انا شاب 27 سنة بقالى 3 سنين بعانى من الضغط العالى و كل شوية اشتباه جلطة و كشفت جميع التخصصات الطبية معاده النفسية و عملت اشاعات و تحليل لكل التخصصات الطبية و برضو مفيش اى سبب ظاهر كل الدكاترة بتقولى انت سليم 100٪ و زهقت تعب و كل شوية اجرى على دكتور او مستشفى او طوارئ بسبب تعبي و يطلع مفيش حاجة حتى علاجات الضغط العالى مبقتش تعمل معايا حاجات ولا كانى منها فايدة
اى الحل بجد والله العظيم تعبت
مدام الدكاتره قالو أن مفيش سبب عضوى يبقى اكيد نفسي مفروض دلوقتي انك تروح لدكتور نفسي لان المرض النفسي فى اوقات كتير بيظهر كتعب جسدي ولو مش عايز تروح حاول متفكرش فى الموضوع لان التفكير فيه هيزود تعبك اكتر حاول تشغل نفسك بحاجات مختلفه وان شاء الله ربنا يشفيك
تم النشر الأربعاء، ٤ مارس ٢٠٢٦
أخي العزيز، والله أحس بتعبك وإرهاقك اللي بقاله 3 سنين، وده شيء مش سهل أبدًا. أنت شاب 27 سنة وكشفت كل التخصصات وطلع سليم 100%، ده يعني إن الضغط عاليك ممكن يكون "أساسي" (essential hypertension) بدون سبب عضوي واضح، وغالباً بيحصل بسبب عوامل زي التوتر المزمن، الملح الكتير في الأكل، الوزن الزايد، قلة الرياضة، أو حتى الكافيين والتدخين. حتى لو الأدوية مش بتعمل زي الأول، في حلول عملية: خطوات فورية تقدر تعملها بنفسك: قيس ضغطك في البيت يوميًا : اشترِ جهاز قياس منزلي موثوق (زي Omron)، قيس مرتين يوميًا (صبح وبعد العشا) لأسبوع كامل، وسجل النتايج في تطبيق أو دفتر. ده هيوضح لو الضغط عالي دايمًا ولا بيزيد في أوقات معينة (ممكن يكون "white coat" بسبب القلق عند الدكتور). غير نمط حياتك تدريجيًا : قلل الملح تمامًا (لا ملح على الطعام، تجنب المعلبات والوجبات السريعة). مارس رياضة خفيفة 30 دقيقة يوميًا زي المشي السريع. لو وزنك زايد، هدفك خسارة 5-10% منه في شهرين (أكل صحي: خضار، فواكه، بروتين مشوي، تجنب السكريات). قلل الكافيين (قهوة، شاي) والسجاير إن كنت تدخن. نصيحة طبية مباشرة: ارجع لدكتور قلب أو غدد صماء لعمل "هولتر ضغط 24 ساعة" (مراقبة مستمرة) عشان يشوف الصورة الكاملة، واطلب تغيير الأدوية أو جرعة (مثل مضادات الكالسيوم أو بيتا بلوكرز). متستسلمش، الـ90% من الحالات زي دي بتتحسن بالمتابعة. أنا مش بديل عن الطبيب، بس دول خطوات مثبتة علميًا. جربها أسبوع وشوف الفرق، وقولي إيه اللي حصل. لو عايز خبراء متخصصين في القلب أو النفس، روح على https://www.fedni.net/experts وابحث هناك، أو دور في Fedni على أسئلة مشابهة. ربنا يشفيك ويعافيك، أنت قوي وهتقدر! 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٣ مارس ٢٠٢٦
تمام حاضر تسلمى يارب ربنا يحفظك
تم النشر الأربعاء، ٤ مارس ٢٠٢٦
مش قادر اتقبل ان اقعد مع دكتور نفسي مش عارف ليه
تم النشر الثلاثاء، ٣ مارس ٢٠٢٦
ما تجرب تروح لدكتور نفسي
تم النشر الثلاثاء، ٣ مارس ٢٠٢٦
الحل انك تشغل وقتك ومتفكرش في اي حاجة لحد امتى الزعل هياكل في روحنا ونفسيتنا
تم النشر الثلاثاء، ٣ مارس ٢٠٢٦
داوم على اذكار الصباح والمساء وعلى صلاتك وحاول تشيل الفكره من دماغك عشان الوهم اشد من كل شيء وربنا يشفيك يارب ويحققلك كل اللي بتتمناه ويسعدك ويرضى عنك دنيا وآخره ونصيحه أخيرة متروحش لدكتور نفساني انت كويس ممكن نفسيتك تتعب اكتر لو روحت بجد وآسفه على الاطاله.
تم النشر الثلاثاء، ١٠ مارس ٢٠٢٦
بحاول اقنع نفسي والله ان اروح بحاول كتير بس القرار صعب
تم النشر الخميس، ٥ مارس ٢٠٢٦
الخطوه الاحسن انك تروح اكسر القاعده دي والله دي حاجة حلوه وان شاء الله هترتاح وهتخف باذن الله محدش خالي من الأمراض النفسية دي حاجه طبيعيه جدا
تم النشر الخميس، ٥ مارس ٢٠٢٦
ربنا يشفيك يارب أنا مره قريت في كتاب ان ورا كل تعب جسدي تعب نفسي الدنيا مش مستهله متقعدتش تضغط ع نفسك زياده .. كلها فاينه بكل حاجه فيها هيدوم الكلام الحلو والأعمال الحلوه وبس والدكتور النفسي مش معناه حاجه وحشه ده بيبقى صديق وامين ع اسرارك وحد متعرفهوش هيرشدلك الصح ويقولك تعمل اي الدكتور النفسي مش حاجه عيب فكر تاني ..
