انا كنت بدأت ختمه قرآن ولسه مش خلصتها حاليا انا في سوره الزمر هبدأها لسه وبعد بكره رمضان
كدا حرام عليا ان الختمه طولت معايا مده كبيره وهل هلحق اخلصهم في يوم قراءه
وكمان سؤال لو فيه علامه السجود وانا مش سجدت كدا أخدت ذنب ولو سجدت اقول اي ولو بقرأ وانا عندي الحيض اسجد ولا لا
ورمضان مبارك عليكم
لا مش حرام أن الخاتمه طولت و كمان و لو عندك الحيض مينفعش تصلى ولا تصومى بس عادى جدا انك تقرى القران و تسجدى لأن انتى مش بتصلى و هذا و الله اعلم الدعاء تقدرى تبحثى ع جوجل دعاء سجدة التلاوه لانى مش فاكره كامل و مش هقدر أفيدك + ربنا يبارك فيكي يا رب
تم النشر الاثنين، ١٦ فبراير ٢٠٢٦
اولا مش حرام ان الختمه تطول ولا حاجه مفهاش حاجه ، وتقدر تخلص الباقي قبل رمضان ما يبدا عادي وحتى لو ملحقتش برضو عادي ممكن تكمل الختمه مش هتاخد معاك كام يوم ف رمضان وابدا ختمه جديده او ابدا ختمه جديده من اول رمضان وخلاص براحتك + سجدة التلاوة الي في القران سنه يعني مش غصب عنك لازم تعملها بس لو عملتها بتاخد حسانات ولما تسجد تقول دعاء سجود "سجد وجهي للذي خلقه وشق سمعه وبصره بحوله وقوته" ولو مش حافظه او مش عارف تحفظه ممكن تقول سبحان ربي الاعلى ٣ مرات عادي والله اعلم
تم النشر الثلاثاء، ١٧ فبراير ٢٠٢٦
الحكم واحد من الهاتف او عن ظهر قلب
تم النشر الثلاثاء، ١٧ فبراير ٢٠٢٦
عليكي بأهل العلم الثقات .... انا مش هقول فتوى ولكن نصيحتي انك لا توسوسي مثلا ايه الحرام في ان الختمة تطول ؟!
تم النشر الأربعاء، ١٨ فبراير ٢٠٢٦
جزاك الله خير وشكرا لك
تم النشر الثلاثاء، ١٧ فبراير ٢٠٢٦
جزاك الله خيرا، انا مش بقرأ عن ظهر قلب يعني مش بقرأ من حفظي انا بقرأ من المصحف بس منزلاه Pdf علي الموبايل عشان مينفعش امسك المصحف وانا حائض
تم النشر الثلاثاء، ١٧ فبراير ٢٠٢٦
قال الإمام عبدالعزيز بن باز رحمه الله هل تسجد المرأة الحائض سجود التلاوة؟ الصواب أنه لا حرج في ذلك، لا بأس أن تقرأ عن ظهر قلب، ولا بأس أن تسجد، كما تذكر الله جل وعلا، فالسجود من جنس القراءة، ومن جنس الذكر ليس صلاة على الصحيح؛ ولهذا يجوز للقارئ أن يسجد وإن كان على غير وضوء في أصح قولي العلماء، فهكذا الحائض والنفساء لهما أن تقرآ عن ظهر قلب، ولهما أن تسجدا إذا مرتا بالسجدة على الصحيح؛ لأن حدثهما يطول، وليستا مثل الجنب، الجنب في إمكانه الاغتسال بسرعة، فليس له أن يقرأ، أما الحائض والنفساء فمدتهما تطول ولا يجوز قياسهما على الجنب، فلهما أن تقرأا ولهما أن تسجدا إذا مرتا بسجدة في أصح قولي العلماء، كما أن لهما أن يسبحا ويهللا ونحو ذلك، نعم.
تم النشر الثلاثاء، ١٧ فبراير ٢٠٢٦
لعرض السؤال في فدني اضغط هنا