتحبها؟ وأيه الأهداف المهنية اللي في بالك؟ هساعدك نرسم خطة واضحة خطوة بخطوة.
تم النشر السبت، ٢٩ نوفمبر ٢٠٢٥
انا مش حابب ادخل في نقاش مع اهلي بكل صراحه لان الموضوع هيكون صعب جدا والنقاش واثق انه هيخلص بكلام مش هيعجبني وكلام مش احسن حاجه، ف ممكن في الاغلب ادخل الجامعه علشان خاطر ارضيهم وميزعلوش وكده كده الشغل بتاعي و المشروع بتاعي هكون شغال عليه برضو وربنا يوفقناا جميعا يارب في اللي بنسعالو
تم النشر السبت، ٢٩ نوفمبر ٢٠٢٥
انا معايا اكتر من كورس والحمدلله وشغال وشغلي بالدولار وان شاء الله كمان فتره قريبه هيكون عندي مشروعي الخاص، بس الفكره في موضوع الجامعه اكمل ولا لا مش عارف اخد قرار وفي نفس الوقت حاسس ان قرار اني مكملش هيكون صعب لان اهلي عاوزين شهاده تخرج واكون مخلص جامعه وخلاص وبنسبه ليهم الشغل بتاعي او اي حاجه مش مهم المهم الجامعه علشان دي اللي بعد لما تخلص هتلاقي شغل وكل الكلام ده وانا مش عاوز ازعلهم برضو.
تم النشر السبت، ٢٩ نوفمبر ٢٠٢٥
اي المشكلة لو اتأخرت عنهم ؟
تم النشر الثلاثاء، ٢ ديسمبر ٢٠٢٥
لا تجعل هبوط معدل أو تأخرك عن زملائك وكأنها نهاية الدنيا وأكبر خساراتك، لا تخجل ولا تظنه شيء يقلل من امكانياتك، طبيعي أن تتأخر أو تتعثر في مرحلة ثم تعود لتكون في أفضل حالاتك، لا تضيع وقتك وتستهلك نفسك باللوم على عثراتك، لا أحد مستثنى مادمت تنهض وتسعى وتحاول هذه هي أول انتصاراتك عبدالله آل جرمان
تم النشر الاثنين، ١ ديسمبر ٢٠٢٥
كمل وسيبها على الله وملكش دخل بكلام الناس ما ناس كتير تأخرت ووصلت اللي عايزاه كمل وهتحقق حلمك إن شاء الله.
تم النشر الأحد، ٣٠ نوفمبر ٢٠٢٥
ما شاء الله اللهم بارك ، طالما أنتَ في حيرة شديدة ف يستحسن متاخدش قرار تجاه الموضوع غير لما تفسر وجهه نظرك بالتفصيل لأهلك بكل هدوء و لو عملت كدا مسبقاً و هم لسه على رأيهم ف في كل الأحوال خلي يقينك بإن حل الأمر ده بصلاة الإستخارة فقط، صليها و توكل على الله في القرار اللي هتاخده و لو هو مش خير ليك ف هتلاقي صعوبات كتيرة في الطريق الي سلكته ،ربنا يقدرلك اللي فيه الخير
تم النشر السبت، ٢٩ نوفمبر ٢٠٢٥
و عليكم السلام و رحمة اللّٰه و بركاته ، الحقيقة وجهه نظري من وجهه نظر أهلك، متخليش صحابك يأثروا على مستقبلك ظروفهم غير ظروفك و حياتهم غير حياتك ، كمِّل تعليمك ، و أعتبر الي حصلك درس تتعلم منه أخطائك الي أثرت عليك السنة الي فاتت ،أعتبرها فرصة تطور من نفسك في الدراسة ذي إنك تاخد كورسات بشهادات معتمدة تنفعك في الشغل فيما بعد ،و طبعاً أستخير الله عز و جل قبل متُقدِم على أمر ذي ده و بالتوفيق
تم النشر السبت، ٢٩ نوفمبر ٢٠٢٥
لعرض السؤال في فدني اضغط هنا