انا حاليا ١٨ سنة بتواصل مع شخص ١٨ سنة كمان هو من محافظة بعيدة جدا عن محافظتي تعرفنا في شات عشوائي لأن سننا قريب من بعض فحاسين بكل حاجه بنمر بيها زي بعض بقا في بينا تفاهم وصراحة ،بس انا الخوف مش بيختفي من عندي انا عارفه رقم واحد انه ذنب رقم اتنين اني بموت ثقة اهلي رقم ٣ اني بدمر نفسي اخلاقيا ، حاولنا نبعد كتير عشان معترفين بالخطأ لكن بنرجع تاني مفروض انه في وعد بالجواز وامتى بعد ٣ سنين انا المدة دي مخوفاني اوي وفي نفس الوقت حاسه عمري مهعوز حد تاني لاني قلبي ووقتي معاه هو ،هو شايف انه لو جا اتقدم دلوقتي بابا هيرفض عشان لسه مكونش نفسه وانا مش عاوزه اخسر حب وافضل من غير قلبي او اخسر نفسي وذاتي ع الفاضي الفكرة ان المحافظة بعيده كل حاجه مخوفاني 😢
المسألة بسيطة: لو كل الكبار وذوو الخبرة قالولك إن المشروع ده مؤذي ومفيش منه شيء يرتجى، مش هتصدقوه وهتقولوا إن حاسين بمشاعر حقيقية ومتمسكين ببعض إلخ. فانتم في إيديكم تثبتوا مدى التزامكم ومدى قدرتكم على تخطى التحديات. لو فعلا كل واحد فيكم يقدر يلتزم باللي بيقوله، وعشان الحفاظ على حق الأهل وحق الرب، قدامكم حل من اتنين: يا اما تتوقفوا عن التواصل نهائيا لغاية ما يكون جاهز يتقدم وكل واحد يثبت بقا قوة التزامه، يا إما ييجي يتقدم ويلتزم قدام والدك أن مش هيكون فيه أي نوع من التواصل إلا من خلال الوالد للتأكيد على استمرار التزامه وجديته لغاية ما يكون قادر على اتخاذ خطوة رسمية. أما لو مش قادرين على ده ولا على ده، يبقى الأمر أصبح واضح إن كل واحد فيكم عنده مشاعر احتياج مش قادر يقاومها وعقله نايم. وده معناه إن الأمور مش هتقف عند حدود طالما الاحتياج هو اللي سايق. الطبيعي أن الأمور بينكم هتتدرج عفويا وتتخطوا كل الحدود اللي متخيلين إنكم حاطينها، وبعدها هيبدأ العقل يصحى بعد ما تكون الخسائر بقت أصبحت أضعاف ما هي عليه دلوقتي.
تم النشر الأربعاء، ٨ يوليو ٢٠٢٦
أنا فاهمة تمامًا اللي بتمري بيه، الشعور ده طبيعي في سنك، وإنك بتحسي بتفاهم كبير مع الشخص ده بيخلّي الابتعاد صعب. بس خلينا ننظر للموضوع بصراحة وواقعية، خاصة إنك بتذكري الذنب وفقدان ثقة أهلك وتدمير نفسك أخلاقيًا، وده يدل إن جواك صوت بيقولك إن الوضع الحالي مش مريح. من الناحية الإسلامية، التواصل المستمر بين شاب وبنت بدون عقد شرعي بيُعتبر من الأمور اللي بتفتح أبواب الفتنة، حتى لو كان فيه نية طيبة زي الجواز. الوعد بالجواز بعد 3 سنين حلو، لكنه مش ضمان، والمسافة البعيدة بتزود القلق فعلاً. أفضل خطوة عملية دلوقتي هي إنك تركزي على تجهيز نفسك: تكملي تعليمك أو تطوري مهاراتك عشان تكوني جاهز ماديًا ونفسيًا للجواز. لو قدرت تتواصلي مع أهلك بطريقة هادية وتشرحي لهم الوضع بدون تفاصيل زائدة، ممكن يساعدوك في تقييم الشخص ده بشكل أفضل. حاولب تقللي التواصل تدريجيًا عشان تحمي قلبك ووقتك. لو الشخص ده فعلاً مناسب، هيقدر ينتظر ويثبت جديته بالأفعال مش بالكلام بس. أنت مش هتخسري نفسك لو اخترت الطريق الصح، بالعكس هتكسبي احترامك لذاتك وثقة أهلك. ابحثي عن أسئلة مشابهة على فدني عشان تشوفي تجارب ناس تانيين، ولو حسيت إنك محتاجة تتكلمي أكتر أنا هنا.
