السلام عليكم ورحمه الله وبركاته
اريد طريقة لمذاكرة مادة الرياضيات
عندما اسمع الدرس ارى انني قد فهمته و لكن عند البدء في التطبيق و الحل لا استطيع ان احل شيئا
اشكركم على ردودكم و وقتكم مقدما
و عليكم السلام و رحمه اللّٰه و بركاته أولاً اختاري المُدرس الصح الي بيقسملك الدرس لأفكار رئيسيه و يشرحها و يحل عليها ، مش ضروري يحل اسئله سنين سابقه في الحصه المهم يختار سؤال شامل لكل الي قاله عشان تقدري تربطي أفكار الدرس ببعضه " بس طبعا الواجب و التدريبات الي بعد الحصه مهم يكون فيها مسائل سنين سابقه عشان تقدري تعرفي شكل المسائل الي بتيجي" لو حابه انا ممكن ارشحلك مُدرس كويس تجربيه على حسب المرحله بتاعتك ، مُهم بعد متشوفي درس الرياضه و المحاضره تكتبي القوانين الي اخدتيها و التريكات الي فهمتيها بنفس ترتيب الحصه ، عشان لو حاجه وقعت منك و نسيتي الترتيب ترجعي تشوفي الجزء الي وقع منك تاني ، و بردو مهم يكون في كراسه فيها كل القوانين المهمه ، بعدها تحلي و لكن يستحسن إنك تحلي الواجب بعدها بيوم " مع الإكتفاء ب حل مسائل في الحصه "عشان تبقي راجعتي ع الدرس مره تانيه و يثبت اكتر طبعاً الحل الكتير مهم ، بس متضيعيش وقتك ف حل على مسائل ليها نفس الفكرة ب إختلاف الأرقام لإن ده مش هيفيدك بل الأفضل تحلي مسائل أفكارها مختلفة عن بعض ، و مُهم تختاري الوقت المناسب لمذاكره الرياضه أو أي ماده علميه و الي هو وقت الصبح من بعد الفجر عشان ده الوقت الي مخك بيقدر يستوعب فيه المعلومه بشكل أسهل و أحسن ، و بالتوفيق
تم النشر الأربعاء، ٢٩ أكتوبر ٢٠٢٥
وعليكم السلام اول حاجه جرب تسمع من كذا حد مختلف، لغاية ما تلاقي المعلومة وصلت. بس برضو متضيعش وقت كنير في البحث علشان ميتحولش لتشتت. ابحث علي اليوتيوب عن اسم الموضوع تحديدا. وشوف فيديو واتنين وتلاته لحد ما تحس ان الدنيا تمام وان المعلومات بتتعاد. أكتب كل معلومة. الكتابة لا غني عنها، لو انت بتفهم ومش بتكتب هتنسي المعلومة انما لما بتكتبها هتعرف ترجع لها. اكتبها بخط كويس بس برضو متضيعش وقت في الألوان والبحث عن المثالية. خط مقروء يعني.
تم النشر الثلاثاء، ٢٨ أكتوبر ٢٠٢٥
وعليكم السلام ورحمة الله وبركاته يا ببو تشان، شكراً لك على ثقتك وسؤالك المهم جدًا. موضوع مذاكرة الرياضيات يحتاج إلى طريقة منظمة وتمرين مستمر، خاصة أن فهم الدرس مجرد بداية وليس هو الهدف النهائي. عندما تقولين إنك تفهمين الدرس أثناء الشرح لكن تجدين صعوبة عند التطبيق، فهذا أمر طبيعي يمر به الكثير من الطلبة، ولا تقلقي فهو قابل للتحسن بإذن الله. إليكِ خطوات عملية تساعدك على تحسين مذاكرتك للرياضيات: الاستماع والتركيز أثناء الشرح: استمري في التركيز أثناء شرح المعلم، وربما يمكنك تسجيل الشرح (إذا أمكن) أو تدوين النقاط المهمة. مراجعة الدرس مباشرة بعد الشرح: بعد انتهاء الدرس، راجعي ما كتبته وكأنك تشرحين الدرس لنفسك، وحاولي إعادة حل الأمثلة التي تم شرحها. التدرج في الحلول: ابدئي بحل التمارين البسيطة التي تتعلق بالدرس. لا تنتقلي للتمارين الصعبة قبل الاحتراف في الأساسيات. الفهم الحقيقي للمفاهيم: بدلاً من حفظ الطرق، حاول فهم "لماذا" تُحل المسألة بهذه الطريقة، وإذا كنتِ تجهلين السبب، اطّلبي المزيد من التوضيح أو ابحثي عن شرح مبسط في مصادر أخرى (مثل فيديوهات تعليمية). التمرين المستمر: الرياضيات مثل كرة القدم، لا تُتقن إلا بالتدريب المستمر. خصصي وقتًا يوميًا (حتى لو نصف ساعة) فقط لحل تمارين متنوعة. الكتابة والتدوين: أثناء الحل، اكتبي كل خطوة بوضوح ولا تكتفي بالتفكير فقط في رأسك. هذا يساعد على تنظيم الأفكار ويقلل الأخطاء. طلب المساعدة عند الحاجة: إذا واجهت مشكلة معينة، لا تترددي في السؤال عن الحل أو السبب، سواء من المعلم أو من أحد الخبراء في دورة تعليمية. التحفيز والراحة النفسية: لا تضغطي على نفسك أكثر مما يجب، وذكري دائماً أن الخطأ هو جزء من التعلم. هل تحبين أن أوجهك لكيفية اختيار مصادر تعليمية أو فيديوهات مناسبة تساعدك؟ أم تفضلين نصائح أخرى عن تنظيم الوقت مثلاً؟ أنا هنا دائماً لمساعدتك!
