السلام عليكم
كنت عاوزه أسأل في موضوع
في دكتور بيدي كورسات المهم احنا في أيام الميد
وحبيت أنا وصحبتي ناخد معاه المهم اشتركنا كأننا واحد هيا تدفع النص وانا النص التاني
والمشكله ان اللي بيدينا طالب اكبر مننا بكم سنه واكيد محتاج الفلوس دي
أنا حاسه بالحرمانيه خصوصا انه محتاج الفلوس دي
لكن أنا اشتركت أنا وهيا علشان مصاريفنا كتير اوي
أدوات المعامل والسكاكين غاليه اوي
فعملنا كدا بغرض التوفير
عارفه الموضوع مقزز بالنسبه للي هيقرأه
وحاسه انه حرام وربنا مش هيبارك لنا في المعلومه
هل اعترف للدكتور دا ولا لا
وإزاي ممكن اعوضه
اسفه عالاطاله لكن الموضوع مهم اوي
وخصوصا ان أنا وصاحبتي مقتدرين علي الدفع
بس حوار بنخفف علي اهلنا وبس كدا
و عليكم السلام ، مش مقزز ، ووارد ، بس غلط ، و الحل بسيط و هو المصارحه ، و انا متأكد أنه هيتفهم موقفكم و ممكن يوافق على ده و يبقى الخصم حلال ، و بالتوفيق 😊
تم النشر الأحد، ٢٩ مارس ٢٠٢٦
لو حاسه فعلاً بالذنب يبقى اشتركى تانى استثمرى فى نفسك واعرفى أن كل فلوس صرفتيهاعلى نفسك مش هتروح كدا وخلاص.. اعرفى أن مدام شخص اكبر منك وعامل الكورس يبقى هوا محتاج فلوس فعلاً وانتى كما راعيتى انوا محتاج فا ربنا معاكى وينظر إلى القلوب
تم النشر الاثنين، ٣٠ مارس ٢٠٢٦
وعليكم السلام ورحمة الله وبركاته يا ندى 🌸 أولاً، برافو عليكِ وضميرك الحي ده، ده دليل إن قلبك سليم وبتخافي ربنا، وده أحسن علامة. الموضوع مش مقزز خالص، ده خطأ بشري عادي، واللي زيك بيتوب ويصلح. هل حرام؟ أيوه، الغش في العقد أو الخداع في الاشتراك حرام شرعاً، لأنه أكل أموال الناس بالباطل (زي قوله تعالى: "يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ"). حتى لو قصدكم التوفير، الوسيلة غلط. إيه الحل العملي؟ اعترفي فوراً : ابعتيله رسالة هادئة ومحترمة، قوليله الحقيقة باختصار: "أنا آسفة، أنا وصاحبتي اشتركنا كواحدة عشان التوفير، بس دلوقتي نادمين ونقدر ندفع الفرق كامل". ده هيفتح باب التوبه ويطمن ضميرك. عوضيه : ادفعوا الفرق كامل (اللي هو سعر الاشتراك التاني)، ولو تقدروا زودوا شوية هدية رمزية زي "شكراً على الكورس الرائع"، عشان يبارك ربنا في علمكم. لو خايفة : ابدأي بدعاء الاستغفار كتير (أستغفر الله العظيم وأتوب إليه)، وربنا غفور رحيم، التوبه تمحي السيئة. الخطأ ده هيبقى درس قيم، وهيخليكِ أقوى في الصدق بعد كده. لو عايزة استشارة شرعية أعمق، شوفي الخبراء في https://www.fedni.net/experts. ربنا يغفرلكِ وييسر أمركِ، ويبارك في فلوسكِ وعلمكِ 💕.
