اختي الصغيره 7 سنين دايما بتعيط علي اقل حاجه هي حرفيا عيوطه وبتقعد تعيط بالساعات ولازم الحاجه اللي عايزاها تحصل بتعصب البيت كله لدرجه ان حتي ماما اللي دايما هاديه بتعصبها جدا ومحدش في البيت عارف يتصرف معاها او يعدل سلوكها ازاي.
ده طريقة للطفل يعبر بيها عن كل مشاعره فده طبيعي حتي لو عياطها كتير العيب مش منها هي بس بتحاول تلقت الانتباه أو تقول ريحوني اسمعوني.. فأنتم عليكم الصبر و ترويضها بحنيه مش إهمال ولا عنف.. هي سنها يسمح ل...
الاطفال بيجربوا كل الطرق لحد ما يلاقوا الطريقة اللى يقدروا يكونوا مؤثرين بيها على اللى حواليهم ....فهى كده وصلت ان دى اكتر طريقة مؤثرة . العيوطة بيكون مش عارف يتعلم طريقة تانيه يقول بيها اللى عاوزة. ا...
حاولوا تشغلوا وقتها بانشطه والعاب ذكاء وكتب تلوين وقصص والغاز وحاجات كتير مناسبه لسنها خلوها هي تؤلف لغز وتسألكم احكوا معاها كتير النت مليان افكار كتير وفي صفحه عالفيس اسمها الاطفال عشقي فيها افكار كت...
7 سنين يعني اصبحت عاقلة في سن بداية تعلم الصلاة .. لكن برغم كده مازالت طفلة ، سؤال بقي ليك انت .. مين في الدنيا كلها بيسيب ابنه او اخته تعيط بالساعات ؟! بالساعات ..!!! لا واضح انها مهمة قوي بالنسبة ليكم .. لمعلوماتك و قبل ما تهاجمني .. او تتضايق من كلامي لحظة افهمك شيء .. كتر العياط و كتر الضرب الاتنين دول فيهم شيء مشترك .. بيأثروا علي الشخصية و بيأثروا علي صحة القلب .. يعني مينفعش طفل يتساب بيعيط بالساعات ، دي نقطة .. من اللي انت قولته و وصفك ليها بالعيوطة واضح برضه ان مش مشكلة عندكم انها تعيط بالساعات المشكلة انكم مش بتطيقوا العياط ده ، يا ريت حد قريب قوي منها اللي هو مش انت و يكون حد مبتخافش منه جدة او خالة او حتي بنت كبيرة في العيلة .. تعقد معاها شوية لوحدهم و بالسياسة يكلمها في كذا حاجه لحد اما تتبسط و بعدين يسالها مالها و ليه كل حاجه بتعيط كتير عليها .. و إيه اللي مضايقها و بعد اما يوصل لأستنتاج يعرفكم ، و ده لمصلحة بنتكم .. و ربنا يهديني و يرحمكم .. ملحوظة : دا رايي الشخصي من اللي قريته في سؤالك .
معظم الاطفال في السن ده كده ، وللاسف برضه بيبقي نتيجه لغلط بيقع فيه الامهات ، ان عشان نسكت الطفل نديله الحاجة اللي عاوزها ، وكثرة دلال الطفل بتوصله ل ده ، ف احنا هنعمل ايه ، هنمسك الطفله وبكل هدوء نتكلم معاها ، انتي بتعيطي ليه دلوقتي عايزه كزا (---) طب ما تطلبيه من ماما بهدوء ، العياط مش هيجيب نتيجه وهيخلي ماما ماتجبلكيش الحاجة دي ، فأنتي حره عايزه تتعبي نفسك بالعياط اقعدي عيطي محدش هيتكلم معاكي ولا هيجبلك حاجه ، و حاولوا تتكلموا معاها بالعقل كأنها حد كبير وفاهم ومع الاستمراية هتبطل الزن علي اي حاجة
• ما أخبار مستواها الأكاديمي ، إذا لديها مشاكل وصعوبات في المُذاكرة إذًا البنت تحتاج إلى جلسات (تأهيل أكاديمي - صعوبات تعلم - تعديل سلوك).
لعرض السؤال في فدني اضغط هنا