السلام عليكم ورحمه الله وبركاته
دلوقتي حضرتكم شايفين الوزير بيعمل اي ونظام البكالوريا والثانويه العامه طيب دلوقتي نختار اي محدش راضي يرد ويقول هنعمل اي وهل دا صح ولا نظام فاشل عايزه المعلومات الكامله ال عليه لأن بكره طالبين قرارنا لا كدا هنمشي من المدرسه بتاعتنا ومحدش راضي يقول الصدق عشان ينجحوا النظام
ارجوكم ردوا عليا
و عليكم السلام و رحمه الله و بركاته ، قبل التفكير في بكالوريا شوفي مدارس تانيه ذي وي و ستيم و تمريض و غيرو ، كل دول أحسن من ثانوي ، على حسب تجربتي ف أقدر أقولك إن ثانوي بيعاملونا كفئران تجارب كل سنه بيصعبوا الأمور علينا اكتر من الِ قبلها ف متدخليش ثانوي عشان هتبقي ضحيه تجاربهم، و بكالوريا معرفش نظامها بصراحه ، و لكن من وجهه نظري إن بلاش تدخلي حاجه أول مره حد يدخلها عشان محدش ضامن هل هيلغوها مع مرور الوقت و تغيير الوزير ، و ده إحتمال كبير يحصل و مش هيعملوا إعتبار لحد ذي كدا لما معملوش إعتبار لطلاب تربيه فلسفه و جغرافيا و لغوا مادتهم من المناهج الجديده، و بردو محدش ضامن هيصعبوا المناهج ولا هيعملوا فيها إيه، محدش على علم ب نواياهم ، ف لذلك أنصحك إنك تشوفي مدارس تانيه تتناسب مع مجموعك أضمن و في النهايه صلاه الإستخاره هتساعدك اكتر حاجه، و بالتوفيق
تم النشر الخميس، ٢٥ سبتمبر ٢٠٢٥
انا النظام القديم والله مش حلو خالص وغير كده اكيد هتعاملو مع النظام القديم بالاقلية خليكي في البكالوريا ان شاءلله تكون افضل لأنه في حجات كويسة ومناهج جديدة تعرفي تجيبي منها مجموع عالي بسهولة وخليكي في كلية علمية عشان هيا نظام ساهل تعرفي تجيبي منه طب بسهولة ان شاءلله ربنا يوفقك
تم النشر الأربعاء، ٢٤ سبتمبر ٢٠٢٥
السلام عليكم الموضوع مرتبط بالهدف اللى انتى حاطاه لحياتك لو عاوزه حاجة ممكن متكمليش بعدها جامعه عادى ..ادخلى بكالوريا لو معندكيش هدف محدد ادخلى بكالوريا لو محدده هدفك خليكى فى ثانوى عام
تم النشر الجمعة، ٢٦ سبتمبر ٢٠٢٥
وعليكم السلام ورحمه الله وبركاته يا عزيزتي، أشعر تمامًا بالقلق والشك اللي عندك حول نظام البكالوريا والثانوية العامة، لأن هذا الموضوع له تأثير كبير على مستقبلك ومستقبل كل الطلاب. خليني أساعدك بتوضيح الفرق بين النظامين بشكل موضوعي مع ذكر المزايا والعيوب، علشان تساعدي نفسك وأصحابك تاخدوا قرار واعي. نظام الثانوية العامة التقليدي: المميزات: نظام معروف ومطبق منذ سنوات طويلة. يقوم على الامتحانات النهائية في نهاية السنة، وبها اهتمام كبير بالمادة الدراسية. أغلب الجامعات والنظام التعليمي في مصر متعود عليه. العيوب: يركز بكثرة على الحفظ والتلقين دون تطوير مهارات التفكير الناقد. ضغط نفسي كبير على الطلاب بسبب الامتحان النهائي الكبير مرة واحدة. قد لا يوفر تدريب كافٍ على مهارات التطبيق العملي أو الاستعداد لسوق العمل. نظام البكالوريا الجديد: المميزات: يعتمد النظام على تقييم مستمر على مدار العام، ويُوزع هذا على تقييمات مختلفة، فيختبر مهارات متعددة، مثل التفكير النقدي، والتحليل، والتطبيق. أقل ضغط في امتحان نهاية العام، لكن يتطلب تنظيم ومتابعة مستمرة من الطالب. يُركز على مهارات تعد الطلاب لسوق العمل بشكل أفضل. يتيح دراسة مواد تخصصية بجانب التعليم العام، مما قد يساعد في اختيار مجال دراسي جامعي أو مهني. العيوب: نظام جديد وقد يكون غير واضح لجميع الطلاب والمعلمين حتى الآن. يحتاج لاهتمام أكبر من جانب الطالب وأولياء الأمور للمتابعة والتقييم المستمر. قد يكون هناك تحدي في التنفيذ بشكل متناسق في كل المدارس. خلاصة: لا يوجد نظام مثالي 100%، وكل نظام له نواقصه ومميزاته. نظام البكالوريا الجديد يهدف لتطوير أسلوب التعليم ليكون أكثر تفاعلًا ومناسبة لسوق العمل والزمان الحالي، لكن يحتاج لوقت ليتم تطبيقه بفعالية. نظام الثانوية العامة التقليدي أكثر اعتدالًا لكنه قد لا يُطوّر مهارات الطالب بالشكل الكافي. نصيحتي لك: حاولي تستفيدي من النظام الحالي أو الجديد بأفضل طريقة ممكنة وركزِ على تطوير مهاراتك الشخصية والعلمية مهما كان النظام. احرصي على تنظيم وقتك ومتابعة دراستك بشكل مستمر بدلًا من الاعتماد على الحفظ فقط. وكنصيحة أخيرة، إذا أردتي دعم ومشورة متخصصة أكثر، أنصحك بزيارة صفحة الخبراء في تطبيق فدني حيث يوجد متخصصون يمكنهم إرشادك بشكل أعمق حسب ظروفك. لو عندك أي سؤال محدد أو محتاجة توضيح أكثر عن نقطة معينة، أنا هنا دائمًا لمساعدتك، يا ذكية قلبك. ❤️ هل ترغبين في معرفة كيفية تنظيم وقتك أو تخطيط دراستك تحت أي نظام؟
تم النشر الأربعاء، ٢٤ سبتمبر ٢٠٢٥
ثانوية عامة لو الشخص عايز يتعب سنه جامد أما لو عايز يتعب سنتين عادي ويتاح ليه. فرصة دخول الاختبار كذا مرة ف بكالوريا
تم النشر الجمعة، ٢٦ سبتمبر ٢٠٢٥
ابعد عن اي نظام جديد او اي حاجة جديدة لسه بيجربوها عشان هتندم والله
تم النشر الخميس، ٢٥ سبتمبر ٢٠٢٥
لعرض السؤال في فدني اضغط هنا