السلام عليكم
حلمت حلم عجيب اول مره أحلم بيه
انا كنت نايمه تحديداً من الساعه واحده الضهر للساعه ٤العصر
(مكنتش مفوته الصلاه لإن كان عندي عذر شرعي عمري مفوتها الحمد لله ، هحكي لحضرتك عن يومي قبل م انام يمكن له علاقة
صحيت الساعه ٦ الصبح ذاكرت حبه و سمعت حبه من سوره مريم و الرحمن و مكنتش بفكر ف حاجه غير ديننا و ربنا و إن الدنيا فانيه و كلام كتير و كبير عن الحياة بشكل عام لإن الكلام ده أنا كنت غافله عنه من مده بس اصريت أعرف اكتر عن ديني و أنا متعوده امارس التأمل و الناس كلها نايمه خصوصاً إننا عايشين ف منطقه امامنا جبال و زرع ونا نصف اليوم ببقا قاعده لوحدي ف ده بيساعدني اكتر ،بعدها ب حبه كتير سمعت السيره النبويه كان وقتها بيتحدث عن غزوة بدر و قرأت بعدها سوره الأنفال و مكنتش بفكر ف حاجه ونا نايمه غير قبلها ب حبه كنت بفكر ف نعم ربنا و بدعي و كنت بقرأ آيات و تفسيرات
و عموماً انا بقرأ أذكار النوم قبل النوم عشان تحميني
و بطبق السنه و بنفض سريري قبل م انام بس المرادي نمت على جمبي الشمال مش اليمين المهم
نمت و حلمت ان انا صاحيه و باصه لجزء معين من الأوضه و قلبي بيتحدث مع لساني و معرفش بيقولو إيه انا كنت ف عالم تاني و مش مركزه في كلامهم
الحلم غريب اوي وصفه بس الي انا فكراه إن مكنتش عارفه ايه الي بيحصل و الي عقلي مجمعه إن ده بس الي بيحصل ، و كنت بحلم ان حد بيقولي أنتِ مصدقه؟ ونا كان عقلي مش مصدق خالص الي بيحصل انا مش عارفه اتحكم ف قلبي و لساني ، ف اتعاد الكلام جمله انتي مصدقه؟ لو مصدقه هتصحي و لو مش مصدقه ف مش هتصحي، انا كان ف مخي بقول مصدقه عشان اصحى لكن انا من جوايا مش مصدقه ، ف الصوت رجع تاني و قالي مش هتقومي عشان انتي مش مصدقه ف الي جيه ف بالي ان ده ايه و إن سبحان الله ازاي الرسول كان بيجيله جبريل في الحقيقه و مكنش بيخاف
معرفش ليه ده جيه ف بالي وقتها بس جيه ف بالي حاجات كتيره عن الرسول صلى الله عليه و سلم و رسالته ف الوقت ده بس مش متذكره تفاصيل
ف رجع الصوت و قالي انتي مصدقه الي بيحصل؟ روحت صدقت من الصدمه و من رغبتي ف ان أنا أقوم و بعدها صحيت من النوم!! اول مصدقت الي بيحصل صحيت فعلاً رغم إن مكنتش عارفه اصحى!!!!
و اول مفتحت عيني لقيت ان انا باصه لنفس الزاويه الي كنت ف الحلم ببصلها
و قومت ونا حاسه ب ثقل و إرهاق كبير و برغم ان كان نفسي أكمل نوم إلا إن انا قومت غصب عني عشان مرجعش للحلم و جيت اشوف في حد ف الشقه ولا لاء ملقتش
انا عمري محلمت ب حلم ذي ده و مش قادره افهم ايه ده خالص بس الي متأكده منه إن ده مش جاثوم ، لإن الأمر مكنش إن انا مش عارفه أتحرك و بحاول اتحرك بل هو انا مكنتش عارفه اصحى أصلا كأني محبوسه جوا الحلم
لعرض السؤال في فدني اضغط هنا