متقدملي شخص هو يكبرني بالسن بحوالي ١٣ او ١٤ سنه انا لسه مكملتش ٢٠ حتى صليت استخارة وتوكلت على الله ولما جه في النظرة الشرعيه مكنتش عارفه اتكلم بس هو باين شخص ناضج ومتفهم ومسؤل ويعرف ربنا وناجح وطموح وكمان ملامحه حلوة بس محستش بأي رغبه في أني اسأل حتى مكنش خاطر في بالي
مع اني كنت حابه وكمان محستش بانجذاب ولا انشديت مش عاوزة أظلم حد معايا بس دا الي حصل مفيش أي شعور أكن قاعده في مأمورية وهتخلص كمان شويه
مش متخيلاني معاه مش عارفه وفي نفس الوقت لما افتكر طريقته وملامحه بحس اني هندم وهظلمه لو رفضت عارفه إن الشكل مش كل حاجه ومش هقول اني ملكة جمال بس والله مش عاوزة أتسرع واخد قرار اندم عليه بعدين
خلاص لو ملكيش رغبة في الزواج منه بلاش.. كونك صغيرة لسه قدامك فرص لازم واحد يبقي عنده دين و يبقي انسان مستقر نفسيا و اجتماعيا و ماديا.. مش مهم و مش مطلوب يبقي فيه حب المهم يبقي فيه قبول لو مفيش قبول يبقي.. مالوش داعي تخاطري مخاطرة واضح انها مش هتبقي علي هواكي.. نصيحتي ليكي انتظر حد مقارب لسنك او الفرق بسيط.. و بخلاف كده.. مفيش حاجه اسمها القطر بيفوت احنا مش في مصلحة السكة الحديد و الجواز نصيب و قسمة من عند الله.. طالما صليتي استخارة و محسيتيش بقبول و رغبة فيه يبقي تمام.. سيبك من الحوار ده. بشكل نهائي..
تم النشر الجمعة، ٣ أكتوبر ٢٠٢٥
مرحباً بكِ عزيزتي، أنا ذكية، وسعيدة بأنكِ شاركتيني حيرتكِ وأفكاركِ. قرار اختيار شريك الحياة من أهم القرارات التي نواجهها في حياتنا، وفهم مشاعركِ وحيرتكِ طبيعي جداً، خاصة وأنتِ تحاولين التوازن بين العقل، القلب، والتوكل على الله. دعيني أحاول أساعدكِ في ترتيب أفكاركِ خطوة خطوة: مشاعر الانجذاب مهمة جداً: رغم أن صفاته الجيدة مهمة — النضج، الالتزام الديني، النجاح، والاحترام — وجود شعور بالانجذاب والرغبة أمر طبيعي وأساسي في العلاقة الزوجية. إذا لم تشعري بهذا الانجذاب، فهو مؤشر يجب أن تأخذي به بعين الاعتبار، لأن الحب والراحة العاطفية ضمن العلاقة يبنيان مستقبل مشترك صحي ومستقر. لا تضغطي على نفسكِ: من الطبيعي أن يكون هناك تردد خاصة إذا كنتِ لم تكملي 20 سنة بعد، وربما أنتِ بحاجة لوقت أطول للتفكير والتأمل. لا تستعجلي القرار، والأفضل أن تتواصلي مع أهل الثقة أو مستشارة قد تساعدكِ تفصلي الأمور على هدوء. استشارة أهل الخبرة والنية الصادقة: قد تحبِّذي الحديث مع أهل العلم الذين تثقين بهم، أو مع أخصائية نفسية أو محترفة في العلاقات الأسرية، حتى تفهمي بشكل أعمق مشاعركِ، وتتأكدي ما إذا كانت هذه العلاقة مناسبة لك أو لا. اسألي نفسك: هل تشعرين بالراحة معه؟ هل ترينه شريكاً يمكن أن تتعايشين معه في أفراحكِ وأحزانكِ؟ هل تستطيعين أن تتصلي بمشاعركِ معه مع مرور الوقت؟ هل هناك ما يثير قلقك بخلاف الانجذاب؟ الدعاء والتوكل مستمر: لا تكتفي بصلاة الاستخارة مرة واحدة، يمكنكِ الاستمرار في الدعاء والتوكل، واستشارة ربكِ في قراراتكِ، وحاولي 🔄 النظر للموضوع من زوايا مختلفة. أهمية التواصل: حاولي أن تتحدثي معه بصراحة (بطريقة تراعي المشاعر والاحترام) عما تشعرين به كي يكون بينكم تواصل واضح، وربما تنفتح معكِ الأمور أكثر. نصيحتي لكِ: لا تظلمي نفسكِ ولا تظلمي أحداً بقرار تأخذينه من غير وعي تام بمشاعركِ. خذي وقتكِ، استشيري، ولا تتسرعي، فالحياة الزوجية رحلة طويلة ومهمة تستحق تفكير عميق. إذا رغبتِ، يمكنكِ البحث في تطبيق فدني عن أسئلة أخرى مشابهة، أو زيارة صفحة الخبراء لطلب نصيحة شخصية أكثر تخصصاً من أخصائية نفسية أو مستشارة أسرية. أنا هنا معكِ، ولو حبيتي نتكلم أكثر أو تحتاجي دعم بأسئلة أخرى، لا تترددي! 🌸
تم النشر الجمعة، ٣ أكتوبر ٢٠٢٥
شوفي هو طالما مفيش قبول ما انصحك تكملي والأمور تتطور انت لسه على البر وعادي مفيش مشكله في الرفض اصل دا مستقبل وحياه كامله هو اكيد ربنا هيعوضه خير وانت كمان وبعدين انت لسه صغيرة مش كبيرة اوي لسه قدامك كتير واكيد ربنا شايلك الخير ومش هتندمي بإذن الله وبالتوفيق
تم النشر الجمعة، ٣ أكتوبر ٢٠٢٥
يعني كدا مش هكون ظلمته وحسسته بحاجه وجرحته اصل انا بحط نفسي مكانه لو كان حصل معايا كدا كنت هزعل واتجرح بس هل دا لان انا بنت ولا نفس الكلام دا للشباب كمان يعني اقصد البنات بطبعها حساسه زياده وكدا
تم النشر الجمعة، ٣ أكتوبر ٢٠٢٥
يارب شكرا ليكي
تم النشر الجمعة، ٣ أكتوبر ٢٠٢٥
خلاص عرفي أهلك والي في الخير ربنا يقدمه ليكي
تم النشر الجمعة، ٣ أكتوبر ٢٠٢٥
ايوا عشان كدا خايفه لان دا مستقبلي وكمان مستقبله هو كمان ومش حابه اظلمه معايا
تم النشر الجمعة، ٣ أكتوبر ٢٠٢٥
لعرض السؤال في فدني اضغط هنا