تم النشر الأربعاء، ٨ يوليو ٢٠٢٦
من ترك شيئا لله عوضه الله .. ولو ليكم نصيب لو حتى انتو فى دول مختلفه مش بلاد بس هتبقو لبعض .. لكن بنتكلم ف الصح والغلط دلوقتى .. لو يقدر يتقدم او ع الاقل ياخد موافقه مبادأيه من أهلك انه بعد المده اللى قالك عليها ويبقى الكلام رسمى مع اهلك اوكيه لو مش هيعرف دلوقتى يبقى تنهو الموضوع وبعد المده دى لو لسه باقى يبقى يجى ويتكلم
تم النشر الأربعاء، ٨ يوليو ٢٠٢٦
عشان ربنا .. ربنا ميستاهلش تعملى ده عشانه وتسمعى كلامه ..؟
تم النشر الأربعاء، ٨ يوليو ٢٠٢٦
العلاقة فاشلة لأنها بدأت بشئ يغضب الله ... ثانيا ماذا يضمن لكي انه فعلا عمره ١٨ سنة !! وماذا يضمن انه فعلا يمر بنفس ما تمرين به ... أليس هناك احتمال انه يتصنع ويمثل !! بمعنى أنك تقولين "أشعر بالوحدة" فيأخذ كلامك ويعيد صياغته ثم يرسله لكي فيقول "الوحدة قتلتني" وهذا تمثيل وخدعة من متلاعب !! ...... يا بنت انتي صغيرة ولديكي احتياج عاطفي فلا تضيعي نفسك بسبب هذا الاحتياج فالعالم ليس وردي ونحن لسنا في الجنة
تم النشر الخميس، ٩ يوليو ٢٠٢٦
ثانيا هذا ليس حب أصلا ولو حتى حب فلا نرضي الناس بسخط الله وحاولي تتقربي إلى الله بالطاعات والنوافل وأكثري من الدعاء بالستر والعفاف وأن يرزقك الله زوجا صالحا. وفقنا الله وإياك لكل خير
تم النشر الخميس، ٩ يوليو ٢٠٢٦
أولا أوصيك بتقوى الله
تم النشر الخميس، ٩ يوليو ٢٠٢٦
لما ظروفه تتحسن دة كذاب وانا ولد وعندي ١٨ سنة برضه اسمعي مني انا عارف احنا بنفكر ازاي وعمره ما هيجي ولما ظروفه تتحسن يرجع يكلمك لو في نصيب هتكوني لسة موجوداله
تم النشر الخميس، ٩ يوليو ٢٠٢٦
دا مش حب دا لعب عيال اول ما حتسيبوا بعض حتنسوا لان مية في المية مينفعش العلاقة دي تستمر لانكوا عيال رقم واحد رقم اتنين انه استحالة يجهز دلوقتي خالص الا بعد ٦ او ٧ سنين لانه بعد ما يتخرج حيتوه شوية و بعدين يشتغل بمرتب مش مكفي شوية و ليلة كبيرة اوي فانهي العلاقة لان دا مش حب والله دا لعب عيال
تم النشر الأربعاء، ٨ يوليو ٢٠٢٦
انا قولت له لازم تيجي نتخطب حتى لو سنك دا هو قال انا خايف تروحي مني اصلا وهاجي بس لما تكون الظروف مناسبة ان اهلك يوافقوا
تم النشر الأربعاء، ٨ يوليو ٢٠٢٦
انتي عارفه النهاية بس بتقنعي نفسك إنكم بتحبوا وبعض وهيتقدم بعد تلات سنين نفس السيناريو اللي اغلب البنات بيتكلموا عنه ،،وبردو مش بيتعظوا ،،لازم تفوقي لنفسك
تم النشر الأربعاء، ٨ يوليو ٢٠٢٦
استعيني بالله ولو فيه الخير لبكي ربنا هيرزقك بيه حتى لو كل الأسباب بتقول إنه مستحيل ،، بس لازم تسيبيه لإنك زي ما قولتي إنك عارفة كل أضرار العلاقه المحرمة ،، فحاولي وماتيأسيش من المحاولة وابعدي عنه علشان ربنا يرضى عنكم ولو خير ربنا هييسرلكم الأمور لإن القلوب بيد الله وربنا قادر إنه يحبب أبوكي فيه ويوافق عليه ،، بس لازم تتركي الحرام علشان ربنا يكرمكم ،، ما ينفعش تكونوا مستمرين في علاقة محرمه وبتتمنوا للحلال ،، خدي خطوات بالفعل ،، عارفه إنها هتكون خطوات صعبه بس هتقدري بإذن الله اعملي بلوك وامسحي كل حاجه تخصه من عندك تمامًا
تم النشر الأربعاء، ٨ يوليو ٢٠٢٦
اكيد ربنا يستاهل وحاولت كتير وعشان كدا هنخليها حاجه رسمية ، الفكرة اني ورطت نفسي يبقا لازم ادفع التمن ، انا حطيت سؤالي عشان خوف اوف ،
تم النشر الأربعاء، ٨ يوليو ٢٠٢٦
ولما انهيها هستفاد اي مهكون سبت الشخص اللي بيحبني وهبقا انسانة انانية وكمان لما ابقى لحد تاني هنسى ازاي الموضوع معقد
تم النشر الأربعاء، ٨ يوليو ٢٠٢٦
من غير دخول فى تفاصيل انهى العلاقه فوراً
تم النشر الأربعاء، ٨ يوليو ٢٠٢٦
لعرض السؤال في فدني اضغط هنا