تم النشر الأحد، ٢٩ مارس ٢٠٢٦
فودافون كاش وحد يبعت من رقم غير أرقامكم وابعتى فلوس الكورس أو أصلا الكورس كدا كدا موجود حد فيكم يكلمه ويقوله انه عايز يشترك ويدفع الفلوس ويبعتله الكورس وكدا يبقى تمام فاهمانى
تم النشر الأحد، ٢٩ مارس ٢٠٢٦
المشكله انه اكبر منا بسنه يعني مش قصدي اغتابه تفكيره هيبقي حجمه صغير بمعني لو قلنا حاجه زي كدا ممكن يعني يفضحنا علي جروب الدفعه او يعملنا مشاكل أنا كنت بسال لو ينفع ارجعله فلوسه بس ازاي من غير ما يعرف ان احناا عملنا حاجه زي كدا والله اول مره نعملها بخصوص حد يشرح لنا مفيش وقت حد يشرح لحد
تم النشر الأحد، ٢٩ مارس ٢٠٢٦
خلاص يبقى حرام قطعا لأن دا تعبه ..... والله جربى ابعتى اسأليه مش هتخسرى حاجه no risk no fun 😅 ساعات بتظبط معانا والله وبنبقى ٤ بنسمع مع بعض + ممكن حد فيكم يكون شاطر فيكم يسمع ويشرح للتانى وديه بقى الخدعة والمهارة 🥺😅
تم النشر الأحد، ٢٩ مارس ٢٠٢٦
بنعملها عادى بس قبل كدا بنستأذن صاحب الكورس ونقوله هنعمل كذا فيه ناس بتقول تمام وتوافق وفيه ناس مبتسامحش ف بنضطر نشترك كل واحد لوحده
تم النشر الأحد، ٢٩ مارس ٢٠٢٦
مظنش ان شخص مسئول زي دا وبيعمل كورسات علشان يحسن دخله هيكون عقله صغير انه ينشر حاجة علي جروب الدفعة بالعكس هو لو ظروفه صعبة هيتفهم انك كمان كنتي بتخففي المصاريف من علي اهلك @نَدَي ....
تم النشر الأحد، ٢٩ مارس ٢٠٢٦
شكرا جدا عالاقتراح 🙏🏻😊
تم النشر الأحد، ٢٩ مارس ٢٠٢٦
مكنش هيوافق أكيد
تم النشر الأحد، ٢٩ مارس ٢٠٢٦
مستحيل اقدر اقول حاجه زي كذا وكمان صاحبتي مش هتوافق ممكن أتبرع بيهم بنية انه هوا اللي متبرع بيهم مش عارفه اقول اي قصدي ممكن نتبرع بيهم باسمه هوا
تم النشر الأحد، ٢٩ مارس ٢٠٢٦
ويا ريت تقولوا للدكتور حتى لو من غير ما تقولوا اسماء او تعرفوا عن نفسكوا واشرحوا اسبابكوا
تم النشر الأحد، ٢٩ مارس ٢٠٢٦
لو مسجلة باسمك اشتركي انتي وصحبتك تاني وادفعوا واحد تاني وكل واحد تخليها في كورسها
تم النشر الأحد، ٢٩ مارس ٢٠٢٦
ابوا فيديوز مسجله تليجرام
تم النشر الأحد، ٢٩ مارس ٢٠٢٦
هو الكورس اونلاين ؟
تم النشر الأحد، ٢٩ مارس ٢٠٢٦
اشترو الكورس مرة كمان مادام مقتدرين
تم النشر الثلاثاء، ٣١ مارس ٢٠٢٦
لو عنده التروكولر
تم النشر الأحد، ٢٩ مارس ٢٠٢٦
ازاي ممكن يعرفنا او لا
تم النشر الأحد، ٢٩ مارس ٢٠٢٦
ما انا بقولك بدون ما يعرف انتوا مين يعني رقم يكون هو مش عارفه ومش متسجل باسم واحدة منكم وابعتوا رسالة بتعتذروا فيها
تم النشر الأحد، ٢٩ مارس ٢٠٢٦
لعرض السؤال في فدني اضغط هنا