إزاي أعرف انى شخصية حديه فعلا ولا لا بدون استشار طبيب نفسي؟
السلام عليكم ورحمه الله وبركاته اكثر حاجه في الامور النفسيه او في الامور اللي محتاجه فعلا استشاره طبيه واضحه من طبيب والتواصل مع الطبيب مباشره وان احنا نأكد خلل او مرض معين او ننفي المرض ده ولا ده ينفع ولا ده ينفع فبلاش نقول ان احنا نعرف ازاي ان احنا عندنا المرض ده او لا لكن الاهم هنا ازاي اعرف انه انا هنا فعلا في ضروره ملحه ان انا لازم الجا للطبيب النفسي ودي المعلومه اللي انا يعني احب ان انا اقولها في اجابه السؤال ده. بدون ما اروح للدكتور انا ممكن اعرف اذا كنت محتاج الدكتور ولا لا؟ الطبيب النفسي انا محتاجه لو انا بدات احس ان انا في امور انا فقدت السيطره عليها في نفسي في ذاتي سواء بقى الاصوات الداخليه بتوجهني وأنا مش قادر ان انا اوقف التوجيهات اللي هي بتعملها بتعملها فيا دي وبسمعها بدون ما اقدر ان انا اقيمها واقف اقول صح ولا غلط اعمل ولا معملش موضوع بدأ وكاني مش قادر اختار ده كده واحد من الاسباب ان انا ابدا اني مش قادر اقوم الروتين اليومي الطبيعي بتاعي الروتين اليومي بتاع انه انا اقوم بالنظافه الشخصية بتاعتي احضر الاكل بتاعي واكل بنفسي او اني لما اجوع اصلا اكل كل دي الحاجات اللي داخله في الروتين اليوم الاحتياجات الاساسيه بتاعتي ان انا اروح شغل زي ما بروح ان انا اروح مدرستي ان انا اتكلم مع الناس اللي انا بتعامل معاهم عاده في اليوم لو بدات الامور الروتينيه الطبيعيه بتاعه كل يوم تبقى صعبة عليا جدا جدا ولمده تعدي الاسبوعين فانا هنا في حاجه شديده اني اروح للطبيب النفسي دول كده اكبر سببين احنا بنحتاج ان احنا نروح بيهم للطبيب النفسي طالما حياتي الروتينيه تأثرت طالما سيطرتي على نفسي تاثرت بقى في الشيء جوايا او حاله عموما حتى لو مش قادر اوصفها هي اللي مسيطره عليا هي اللي مسيطره على افعالي فانا لازم اروح للطبيب النفسي عشان هو بقى اللي يقدر يحدد لي هو ايه الخلل اللي عندي ده اسمه ايه ويندرج تحت اسم انهي تشخيص وما ينفعش ان انا اعمل ده لوحدي ولاني اشخص ولا اني ابعد تشخيص معين.
تم النشر الأربعاء، ٣٠ يوليو ٢٠٢٥
اولا انا عايزه اعرف انت شخصتي نفسك ان عندك اضطرابات الشخصيه الحديه ازاي هل قالك الكلام ده هل قريتي اي اضطرابات نفسيه وخصوصا اضطراب الشخصيه ده بيبقى محتاج دكتور نفسي لان بيبقى في ادويه بتتاخد بيبقى في جلسات معينه للتشخيص او للاضطراب دوت فلازم تلقائي الدكتور نفسي وممكن يكون ده مش عندك وانت بيتهيأ لك ممكن يكون عندك اضطرابات نفسيه بسيطه انت تعبانه نفسيا ومريت يبقى أزمات في حياتك لكن لازم تستشيري دكتور نفسي وما تاخديش اي ادويه وما تشخصيش حالتك وما تعتمديش على كلام الناس انت اتجهي فورا للدكتور نفسي
تم النشر الاثنين، ٤ أغسطس ٢٠٢٥
مش هتعرفي من غير طبيب نفسي لانك مش داريه الموضوع دا حتى الطبيب النفسي لازم يرجع لحد غيره علشان يشخصه، فلازم ترجعي لطبيب نفسي ثم إن الشخصية الحديه جامعه من كل اضطراب نقطه فصعب تعرفي دا لوحدك لانك ممكن تقولي اه انا بحس بكدا بس بعد كدا تلاقي عندك اضطراب تاني فاهمه قصدي؟ فلو عاوزه تعرفي روحي لدكتور نفسي ولزم تفهمي أنه مينفعش يشخصك من اول جلسه لزم اكتر من جلسه
تم النشر الخميس، ٣١ يوليو ٢٠٢٥
مستحيل تعرفي بدون طبيب "مختص" مش طبيب من اللي اياهم. بس ممكن تعرفي لوحدك طبعا بدون استشارة حد عن طريق انك تدخلي كلية طب نفسي و تعملي كورسات ١٢ سنة.
تم النشر الجمعة، ١ أغسطس ٢٠٢٥
الله المستعان .. لو من الوالدين مين تحديدا الأب ولا الام ؟ لانه بيفرق
تم النشر الخميس، ٣١ يوليو ٢٠٢٥
ايوا كتير
تم النشر الخميس، ٣١ يوليو ٢٠٢٥
هل تعرضت لاهمال أو قسوة
تم النشر الخميس، ٣١ يوليو ٢٠٢٥
ده اضطراب الشخصيه وأكيد له اسباب
تم النشر الأربعاء، ٣٠ يوليو ٢٠٢٥
طب وليه تبقي حديد وربنا خلقك بشر عادي?!
تم النشر الأربعاء، ٣٠ يوليو ٢٠٢٥
لعرض السؤال في فدني اضغط هنا