تم النشر الخميس، ٥ مارس ٢٠٢٦
بص هتلاقي كده ٣ شرطات على الجمب اليمين من الصفحة أدخل عليه هتلاقي خانة اسمها خبراء فدني أدخل اختار الثيرابست اللي انت عايزه. وبعدها هتلاقي حجز استشارة غالبا هينقلك لرقمه على الواتس بعدها هتبعت المسدج وهو هيرد عليك ان شاء الله معرفش تفاصيل لما يرد وكده عشان مجربتش
تم النشر الأربعاء، ٤ مارس ٢٠٢٦
طيب اعمل ده ازاي
تم النشر الأربعاء، ٤ مارس ٢٠٢٦
طيب هقولك على حل وسط ينفع كبداية معاك فيه هنا على فدني اخصائيين نفسيين كتير احجز معاهم استشارة مره،هتكون اونلاين مش هتروح لحد وساعتها ممكن الثيرابست لو شاف نك محتاج تروح بجد هو هيوجهك
تم النشر الثلاثاء، ٣ مارس ٢٠٢٦
طيب هو أنا ممكن اخد الخطوة بدون ما اروح لحد
تم النشر الثلاثاء، ٣ مارس ٢٠٢٦
ايوه. ده اللي هيحل مشاكلك كلها. انت خسران ايه. بجد يعني فكره انك مش عايز تاخد الخطوه اصلا ده عشان انت خايف منها. مش خوف واضح وظاهر لا خوف انك تكشف نفسك قصاد حد. بس انت لازم تعمل كده. والموضوع أكبر من اني اقعد احكي مشاكلي لحد. لو فضلت تأجل الخطوه هتفضل حياتك كده مش بحبطك بس انت مشكلتك نفسيه ومحتاج حقيقي تلحق نفسك. نفسك تستاهل
تم النشر الثلاثاء، ٣ مارس ٢٠٢٦
والله العظيم انا جربت كل حاجة في الطب و المخ و كل حاجة سليمة لدرجة ان الدكاترة قالت روح لشيخ يمكن ملبوس و طلعت الحمدلله مفيش حاجة يبقي بقا اللى هيحل ده كله دكتور يقعد يرغي معايا فى خصوصياتي
تم النشر الثلاثاء، ٣ مارس ٢٠٢٦
انا عارفه والله لاني في نفس الدوامة بس فكر لو اخدت القرار ده وحياتك اتغيرت وبقت احسن. ليه تضيع عمرك وانت لسه مخدتش القرار ده اللي اصلا هتروح له في الاخر. الموضوع مش إيمان ونقرب من ربنا اكتر. الموضوع اكبر من كده ممكن اصلا يكون عندك مشاكل في كيمياء بتاعت المخ ومحتاج ادويه بجد. جرب تروح واختار نفسك لمره في حياتك
تم النشر الثلاثاء، ٣ مارس ٢٠٢٦
قرار صعب جداً جداً جداً موضوع النفسية بجد
تم النشر الثلاثاء، ٣ مارس ٢٠٢٦
لا انت واصل لمراحل عاليه. لازم تاخد الخطوه ولسه بتسأل ازاي ؟ نفسك ليها عليك حق.
تم النشر الثلاثاء، ٣ مارس ٢٠٢٦
ولكن لو مشاكل عضوية انا والله دايما بيجيلى اشتباه جلطة. و يطلع مفيش حاجة و مره القلب وقف و طلعلى شهادة وفاة اقسم بالله و فوقت تاني انا مبقتش فاهم حياتي
تم النشر الثلاثاء، ٣ مارس ٢٠٢٦
ماهي دي نفس المشكله احنا مش قادرين نتقبل فكره إننا نطلع مشاكلنا لحد. حتى مع نفسنا عشان كده اصلا وصلنا للمرحله دي
تم النشر الثلاثاء، ٣ مارس ٢٠٢٦
المشكلة ان مستحيل اقعد مع حد و نفضل نحكي و كاني مريض نفسي كدا و يكلمني فى تفاصيل شخصية مستحيل مش متقبل
تم النشر الثلاثاء، ٣ مارس ٢٠٢٦
بس جرب بجد طالما المشاكل بقت عضوية لازم تاخد خطوة حقيقية
تم النشر الثلاثاء، ٣ مارس ٢٠٢٦
انا لسه في مرحلة حجز الاستشارة اونلاين معرفش بقا اصل مستحيل اقدر اروح لحد وجه لوجه 🙂
تم النشر الثلاثاء، ٣ مارس ٢٠٢٦
بوصي والله جربي يمكن خير بس بالله قوليلي الفرق اي
تم النشر الثلاثاء، ٣ مارس ٢٠٢٦
انا حياتي مدمرة و مش قادر بجد اتقبل فكرة الدكتور النفسي
تم النشر الثلاثاء، ٣ مارس ٢٠٢٦
والله انا نفس المشكله والمفروض اروح ومش قادره اتقبل الفكره مع ان حياتي واقفه
تم النشر الثلاثاء، ٣ مارس ٢٠٢٦
لعرض السؤال في فدني اضغط هنا