انا بنت ومبعرفش اعبر عن مشاعرى لو زعلانه بقعد لوحدى واعيط شويه أو افضل ساكته لو فى اى موقف ضايقنى مبكلمش ومبعرفش احكى مبعرفش أقول إن حاجه دى زعلتنى حتى مش عارفه اكتب مشكلتى وساعات بخترع مشاكل كدب ومحصلتش من تأليفي عشان مش عايزه اقول المشكله الحقيقيه حتى لو جوايا اى بقف جمب الناس وبنسا نفسي وانا مش عايزه اكون كدا
الموضوع بدأ معاكي من امتى بالظبط؟ وهل انتي علطول كده، ولا الموضوع بدا معاكي في سن معين؟ فيه موقف زمان حصلك هو اللي اثر عليكي ف انك تكوني مش عارفه تعبري عن حزنك او مشاكلك؟
تم النشر الاثنين، ١٤ أغسطس ٢٠٢٣
ممكن تبان مشكلة فى التعبير فعلا زى ما قولتى فى الاول ....بس الحقيقة انك بتستخبى بس لانك بتعرفى تعبرى بدليل انك كمان بتعرفى تألفى قصة تانية وتحكى عنها ان دى المشكلة . انتى بتخافى اللى قدامك يقلل من زعلك لان ده هيزعلك اكتر ...عشان كده بتقولى وانا هقول لمين وليه وهو يعنى هيعرف يقولى اللى محتاجةة اسمعه ؟ الخوف بيقتل كل تقدم وتطور وبيقتل الحياه كلها ركزى فى اللى انتى عاوزة تعملية وبس الاول وجنبى شوية فكرة توقع ردود الافعال .. مثال : قولى انك متضايقة وبس ...الاهم او حاجة انك تعبرى ....بعد كده ابقى انقلى على مرحلة انك تفهمى اللى قدامك بقى زعلك وبعد كده تفهميه ايه الدعم اللى انتى محتاجاه مثلا كل حاجة بالممارسة والتعلم والخطأ والتصويب ...وحتى اللى حواليكى مش هيعرفوا يقفوا جنبك الا لما يفهموا انتى اصلا محتاجة ايه يحسسك انهم جنبك . ده يحصل بانك تكلميهم وتوصفى وتشرحى ويفهموا غط وتصححى ....كل ده عادى جداااا
تم النشر الاثنين، ١٤ أغسطس ٢٠٢٣
صباح الخير.. عايز أقولك إن كبت المشاعر بيسبب أمراض عضويه ونفسيه زي أمراض القولون العصبي وعدم الثقه بالنفس والعزله والاحساس بالوحده. المشاعر هي الطاقه المحركه للإنسان الايموشن. ولازم تعرفي تفرقي بين المشاعر والافكار. فممكن تبدأ تعبري عن المشاعر زي الحزن الخوف والغضب من غير ماتتكلمي عن الافكار إلي جواكي. ومهم جدا تعرفي تسمي كل شعور باسمه وتفضلي تمارسي التعبير عن مشاعرك التعبير اللفظي الصوتي يعني والكتابه لحد ما تتعلمي تتكلمي عن أفكارك والي جواكي وحابب ااكد عليكي إنها ممارسه. و بشجعك تستمري بعد ماعترفتي مشكلتك دلوقتي تكملي وتستمري وهتلاقي مع الوقت الموضوع بسيط. هيفرق معاكي إنك تبقي واعيه بنفسك ومشاعرك وهينعكس على صحتك ونفسيتك.. وحابب اقولك إن مفيش شعور وحش أو عيب أو حرام.. ربنا يوفقك
تم النشر الاثنين، ١٤ أغسطس ٢٠٢٣
انا مثلك بردو اكن انا البكلم بس انا كنت بحكي في الأول واثق وبعدين اتخانت فعشان كدا مبقتش احكي لحد🥲
تم النشر الاثنين، ١٤ أغسطس ٢٠٢٣
صدقني كده احسن محدش مهتم يسمع مشكلك ولو في حد مهتم هيعرف انك مش كويسه فكده احسن مش بقول انك صح تكتمي مشاعرك حاولي لما تكوني مضيقه من حاجه تكتبيه في ورقة وتقطعيه وترميه ده حل اعتقد كويس جربي
تم النشر الاثنين، ١٤ أغسطس ٢٠٢٣
لعرض السؤال في فدني اضغط هنا