مش لاقيه نفسي... ازاي الواحد يعرف يرجع لشخصيته القديمه
يبقى عارف هو إيه اللي بيفرحه والعكس
السلام عليكم ورحمه الله وبركاته طيب الاول احنا محتاجين نشوف احنا ضيعناها فين يعني هي وقعت مننا فين وقعت مننا امتى ايه الحاجه اللي جاءت لخبطت الدنيا كده وبعترت نفسنا مننا نشوف ده الاول علشان نقدر نلاقي بقى الطريق لان هو الطريق اللي هو وقعت فيه هو ده الطريق اللي احنا نقدر ايه نرجع كده ونلم حاجاتنا اللي اتبعترت وناخدها ونكمل لقدام لانه بلاش نرجع لورا بلاش نقول عايزين نرجع لشخصيتنا القديمه ان احنا محتاجين ان احنا نتعلم من تجاربنا اللي هي اصلا ضيعت مننا شخصيتنا القديمه دي فضروري تتحرك لقدام يبقى معانا الشخصياتنا القديمه بكل تفاصيلها ويكون معانا كمان التجارب اللي عدت علينا علشان واحنا بنتحرك قدامنا شخصيه جديده اروق واحسن وبتوصل لنتائج افضل ان شاء الله فكره بقى اللي يفرحه والعكس يعني هنا ممكن تكوني عايشه كده دائما في دائره حزن وبرده هنحتاج نعرف هي ايه الحاجه اللي حزنتنا ومن ساعتها مش عارفين نتبسط ثاني الحاجه اللي خلتني خلاص بقينا شايفين كله اسود وكان مفيش حاجه هتستدعي الفرحه تاني يعني
تم النشر الاثنين، ٢٥ أغسطس ٢٠٢٥
بص لازم طبعاً أول حاجة تركز عليها هي علاقتك مع ربنا و حاجات تانية هقولك عليها: بص لازم تعرف شغفك في الحياه عن طريق إنك تقعد مع نفسك و تسأل نفسك سؤال مهم انت عايش ليه ايه هدفي الي أنا عايزه من الحياه و تلاقي إجابة . و نصيحة زيادة حاول تقرأ أو تتعلم عن علم النفس هيساعدك انك تتعرف على نفسك و شخصيتك و دا جزء مهم عشان تعرف تطور نفسك ازاي . اتمنى أكون أفدتك ❤️
تم النشر الثلاثاء، ٢٦ أغسطس ٢٠٢٥
ابدئي بإنك تنتظمي ف علاقتك مع ربنا زي انك تصلي الصلوات الخمسه ف وقتها بانتظام حول تجددي إيمانك دايما بلا إله إلا الله زي ١٠٠٠ مره ف اليوم هتبدئي ترتاحي اوي من جواكي بجد لما تقربي من ربنا اقرأي قرآن لو حتى صفحه ف المصحف عشوائي هتلاقي راحه من جواكي شوفي الحاجه اللي بتحبها واعمليها العبي رياضه اقري كتب واسمعي لمصطفي حسني بجد فديوهاته ليها تأثير كبير
تم النشر الاثنين، ٢٥ أغسطس ٢٠٢٥
مرحبًا يا جميلة، معاكِ ذكية 🌸 أول حاجة حابة أقولها إن الشعور إنك "مش لاقية نفسك" أمر بيمر عليه كثير من الناس، وده طبيعي لأننا في حياتنا بنمر بتغيرات واختبارات بتخلينا نتساءل عن هويتنا وأمانينا. علشان ترجعي لشخصيتك القديمة وتعرفي إيه اللي بيفرحك وإيه مش بيُدخل عليك سعادة، ممكن نمشي مع بعض على خطوات بسيطة وعملية: تذكري لحظاتك السعيدة حاولي تسترجعي مواقف أو أوقات كنتِ فيها سعيدة أو مرتاحة جدًا، اسألي نفسك: إيه كانت الأفعال أو الظروف اللي خلتني أحس بالسعادة؟ هل كانت هوايات معينة؟ صحبة معينة؟ أمور كنتِ بتقومي بيها؟ كتابة يوميات جربي تكتبي يوميًا بإختصار عن شعورك، عن اللحظات اللي حسيتي فيها بالراحة أو الحزن. الكتابة بتساعد على ترتيب الأفكار واكتشاف دواخلنا. راجعي أولوياتك وقيمك أحيانًا بتتغير الأولويات فبنضيع إحساسنا بذواتنا، فحاولي تسألي نفسك إيه القيم اللي بتهمك؟ إيه اللي بتقدري ما تتنازليش عنه؟ التجربة والتجديد بحذر جربي تعملي حاجات كنتِ بتحبيها زمان وحسِّي لو لسة بتعطيكي نفس الشعور، ولو لأ جربي حاجات جديدة متوافقة مع قيمك وأفكارك. الصبر والرحمة بالنفس خدي وقتك، ومتكونيش قاسية على نفسك لو لقيتي نفسك مش زي زمان، دي مرحلة وتعدي بإذن الله. لو حبيتي، ممكن تقدمي سؤال أو تجربتك في قسم الاستشارات على فدني علشان تلاقي دعم وتوجيه أعمق من خبراء في تطوير الذات أو علم النفس. وفي النهاية، تذكري، النفس رحلة مش هدف ثابت، وكل مرحلة فيها فرصة للنمو والتطور 💖 لو حابة تسألي أكتر أو توضيحات، موجودة هنا معاك دايمًا.
تم النشر الأحد، ٢٤ أغسطس ٢٠٢٥
اسمعي فيديوهات كتير عن الموضوع واقري كتب دا هيساعدك كتير واقعدي مع نفسك كتير
تم النشر الجمعة، ٢٩ أغسطس ٢٠٢٥
إقرأي كتب لدكتور محمد طه هتساعدك جدا
تم النشر الاثنين، ٢٥ أغسطس ٢٠٢٥
انك تقعدي مع نفسك وتشوفي اي الشغف الي عندك وتبدائي تحددي اهدافك ولو معندكيش اهداف اعملي اهداف ابدائي شوفي نفسك حاليا هي محتاجه اي مش تدوري ع نفسك القديمه
تم النشر الاثنين، ٢٥ أغسطس ٢٠٢٥
يترك ما يشتته عن نفسه مثل المشتتات كالهاتف وفرط الطعام والمعاصي لكي يتذكر نفسه ويتصل ويسمع أفكاره ويعبر عنها
تم النشر الاثنين، ٢٥ أغسطس ٢٠٢٥
شوفي ايه اللي وصلك وكده عمرك ماتعرفين تشوفي نتيجه غير اما تعالجي السبب
تم النشر الاثنين، ٢٥ أغسطس ٢٠٢٥
لعرض السؤال في فدني اضغط هنا