تم النشر الثلاثاء، ٢٨ أكتوبر ٢٠٢٥
الرياضة لازم تحل كتير هتفهم
تم النشر الأربعاء، ٢٩ أكتوبر ٢٠٢٥
اسمع الدرس مرة واتنين ويكون في ايدك ورق مش محتاجه اكتبي المسألة بتاعت الدرس وحلها زي المستر وبعدين دور علي مسائل تانية في نفس الدرس من كتب تانية وحلها وممكن تطلب من شات جي بي تي يكتبلك مسائل وانت تحلها وتتاكد معاه من الحل
تم النشر الأربعاء، ٢٩ أكتوبر ٢٠٢٥
طب انا المفروض اراجعها ازاي؟
تم النشر الجمعة، ٣١ أكتوبر ٢٠٢٥
انا ادبي تانية ثانوي اساسا و كل ما اشوف طلبة علمي بدعيلهم بجد انا فرع واحد و مش قادرة عليه فما بالك بالاتنين😆
تم النشر الجمعة، ٣١ أكتوبر ٢٠٢٥
النسيان ده طبيعى بس لازم بقا تراجعي الدروس خصصي يوم تراجعي فيه الدروس اللى فاتت مثلاً يوم الجمعه هراجع اللى فات كله علشان منساش و متراكميش بقيت المواد علشان متتعبيش و لما تتخصصي خليكى بعيده عن الرياضيات مدام انتى مش حباهه😂 بالتوفيق ي قلبي🩵
تم النشر الجمعة، ٣١ أكتوبر ٢٠٢٥
جزاك الله خيرا 🫶 بس انا مشكلتي اني بنسى لو خدت درس تفاضل مثلا و بعدها خدت جبر انسى التفاضل و بحس اني لو بقعد للرياضة وقت كبير و باقي المواد بتتركن و فيه مسائل لما بتتحل بلاقي حلها صعب جدا ييجي في بالي فبحس ان المادة دي مش مجالي و بقول يارب تتلغى و ارتاح منها😆💔
تم النشر الجمعة، ٣١ أكتوبر ٢٠٢٥
الرياضيات مش صعبه خالص هي محتاجه تركيز بس هقولك على طريقتي لما كنت بذاكرها ، بصي انتى بعد ما تاخدي الدرس أياً كان بتروحي سنتر أو اونلاين تخلصي الدرس و تراجعي عليه و تعرفي الاسئله بتتحل ازاى من شرح الدرس و بعدين تحلي بقا ف الكتاب تحلي كتير اللى يقف قدامك تعلمي عليه علشان توريه للمسار يعيدلك شرحه تاني و كمان اسمعى شرح تانى للدرس من اليوتيوب بيبقا فيه مدرسين شرحهم جميل علي اليوتيوب اسمعى منهم و دايماً ادي لنفسك وقت تستريحي فيه 10 دقائق وترجعي تكملي مذاكره ولما تذاكرى تقعدى فى مكان هادئ بعيد عن دوشة البيت و بلاش مذاكره على السرير علشان هتنامي يكون مكان هادئ وربنا يوفقك فى دراستك يا عسوله🩵
تم النشر الجمعة، ٣١ أكتوبر ٢٠٢٥
بس الفكرة اني بنسى يعنى خدت درس جبر و بعدها خدت تفاضل فانسى الجبر ولما آجي اراجع خاصة في آخر الترم بحس اني اول مرة اشوف رياضة في حياتي😆💔 و فعلا انا بكتب ورا المدرس كتير بس فكرة اني ادور على نفس الدرس من كتب تانية دي حلوة ما خطرتش على بالي بس ما اعرفش غير المعاصر ماث هو فيه غيره؟ و بجد تسلميلي 🫶
تم النشر الأربعاء، ٢٩ أكتوبر ٢٠٢٥
لعرض السؤال في فدني اضغط هنا