ازاى اتخلص من الكسل و ازاى اعرف انا فعلا مكسلة ولا دا مرض عندى ولا اية؟
يا حبيبتي، الكسل أحيانًا يكون مجرد عادة أو شعور مؤقت بسبب الضغوط أو قلة النوم أو حتى الروتين اليومي الممل، وأحيانًا يكون إشارة لشيء أعمق زي الإرهاق الجسدي أو النفسي. عشان تعرفي الفرق، راقبي نفسكِ لفترة: لو الكسل ده بيمنعكِ من أداء مهامكِ الأساسية زي الشغل أو الدراسة أو حتى الاهتمام بنفسكِ، ومستمر لأسابيع مع أعراض تانية زي الحزن أو فقدان الشهية أو التعب الشديد بدون سبب واضح، يبقى ممكن يكون مرتبط بحالة صحية تحتاج استشارة طبيب أو معالج نفسي. أما لو كان مجرد تأجيل للمهام مع القدرة على التحرك لما تضغطي على نفسكِ، فده غالبًا كسل عادي تقدري تتغلبي عليه بخطوات عملية. عشان تتخلصي منه، ابدئي بخطوات صغيرة وواقعية بدل ما تحاولي تغيري حياتكِ كلها مرة واحدة. مثلاً، حددي 3 مهام يومية بس، وابدئي بأسهل واحدة عشان تحسي بالإنجاز وتكملي. اعملي جدول يومي بسيط فيه وقت للراحة والنوم الكافي، واستخدمي تقنية "الـ5 دقايق" – يعني قولي لنفسكِ "هعمل المهمة دي لمدة 5 دقايق بس"، وغالباً هتكملي. كمان، ركزي على السبب ورا الكسل: لو بسبب الملل، غيري البيئة أو أضيفي عنصر مرح زي سماع أغنية مفضلة أثناء الشغل. وتذكري إن الإسلام بيحثنا على النشاط والسعي، فادعي ربنا بالتوفيق وابدئي بخطوة صغيرة كل يوم. لو عايزة أفكار أكتر أو تجارب مشابهة، ابحثي عن أسئلة مشابهة على فدني عشان تشوفي وجهات نظر مختلفة. أنتِ قادرة، وهتتغلبي على ده خطوة بخطوة! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٨ يوليو ٢٠٢٦
الأول اكشفي لو في اعراض واضحة وشديدة ولو مفيش حاجة صحية ابدأي صحيان بدري ودش ساقع وظبطي روتين حياتك وكمان السبب ممكن يكون نفسي ف لما تغيري روتين حياتك هتلاقي نفسيتك اتحسنت ونومك وأكلك وهتلاحظي تغير الفكرة هتكون ف انك تبدأي يومك بدري
تم النشر الخميس، ٩ يوليو ٢٠٢٦
السلام عليكم، الكسل الحقيقي بيبقى أنت قادرة أصلا تقومي تعملي الحاجة الفلانية لكن مش عاوزة تقومي أو بتسوفي وتتحججي بأي حاجة عشان متعمليهاش. يعني مثلا فيه إلزام وراك تحضري درس والمدرس هيعاقب لو غبتِ فعادي بتقومي وتروحي الدرس ولو حاجة بتحبيها وبتحسي بنشاط لما تقرري تعمليها بتستدعي قواك عادي وتقومي تعملي المطلوب، لكن مثلا حاجة مش بتحبي تعمليها وبتحسسك بتقل أو مش فيها نوع من الإجبار فنفسك بتتراخى عنها وبتقول عادي نؤجلها لبعد شوية أو بكرة فيه لسه وقت. *** أما لو فيه مشكلة صحية أو حتى نفسية فبيبقى معها أعراض تانية زي همدان بالجسم وانعدام طاقة ومشاكل في النوم ونسيان أو قلة تركبز وممكن أعراض جسدية تانية. بس للضمان واستبعاد الأسباب الصحية، اعملي تحاليل دم وفيتامينات عشان تتأكدي إن مفيش أنيميا أو نقص فيتامينات وخاصة فيتامين دال. ** التخلص من الكسل مش هييجي غير بإنك تبدئي فورا ولا تنتظري الشغف أو الرغبة في عمل لشيء، وبتدريب نفسك على الاستمرارية وعمل أهداف صغيرة عشان نفسك متحسش بثقل وتبدأ تسوف. لا تتقلي على نفسك بالأهداف وقسمي المهام لأجزاء صغيرة وخذي فترات راحة بينها. وكمان مهم تبرمجي عقلك على أهمية التزامك بالمهام المطلوبة منك وتكتبي الأسباب والدوافع وراء أهدافك وتخليها أمام عينيك عشان تحفزك كل ما تحسي بكسل وفتور.. جربي تتطبقي قاعدة الخمس ثواني، وهي إنك تعدي تنازليا من خمسة لواحد وتقومي على طول تنفذي المطلوب منك... لأن بعد الخمس ثواني العقل بيبدأ يطلع لك أعذار عشان تكسلي. والأهم من اللي فات، استعيني بالله وتوكلي عليه ولو أنتِ مسلمة رددي كتير ذكر (لا حول ولا قوة إلا بالله العلي العظيم) هيفرق معك. وبالتوفيق.💚
تم النشر الأربعاء، ٨ يوليو ٢٠٢٦
الكسل لو بيكون على فترات بسبب ضغط أو قلة نوم أو إرهاق فده غالبا طبيعي. لكن لو مستمر بقاله فترة ومأثر على دراستك أو شغلك أو حياتك اليومية ومخليكِ مش قادرة تعملي حتى الحاجات اللي بتحبيها فممكن يكون وراه سبب صحي أو نفسي ويحتاج يتعرف...بقاله قد إيه معاكِ؟ ولما تيجي تعملي حاجة بتحبيها بتحسي إنك عايزة ومش قادرة ولا أصلا معندكيش رغبة؟ ونومك وأكلك عاملين إيه؟ (انا مش دكتوره لكن عندي فكره عن الاعراض و الحاجات دي)
تم النشر الأربعاء، ٨ يوليو ٢٠٢٦
لازم تكشفي الاول اعملي تحاليل كالسيوم و فيتامين د و صورة دم كاملة و مخزون حديد و اعرضيهم علي دكتور باطنة و قوليله علي كل حاجة حاسة بيها لو كله تمام يبقي كسل بس و يتعالج بالتعود التدريجي عن طريق تعملي حاجة بسيطة و تزوديها حاجة بسيطة كل يوم
تم النشر الأربعاء، ٨ يوليو ٢٠٢٦
لعرض السؤال في فدني اضغط هنا